Jean 21:16 - Nouveau Testament en Gulay 2004

¹⁶ Jésu tel deje Simon njèkon’t joo ede nè: – Simon ngonn le Jean ké i tár’m kuwe wa? Simon tel ile jésu dè’t ede nè: – Oiyo, Kuwe-ɓee, i ger titeke m’ndigi kuwe. Jésu tel edé ede nè: – I tɔse kumi dè ngann batege le’m ul de ade’m sei.

Jean 21:16 ပူးပေါင်းရင်းမြစ်များ

Matthieu 2:6

«I Bethléhem, ɓeekon le Juda nga, ɓee-bòge ke ɓeekon’t le Juda nga, d’a kur dèi ndan lé, tede ngar ke njèkul kosdooge le’m ke ei Juipge nga à in rai’t.»

Matthieu 25:32

Kêm ndɔn’t nè d’a d’ɔse nja kosdooge ke dè nang nè malang nan’t nonm’t. M’a m’ɔr kum dooge ke nange dann made dege’t titeke njèkul nyan ɔr’n kum batege se bal-binyege bè.

Matthieu 26:72

Pierre tel naje se ra’n dè Jésu’t njáng ede nè: – M’ger doo nè nga lé njing kerɔte kuwe.

Tà ke Maje ke Luc ndang 19:10

Man ke m’ee Ngonn doo nga, m’ree le sang njé ke ndemi osoi kɔke le tel se de ke ra Nube’t.

Jean 18:17

Dinye ke è ngonn njèndi ke nda à ngonm tà kei deje Pierre ede nè: – Ké i géa i ke dann njékuwe-gir dingem’t nè nga tɔ lé wa? Pierre tam ede nè: – Ḿ-m̀, man m’ee ke dann de’t lé.

Jean 18:25

Simon Pierre ndi gutenn’t à ɔde nan ndibe por kuwe ɓai. Dé deje’n d’ede nè: – Ké i géa i ke dann njékuwe-gir doo nyan le doo’t nè nga tɔ lé wa? Pierre naje se ra’n ede nè: – Ḿ-m̀, man m’ee ke dann de’t lé.

Jean 21:17

Jésu deje Simon njèkon’t mute ede nè: – Simon, ngonn le Jean, ké i ndige’m kerɔte kuwe wa? Kêm Pierre on’n tede deje ke Jésu tel deje’n njèkon’t mute ede nè: – Ké i ndige’m kerɔte kuwe wa? Taɓai Pierre tel ede Jésu ede nè: – Kuwe-ɓee, i ger nyange malang ɓá, i ger titeke m’ndigi kerɔte kuwe. Jésu tel ede Simon Pierre ede nè: – Bè ɓaa, ul ngann batege le’m ade’m sei.

Nyanra Njekawkulege 20:28

Undei kumkunju dè ra si’t se dè bate kosge malang ke Ndil-Kêmnda unde sei ke njékan dè dege. Uli njékebe nange le Nube ke è ndogo de se mese’n ke kinge’n.

Hebreuge 13:20

Nube ke njè kade jèi kem̂lom, è ade Kuwe-ɓee le jéi Jésu unde loo tee dann njé ke koo’t. Nube ɔr’n unde’n ke maw njèkul batege. Jésu unde gir mann-ra ke à tò sár se non se mese’n è kuwe.

1 Pierre 2:25

Kété sei tooi asinan se batege ke ndemi awi yo-yo, nè-nè bè. Nè ɗarinè, dé tel se si ke ra è ke njèkul si se njèkan dè ngarankum ra si a tɔ.

1 Pierre 5:2

Uli bate kosge le Nube ke um de ji si’t nga se kem̂nda káng. Adi doo unde dè si tá lé, nè i tɔsi kum si dè de’t se kem̂nda káng titeke Nube ndige’n. I rai se kem̂nda káng m i rai tede kinge’n nar tá lé.

Lookilera’n 7:17

Kerɔte kuwe, Ngonn bate ke nda dann kutu-ngar’t danné bɔp nga à è njèkul de a, à ɔr non de kaw se de tà ngur mann ndikumgajer’t. Nube à tise mann non kum de’t ndát-ndát a tɔ.»