Jean 21:17 - Nouveau Testament en Gulay 2004

¹⁷ Jésu deje Simon njèkon’t mute ede nè: – Simon, ngonn le Jean, ké i ndige’m kerɔte kuwe wa? Kêm Pierre on’n tede deje ke Jésu tel deje’n njèkon’t mute ede nè: – Ké i ndige’m kerɔte kuwe wa? Taɓai Pierre tel ede Jésu ede nè: – Kuwe-ɓee, i ger nyange malang ɓá, i ger titeke m’ndigi kerɔte kuwe. Jésu tel ede Simon Pierre ede nè: – Bè ɓaa, ul ngann batege le’m ade’m sei.

Jean 21:17 ပူးပေါင်းရင်းမြစ်များ

Matthieu 25:40

Ngar à tel kile de dè’t kede nè: «Kerɔte kuwe, man m’ede sei ndàt, nyan malang ke dɔ-dɔ sei i rai se ngonn karé ke ndêin bè dann ngakonmge ke ndii nè’t nga ɓaa, è man kuwe á i rai se’m non.»

Marc 14:72

Ke loon’t nè kuwe, kuren kunje non ke njèkon’t joo. Kêm Pierre olé dè tà ke Jésu tam kété ede nè: «Kété ɓita kade kuren kunje non ke njèkon’t joo nga, i à tɔr naje se rai dèm’t nja mute kede nè i ger’m lé.» Loo ke kêm Pierre olé dè tà’t nè nga ɓaa, ke loon’t nè kuwe, è unn gir non ɓɔkl-ɓɔkl.

Jean 12:8

Njéndooge nga à ndii se si se ndɔge malang. Nè man ɓaa, m’a m’ndi se si se ndɔ’m-ndɔ’m lé.

Jean 13:38

Jésu tel deje Pierre ede nè: – Ké a ile rai kɔke tede’m wa? Kerɔte kuwe, man m’edi ndàt, a i naje se rai dèm’t nja mute ɓita kuren kunje à non kɔkerɔ kon ɓai.

Jean 14:15

Ke nè á i tári man ɓaa, an-in dè ndukunnge le’m sêw-sêw.

Jean 15:10

Man m’an dè ndukunnge le Bɔ’m sêw-sêw á m’nain’n dann tár’t le’n. Sei géa, ke nè á an-in dè ndukunnge sêw-sêw ɓaa, a i nain-in dann tár’t le’m tɔ.

Jean 16:30

Ɗarinè jè ger titeke i ger nyange malang, i aw ndoo kade doo deji tà lé. Gir’n ke nè á j’unde’n kêm jé dèi’t titeke i in ra Nube’t nú kuwe.

Jean 18:27

Pierre tel naje se ra’n kuwe ɓai. Ke loon’t nè kuwe, kuren kunje non kɔkerɔ kon.

Jean 18:4

Jésu ger nyan malang ke ayé tee dènn’t nga mbak. E njiye ngatat tile kum de, è deje de ede nè: – Ké i sangi nan wa?

Jean 21:18

Kerɔte man m’edi ndàt, kété ke i basa ɓai nga i kuwe i tɔ́ ɓedi se ndar aw’n loo titeke kêmi ndige. Nè ndɔn’t a i ɓuge ɓaa, a i sure jii kade doo karé ke rang à tɔ ɓedi se ndar a, à ndɔri kaw sei loo ke i ndige’t lé.

Jean 4:16

Jésu edé ede nè: – Aw i ɓar ngawi ɓita i tel i ree nè ɓai.

Nyanra Njekawkulege 1:24

Taɓai dé malang d’ɔje tà se Nube d’ede nè: – Hei! Kuwe-ɓee, i ger ngarankêm dooge malang, ule jii njung dè doo karé ke i kuwe ɔr’n unde’n se ninn’n dann dooge ke joo nè ade jè.

Nyanra Njekawkulege 11:10

Nyan nè nga ree titeke bè nja mute ɓita tel keng aw danrán gugu ɓai.

Nyanra Njekawkulege 15:8

Nube ke njè ger ngarankêm dooge tɔje titeke uwe njé ke ei Juipge lé ke rann’t. Gir’n ke nè á è ade’n de Ndil-Kêmnda titeke ndɔ ke kété ade’n jéi nga tɔ.

2 Nje Ke Corinthe 1:12

Nyan ke ade dè jé in’n tchakm nga, è tàgir ke kêm jé’t. Jè ger kêm jé’t titeke nyanra jé taa kum dooge ke dè nang nè. Sei kuwe mbain géa, i geri titeke nyanra jé è nyanra ke se dè naje’n. E kêmnoje le Nube á ɔr non jé ade jè ra’n nyan se dè naje’n m è kumkunju le doo lé.

Nje Ke Ephese 4:30

I rai kum Ndil-Kem̂nda ndoo lé. Nube ɔr sei unde sei se ninn’n ke kosdooge le’n takul Ndil-Kem̂nda. E nyankorji ke Nube uje ra si’t le tɔje’n sei titeke à ɔr sei dann kaiyage’t le si njing se non ndɔ ke rang.

1 Pierre 1:6

Nyantosowurge gai-gai nan-in sei ɗarinè mbɔr. Nè né è bè géa, i rai ranel ɔje dè kaje ke Nube uwe dè nja unde konn tede si nga.

2 Pierre 3:1

Kótarge le’m, magtub ke m’ndang nè nga, è njèkon’t joo. Kem̂ è ke kété’t se è ke ɗarinè, m’ndige le kolé kem̂ si kade tàgir le si aw maje dè nyange ke ndɔ ke m’ndó sei nga.

Lookilera’n 2:23

M’a m’ade yo-kos à tɔl ngannenge kabak. Bè tá njékebe nange le Nube malang à geri titeke man m’ee njè ter tàgir le dooge ke dè ɓengre de’t. Man m’uge nanan géa dann si’t se go kule ra’n.

Lookilera’n 3:19

Man ɓaa, dooge malang ke m’tár de nga, m’ndáng de a, m’um ndêin dè de’t a tɔ. Maje kade in kalang i tur hali.