Jean 20:25 - Nouveau Testament en Gulay 2004

²⁵ Loo ke Thomas ree ɓaa, njékuwe-gir-Jésuge ke rang edi nin edi nè: – Jè j’an Kuwe-ɓee ɓá. Thomas tel ede de ede nè: – Ke nè á m’an tà dò pondɔ ke jinn’t, m’ule ngaw ji’m tà dò ninge ke kêl kàdenn’t nga lé ɓaa, m’a m’taa tà le si ndan lé.

Jean 20:25 ပူးပေါင်းရင်းမြစ်များ

Matthieu 27:42

Njékuje nyan-mesege tami edi nè: – Ndɔ ke n’aje njé ke rang nè n’ase kaje rayé n’ee kuwe lé. Ke nè á n’ee ngar le Israelge kerɔte ɓaa, maje kade n’rise nang kade kage-ke-dese’t ɗarinè n’ade j’an ɓaa, j’à j’um kêm jé dèyé’t.

Marc 16:11

Marie ede de ede nè: – Jésu nga ndi kumgajer, m’an’n se kum’m. Nè d’unn mbi de dè tà’t le’n.

Marc 16:13

Njé ke joo nè nga teli awi kêm ɓee-bò ke Jérusalem. Ei edi gute njékuwegir-Jésu made dege ke rang tà nè; nè ei unni mbi de dè tà’t le njé ke joo nè kuwe ɓai.

Marc 16:14

Loo ke njékuwe-gir-Jésuge ke dɔg-gidé-karé ndii à usei nyan ɓaa, Jésu tee pan kum de’t malang. Jésu in se de ede nè: – Sei njé kunn mbi dè tàge’t se njékêm nderge! Sei mbati kumi kêm si dè tà’t le njè ke an-in man kumgajer loo kunde loo tee’t le’m dann njé ke koo’t.

Tà ke Maje ke Luc ndang 24:25

E ede de ede nè: – Sei njé kêm tɔ kuju tà lége tur se si ngain le ger gir tà ke njéribe-dè-tàge ke tà Nube’t tami kété mari nga.

Jean 1:41

André aw inge Simon ngokon’n ke le’n kuwe kété ede’n ede nè: – Jè j’inge Messie ke dé ɓar’n Krist nga ɓá.

Jean 20:27

Go’t gugu è tur kum’n dè Thomas ede’n ede nè: – An tà dòge ke jim’t. Ule ngonn jii ke kété nè ɔde’n tà dò ninge ke kêl kàdem’t. Ebe’t kunn mbii dè tà’t lei. Unde kêmi dèm’t.

Jean 21:7

Njèkuwe-gir-Jésu ke Jésu tár’n ngain ede Pierre ede nè: – Doo nga è Kuwe-ɓee le jéi Jésu! Loo ke Pierre oo titeke è Kuwe-ɓee ɓaa, tel ule kubu le’n ke bòi yul rann’t, al bal oso dann ba’t gugu gɔbong tede kété ndi ra’n karè.

Jean 6:30

Dé tel dé deje Jésu d’ede nè: – A i, ké nyankɔbe ri á a i ra le kade j’an, j’unde’n kêm jé dèi’t wa? Ké kule rai è ri wa?

Hebreuge 3:12

Ngakonmge, undei kumkunju dè ra si’t le kade doo karé bè géa dann si’t ndi se kem̂ majelé éké kunn mbi dè tà’t tede kade ɓengre’n tel tur gide’n ade Nube ke njèndi kumgajer nga lé ta.

Hebreuge 3:18

Ké è njé ke ra á ndɔ ke Nube unn ndu’n ede nè: «A ilei nja de loo taa kebe’t le’m nga ndan lé» wa? Ké Nube tam tà nè nga ɔje’n dè njé ke ndɔ ke ali tà tànn’t nga lé wa?