Jean 20:29 - Nouveau Testament en Gulay 2004

²⁹ Jésu tel ile Thomas dè’t ede nè: – I unde kêmi dèm’t tede kan ke an’m karè. Njé ke undei kêm de dèm’t anje kan’m nga, ra de à nel de.

Jean 20:29 ပူးပေါင်းရင်းမြစ်များ

Matthieu 13:16

Nè sei nga, ra si nel sei tede an-in nyan nè nga se kum si ɓá a, ooi tà’n se mbi si ɓá a tɔ.

Tà ke Maje ke Luc ndang 1:45

Rai neli tede i naje se rai dè nyange ke Kuwe-ɓee Nube ule doo ke danrán ade edi nga lé. I um kêmi dè’t titeke à aw loon’t deĵ kuwe!

Jean 20:28

Thomas tel ile Jésu dè’t ede nè: – Kuwe-ɓee le’m, Nube le’m.

Jean 20:8

Go’t gugu ɓita njèkuwe-gir-Jésu karé ke rang ke an-in ngɔde aw dè ɓada kété non Pierre’t nga aw kêm be-ɓade’t ke le’n tɔ. E an nyange nè se kum’n. Gir’n ke nè á è unde’n kêm’n dè kunde loo tee dann njé ke koo’t le Jésu.

Jean 4:48

Jésu tel ede’n ede nè: – Ke nè á sei an-in nyankɔbege se nyange ke dum kan lé ɓaa a undei kêm si dèm’t lé.

2 Nje Ke Corinthe 5:7

Jè njiye se go kundekêm m se go kum kan loo lé.

Hebreuge 11:1

Kundekem̂ nga, è nyan ke doo unde kem̂’n dè’t tchên. Kundekem̂ nga, è nyan ke doo an se kum’n lé ɓai nè è um kem̂’n dè’t bɔk-bɔk titeke è inge nyan nè nga ɓá bè.

Hebreuge 11:27

Moise unde kem̂’n dè Nube’t á ndɔ ke è inye’n ɓeekon ke Egypte nal ɓel wong ke ayé ra ngar dènn’t. E nda dè njann’t njáng titeke an Nube ke dookunde le’n ase kan’n se kum’n lé nga ɓá bè.

Hebreuge 11:39

Dooge nè malang nga taai kum Nube tede kem̂ de ke undei dènn’t, nè né è bè géa, ingei nyan ke ndɔ Nube unn’n ndu’n le kade nga lé ɓai.

1 Pierre 1:8

Jésu-Krist nga, sei an-in nin lé ɓai nè sei tári nin. Ɗarinè sei an-in nin lé ɓai nè sei undei kem̂i si dènn’t a tɔ. Gir’n ke nè á sei ndii dann bò ranel ke maje ɔr njêt’t.