Jean 21:23 - Nouveau Testament en Gulay 2004

²³ Njékuwe-gir-Jésuge turi tà nè ilei gel edi nè: – Njèkuwe-gir-Jésu nè nga, ayé kwei lé. Nè Jésu tam ede nè: «Njèkuwe-girnge nè nga ayé kwei lé» lé. Nè è tam ede nè: « Ke nè á m’ndige kade n’ndi sár le kade m’tel m’ree’n ɓaa, ké usi ri wa?»

Jean 21:23 ပူးပေါင်းရင်းမြစ်များ

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

Nyanra Njekawkulege 1:15

Ndɔ karé bè, njétaakêm-Kristge kebi nan asi aru se kɔr-joo. Pierre ɔse nang in dɔ dann de’t ede de ede nè:

Nyanra Njekawkulege 28:14

J’inge ngakon jé ke njétaakêm-Kristge kêm ɓee ke Pouzzoles. Ei ɓari jè adi jè ndi se de ase ndɔ ji sejimute. E se go rebege ke titeke bè á j’aw’n sár jè tee’n kêm ɓeekon ke Rome ɓai.

Nyanra Njekawkulege 6:3

Gir’n ke nè á, ngakon jége, i sangi dingemge ji sejimute dann si’t ɔri de le kade jè tel se kule nobo nyankuse j’umi ji de’t. Nè maje kade ei dooge ke d’ɔr tà le de maje. Maje kade ei dooge ke Ndil-Kêmnda se kumkunju taai ra de pel-pel a tɔ.

1 Nje Ke Corinthe 11:26

Dɔ-dɔ, loo ke a usei mapa nè a, a an-in yibe nduu nè nga a tɔ ɓaa, ilei mber kwei le Kuwe-ɓee sár adi tel ree’n.

1 Nje Ke Corinthe 4:5

Gir’n ke nè á maje kade i gangi tà dè doo’t se ndáng karè kété anje ndɔ tel ree’t le Kuwe-ɓee lé. I nginei sár adi Kuwe-ɓee kuwe tel ree pa ɓita. E è á à ade loo ar dè nyange ke tooi loo ɓoyɔn’t ɗarinè dann tilkus’t nga. Nyange ke dooge ɔji dè ɓengre de’t le rai se go ngein ɓai nga, Kuwe-ɓee à ribe dè ke nata tàkum kosge’t malang. Ndɔ’n nè nga, nanan géa Nube à pite’n ɔje dè nyan ra’n-ra’n.

Jacques 5:7

Ngakonmge, ilei kem̂ si pon-pon sár ndɔ tel ree le Kuwe-ɓee. An-in! njèndɔr. E ndi ngine njar ko. Unn gir dè ndi hel’t kuwe ile kem̂’n pon ndi ngine njar ko sár ade ndi aw’n ɓéee.

Lookilera’n 2:25

Nè nyan ke karé ke tò ji si’t nga, uwei mong-mong sár adi m’ree’n.