Jean 20:26 - Nouveau Testament en Gulay 2004

²⁶ Ndɔ sɔsɔ gugu ɓai, njékuwe-gir-Jésuge teli kebi nan kêm kei karé’t. Ei uti tà rebege dè de’t kák-kák. Thomas è se de nan’t kêm ndɔn’t nè nga. Nè né è bè géa, Jésu tee hɔi, nda dann de’t ede de ede nè: – Maje kade kêmlom nain se si.

Jean 20:26 ပူးပေါင်းရင်းမြစ်များ

Matthieu 17:1

Loo ke ra ndɔ mute-mute ɓaa, è ɔr Pierre se Jacques se ngokon’n Jean njɔl aw se de se kar de bere dè mbal ke ngal lêng-lêng.

Marc 16:14

Loo ke njékuwe-gir-Jésuge ke dɔg-gidé-karé ndii à usei nyan ɓaa, Jésu tee pan kum de’t malang. Jésu in se de ede nè: – Sei njé kunn mbi dè tàge’t se njékêm nderge! Sei mbati kumi kêm si dè tà’t le njè ke an-in man kumgajer loo kunde loo tee’t le’m dann njé ke koo’t.

Tà ke Maje ke Luc ndang 24:36

Loo ke dé nè nga dé ndi d’ɔr tà nè bè-bè ɓai ɓaa, Jésu tee hɔi ke kum de’t ede nè: – Maje kade kêmlom nain se si.

Tà ke Maje ke Luc ndang 9:28

Jésu ede dooge tà kwei le’n se tà kunde loo tee le’n dann njé ke koo’t. Loo ke ra ndɔ sɔsɔ ɓaa, è ɔr Pierre se Jean se Jacques aw se de dè mbal’t tede kɔje tà se Nube.

Jean 11:16

Thomas ke ri tɔy’n è ndunge ede njékuwegir-Jésu madennge ede nè: – Jèi géa, adi j’awi j’weii se Jésu nan’t.

Jean 14:27

M’inye kêmlom le’m m’ade sei. M’a m’ade sei kêmlom le’m titeke dooge ke dè nang nè d’ade’n nga lé. Adi kêm si tò kekek lé a, adi kêm si tête mann lé a tɔ.

Jean 20:19

Loo sɔlé kêm ndɔ ke njè kutu go ndɔ taa kebe, loo ke ndɔ il ɓá ɓaa, njékuwe-gir-Jésuge kebi nan kêm kei uti tà rebe dè de’t kák-kák tede ɓeli Juipge. Jésu tee hɔi, nda dann de’t ede de ede nè: – Maje kade kêmlom nain se si.

Jean 20:21

Jésu tel ede de ede nè: – Maje kade kêmlom nain se si. Ɗarinè, man géa m’ule sei titeke kété Bɔ’m ule’m nga tɔ.

Jean 21:1

Ndɔ ke gugu rang, Jésu tee hɔi ke ra njékuwe-girnge’t tà ba ke ri’n nè Tibériade. An! dé ke è tɔje de ra’n ade d’an’n nga ri de á tò nè:

Jean 21:14

Taɓai unn tutu kanje nobo de titeke bè tɔ. Nube ade Jésu unde loo tee dann njé ke koo’t. E tɔje ra’n ade njékuwe-girnge an-in nin. Ke nè ɓaa, è njèkon’t mute ɗarinè ta.

Nyanra Njekawkulege 1:3

Go nyankêmkon ke ra’n se go kwei le’n, Jésu tɔje ra’n kumgajer ade njékawkulege le’n an-in nin nja bule. E nain se de ndɔ’n kɔr-sɔ, è ɔr ser nyange ke ɔje dè Konɓee le Nube ade de.