Jean 21:15 - Nouveau Testament en Gulay 2004

¹⁵ Loo ke d’use nyan gir gang ɓá ɓaa, Jésu deje Simon Pierre ede nè: – Simon, ngonn le Jean, ké i tár’m dum njékuwe-girmge ke rang malang kuwe wa? Pierre tel ile Jésu dè’t ede nè: – Oiyo, Kuwe-ɓee, i ger titeke m’ndigi kuwe. Jésu edé ede nè: – Ul ngann batege le’m ade’m sei.

Jean 21:15 ပူးပေါင်းရင်းမြစ်များ

Matthieu 10:37

Nanan ke ndige bɔ’n éké kon’n tá dum’m man ɓaa, è asekum k’ee le’m man lé. Nanan ke ndige ngonn’n ke dingem éké ke dinye tá dum’m man ɓaa, asekum k’ee le’m man lé.

Matthieu 16:17

Jésu ede Pierre ede nè: – Simon, ngonn Jonas, rai neli tede è doo ndul á ade kumi gang dè tà’t nè nga lé. Nè è Bɔ’m ke danrán kuwe ade kumi gang dè tà’t nè nga.

Matthieu 18:10

An-in! tá nè a kin-in nedi ngonn karé bè dann madennge’t nè. Man m’ede sei titeke dooge le de ke danrán ndai tàkum Baa ke ndi danrán ndêrm se ndɔ karé-karé malang tede tà le de.

Matthieu 26:33

Pierre unn tà tam ede Jésu ede nè: – Ke nè á dooge ke rang malang à tusi kundekêm le de kinyei tede nyan ke à tee dèi’t nè nga géa, man ɓaa, m’a m’tusi kinyei ndan lé.

Matthieu 26:35

Pierre tel ede Jésu ede nè: – Né è tà le kade m’wei sei géa, gar-gar m’a m’tɔr naje se ra’m dèi’t ndan lé. Gute njékuwe-gir-Jésuge malang géa tami titeke bè kuwe tɔ.

Marc 14:29

Pierre ede Jésu ede nè: – Ke nè á njé ke rang malang à tɔri naji se ra de dèi’t géa, man Pierre ɓaa, m’a m’naji se ra’m dèi’t ndan lé.

Tà ke Maje ke Luc ndang 12:32

– Sei ke i tooi asinan se nyankulge le’m ke tchɔp bè nga, ebi’t ɓel; tede Bɔ jéi ade sei Konɓee le’n.

Tà ke Maje ke Luc ndang 22:32

Nè man m’ɔje tà se Nube le kade kundekêm tchên lei tel wei soin lé. I nga, loo ke a kɔse wan tel ke ram’t ɓaa, ule dingem kêm ngakoinge’t.

Jean 1:42

E ɔr’n aw se’n ra Jésu’t. Loo ke Jésu tête kum’n pan an’n ɓaa, è tam ede nè: – I i Simon ngonn le Jean. D’a ɓari Céphas (tel se tà koje jéi è kuberi her ke mong).

Jean 13:37

Pierre tel deje Jésu ede nè: – Ké m’a m’ase k’unn rebe gooi’t ɗarinè lé tede ri wa? Ma m’ile ra’m kɔke tede lei.

Jean 16:27

Bɔ’m kuwe tár sei tede sei géa i tári man tɔ. Umi kêm si dèm’t titeke man m’in ra Nube’t.

Jean 21:12

Jésu ede njékuwe-girnge ede nè: – I reei usei nyan. Dé ree dé ndi nang, nè doo karé bè géa ɔse kum’n deje’n ede nè: «Ké i nan wa?» lé. Dé malang dé ger titeke è Kuwe-ɓee.

Jean 21:7

Njèkuwe-gir-Jésu ke Jésu tár’n ngain ede Pierre ede nè: – Doo nga è Kuwe-ɓee le jéi Jésu! Loo ke Pierre oo titeke è Kuwe-ɓee ɓaa, tel ule kubu le’n ke bòi yul rann’t, al bal oso dann ba’t gugu gɔbong tede kété ndi ra’n karè.

Jean 8:42

Jésu ede de ede nè: – Ke nè á Nube è Bɔ si kerɔte ɓaa, né ayé tári man tede man m’in ra Nube’t á m’ree. E man kuwe m’in se dè’m m’ree lé, è è á ule’m ra si’t.

Nyanra Njekawkulege 20:28

Undei kumkunju dè ra si’t se dè bate kosge malang ke Ndil-Kêmnda unde sei ke njékan dè dege. Uli njékebe nange le Nube ke è ndogo de se mese’n ke kinge’n.

Nyanra Njekawkulege 20:29

Man m’ger mbak, loo ke m’a m’in kaw ɓaa, heng-ge ke tooi ɓel à uri dann si’t le sanrin bate kosge nè nga.

Nje Ke Rome 14:1

Doo ke tɔg kundekêm le’n goto nga, uwei nin ke ra si’t m i giri tà dènn’t yo ke nè lé.

Nje Ke Rome 15:1

Jèi ke kundekêm le jéi ɓeɓer ɓá nga, è tà le kade jè geti njé ke kundekêm le de ɓisir lé nga gar-gar. Ade jè sangi nyan ke ɔje dè ranel le jéi se kar jéi lé gar-gar.

1 Nje Ke Corinthe 8:11

Njètaakêm-Krist ke kundekêm le’n ɓisir lé ke Krist wei tede’n nga, i tuju’n se «nyanger» lei.

Nje Ke Galatie 5:6

Kuje tà mɔte éké kuje tà mɔte lé, è nyan ke liriri tede le doo ke um nan’t bɔk se Jésu-Krist. Nè nyan ke è ngarankum nyan nga, è kundekem̂ ke ra kule dè tár nan’t.

Nje Ke Ephese 4:14

Titeke bè á j’à teli tooi kasi nan se ngannge lé. Tede ngannge nga njé tà ke raikarège se njé libe kum dooge in-in ndói de nyange ke pás-pàs ade ndemi. Ngannge nga tooi asinan se bato ke nel ɔse’n aw se’n yo-yo, nè-nè bè.

Nje Ke Ephese 6:24

Maje kade kem̂noje nain se dooge malang ke tári Kuwe-ɓee le jéi Jésu-Krist ke njèndi kumgajer sár se non nga.

Hebreuge 13:20

Nube ke njè kade jèi kem̂lom, è ade Kuwe-ɓee le jéi Jésu unde loo tee dann njé ke koo’t. Nube ɔr’n unde’n ke maw njèkul batege. Jésu unde gir mann-ra ke à tò sár se non se mese’n è kuwe.

Hebreuge 4:13

Nyankunde le Nube karé bè ke ɓɔyɔ ra’n tàkumn’t goto. Nyan malang tò nata ndái-ndái tàkum è ke ndɔn’t j’à tutei go nyanra jéi kadi nin.

1 Pierre 1:8

Jésu-Krist nga, sei an-in nin lé ɓai nè sei tári nin. Ɗarinè sei an-in nin lé ɓai nè sei undei kem̂i si dènn’t a tɔ. Gir’n ke nè á sei ndii dann bò ranel ke maje ɔr njêt’t.

1 Pierre 2:2

Adi ngur tà le Nube ra sei pênn-pênn titeke ngur kil kum kate mba ra’n ngann kidege bè tɔ. Takul mba á sei a rai tɔge ke kété-kété dè kaje’t.

1 Pierre 2:25

Kété sei tooi asinan se batege ke ndemi awi yo-yo, nè-nè bè. Nè ɗarinè, dé tel se si ke ra è ke njèkul si se njèkan dè ngarankum ra si a tɔ.

1 Jean 4:19

Jèi ɓaa, jè tári Nube tede è kuwe á tár jèi kété.

1 Jean 5:1

Nanan ke unde kem̂’n dè Jésu’t titeke è Krist ɓaa, doo nè nga è Nube kuwe oje’n. Nanan ke tár Bɔ jéi Nube ɓaa à tár jèi ngannenge nga tɔ.

Lookilera’n 2:23

M’a m’ade yo-kos à tɔl ngannenge kabak. Bè tá njékebe nange le Nube malang à geri titeke man m’ee njè ter tàgir le dooge ke dè ɓengre de’t. Man m’uge nanan géa dann si’t se go kule ra’n.