Jean 21:3 - Nouveau Testament en Gulay 2004

³ Simon Pierre ede madennge ede nè: – Man m’a m’aw le kɔse kanje. Madennge edi nin edi nè: – Jè géa j’à j’aw sei tɔ. Simon se madennge undei loo teei awi ali kêm bato’t. D’ɔse kanje ndɔɔ sár loo ar dè de’t yerer nal kuwe kanje karé ke luk-luk kêm ndɔn’t nè.

Jean 21:3 ပူးပေါင်းရင်းမြစ်များ

Tà ke Maje ke Luc ndang 5:5

Simon tel ile Jésu dè’t ede nè: – Ngar, jè ra kule kɔse kanje ndɔ laa j’ɔr yàl-yàl nal kuwe ngonn kanje karé ke luk-luk. Nè se go tà tami nga ɓaa, m’a tel kule burege manné gugu kan.

Jean 21:4

Loo ke loo ar ɓá ɓaa, Jésu ree nda ngang ba’t. Nè né è bè géa, njékuwe-girnge geri titeke è è lé.

Nyanra Njekawkulege 18:3

Paul aw inge Aquilas se neen’n ndi se de tede ei kɔde kojo kei kubu madennge.

Nyanra Njekawkulege 20:34

Sei kuwe i geri mbak titeke ji’m man kuwe á m’ra’n kule ɓita m’inge’n nyange ke man se njémade-loo-kawge le’m j’aw ndoo de.

1 Nje Ke Corinthe 3:7

Titeke bè á njè dubu nyan éké njè kum mann dè’t ei nyange lé. Nè Nube ke njè kade nyan ra tɔge ke kété-kété kuwe karé á è nyan.

1 Nje Ke Corinthe 9:6

Ké jè se Barnabas kuwe se kar jé á è tà le jé kade jè ra kule ɓita j’inge’n nyankuse jé wa?

1 Nje Ke Thessalonique 2:9

Ngakon jége, loo ke ndɔ ke j’ile mber Tà ke Maje le Nube j’ade sei nga, j’ule ra jé ndibe jè ra kule j’ɔr yàl-yàl ndɔ a, kada a tɔ. Jè ra titeke bè tede le tel kɔii’n dè doo karé bè dann si’t lé. Ké kem̂ si olé dè’t ɓila lé sár wa?