Jean 21:22 - Nouveau Testament en Gulay 2004

²² Jésu tel ede Simon ede nè: – Ke nè á m’ndige le kade n’ndi bè sár kade m’tel m’ree’n ɓaa, ké usi ri wa? I ɓaa, unn rebe goom’t.

Jean 21:22 ပူးပေါင်းရင်းမြစ်များ

Matthieu 16:24

Taɓai Jésu ede njékuwe-girnge ede nè: – Ke nè á doo karé ndige kunn rebe goom’t ɓaa, maje kade inye go tàgir ke ɔje dè ra’n kɔke a, maje kade uwe dè nja ra’n se ndɔge malang le kwei titeke man m’ra’n bè ɓita unn dè nja’m têr-têr ɓai.

Matthieu 24:27

Titeke ndi têl loo tee’t le kàde ndoin sár tee loo kur’t le kàde nga, ndɔ tel ree le’m man ke m’ee Ngonn doo nga géa à è titeke bè to.

Matthieu 24:3

Taɓai Jésu ɔte aw ndi dè mbal’t ke kage olivierge ndai tutu. Njékuwe-girnge awi ingeii se kar’n deji nin edi nè: – Ede jè, ké ndɔ ke ra nyange nè nga à teei wa? Ké ri á à tɔji jè kade jè ger ndɔ teli nga wa? Ké ndɔ ke ra gir nang nè à gang ɗás wa?

Matthieu 24:44

Gir’n ke nè á sei géa, uwei dè nja ra si tede man ke m’ee Ngonn doo nga m’a m’tel ree dè kàde ke sei giri’t nga lé.

Matthieu 25:31

Loo ke man ke m’ee Ngonn doo m’a m’tel ree se dooge ke danrán malang dann ndubra’t le’m, kêm ndɔn’t nè nga m’a m’al ɗáng ndi dè kutu-ngar’t le’m.

Matthieu 8:22

Jésu tel ile njèkuwe-gir’n nè nga dè’t ede nè: – Unn goo’m, inye njé ke weii ade ei kuwe dubi nan.

Marc 9:1

Jésu ede doobulege se njékuwe-girnge ede nè: – An-in! man m’ede sei ndàt, dooge ke nange dann si sei ke i ndii nè’t a an-in Konɓee le Nube ke ndɔ ke rang à ree se tɔgmong nga pa ɓita à weii ɓai.

Jean 21:19

Jésu tam tà nè nga titeke bè ɔje’n dè ɓer ke d’ayé ɓer Simon kàde kage-ke-dese’t le kile’n riɓar dè Nube’t. Loo ke Jésu tam tà nè nga gir gang ɓá ɓaa, tel ede Simon Pierre ede nè: – Unn rebe goom’t.

Jean 21:21

Loo ke Pierre tête kum’n an’n ɓaa, deje ede nè: – Kuwe-ɓee, à n’ee ke nè, ké ri á à tee dèyé’t wa?

1 Nje Ke Corinthe 11:26

Dɔ-dɔ, loo ke a usei mapa nè a, a an-in yibe nduu nè nga a tɔ ɓaa, ilei mber kwei le Kuwe-ɓee sár adi tel ree’n.

1 Nje Ke Corinthe 4:5

Gir’n ke nè á maje kade i gangi tà dè doo’t se ndáng karè kété anje ndɔ tel ree’t le Kuwe-ɓee lé. I nginei sár adi Kuwe-ɓee kuwe tel ree pa ɓita. E è á à ade loo ar dè nyange ke tooi loo ɓoyɔn’t ɗarinè dann tilkus’t nga. Nyange ke dooge ɔji dè ɓengre de’t le rai se go ngein ɓai nga, Kuwe-ɓee à ribe dè ke nata tàkum kosge’t malang. Ndɔ’n nè nga, nanan géa Nube à pite’n ɔje dè nyan ra’n-ra’n.

1 Nje Ke Thessalonique 2:19

Loo ke ndɔn’t Kuwe-ɓee le jéi Jésu à tel ree ɓaa, nyan kundekem̂ tchên se nyan ranel le jé nga ké è sei lé ɓai wa? Dè jé à in tchakm nonn’t tede kem̂ ndɔn’t nè nga sei a i tooi kasinan se jɔkɔ kunn banga le jé bè.

Jacques 5:7

Ngakonmge, ilei kem̂ si pon-pon sár ndɔ tel ree le Kuwe-ɓee. An-in! njèndɔr. E ndi ngine njar ko. Unn gir dè ndi hel’t kuwe ile kem̂’n pon ndi ngine njar ko sár ade ndi aw’n ɓéee.

Jacques 5:8

Sei géa, ilei kem̂ si pon a, oréi tà si njak a tɔ, tede ndɔ tel ree le Kuwe-ɓee nain ngɔr ta.

Lookilera’n 1:7

An-in! Jésu-Krist nga à ree dann kil’t le ndi; dooge karé-karé malang à an-in nin a, njé tɔse’n tɔlnge géa à an-in nin se kum de a tɔ. Kosdooge malang dè nang nè à non-in kundei kàde de dai-dai tede tà le’n. Oiyo, maje kade è titeke bè kuwe.

Lookilera’n 2:25

Nè nyan ke karé ke tò ji si’t nga, uwei mong-mong sár adi m’ree’n.

Lookilera’n 22:20

Jésu ke njèkɔrgo tà nyange nè nga tam ede nè: «Oiyo, m’a tel ree ngɔr.» Maje kade è titeke bè kuwe, Kuwe-ɓee Jésu, i ree.

Lookilera’n 22:7

Jésu ede nè: «Ooi maje, m’a m’tel ree ngɔr. Doo ke ngonm tà ke tà Nube’t ke dé ndang kem̂ magtub’t nè nga sêw-sêw ɓaa, ra’n à nel’n kuwe!»

Lookilera’n 3:11

Man m’ree kalang. Nyan ke tò jii’t nga, uwe mong-mong tede kade doo karé bè géa taa jɔkɔ tête rɔ lei nga aw’n lé.