Jean 20:20 - Nouveau Testament en Gulay 2004

²⁰ Loo ke è tam tà nè nga bè ɓá ɓaa, è tɔje dè jinnge se kêl kàde’n ade d’an. Ra njékuwegir Kuwe-ɓee Jésuge nel de ngain tede kan ke an-in nin.

Jean 20:20 ပူးပေါင်းရင်းမြစ်များ

Matthieu 28:8

Ke loon’t nè kuwe ɓel ra dinyege nè ngain ade ɔsi nang in-in dè ɓada se ngɔde awi. Nè ra de nel de ngain. Ei awi se tàge nè edi njékuwe-gir-Jésuge.

Jean 16:20

Kerɔte kuwe, m’ede sei ndàt, a i noin a, a undei kade si dai-dai a tɔ. Nè njé ke dè nang nè à ali ra de. Sei a i ndii dann kumndoo’t kuwe, nè kumndoo le si nga à tel k’ee ranel ɓai.

Jean 16:22

Sei géa, ɗarinè i ndii dann kumndoo’t titeke bè tɔ. Nè loo ke m’a m’tel ree le kan sei ɓaa, ɓengre si à ndi dann ranel’t. Ranel le si nga doo karé bè ke à uwe’n wont kɔr’n goto.

Jean 19:34

Nè né è bè géa, njèrɔ karé dann madennge’t ɔse kêl kade Jésu se ninge dap. Ke loon’t nè kuwe, mese se mann ubei tà’t tir-tir.

Jean 20:25

Loo ke Thomas ree ɓaa, njékuwe-gir-Jésuge ke rang edi nin edi nè: – Jè j’an Kuwe-ɓee ɓá. Thomas tel ede de ede nè: – Ke nè á m’an tà dò pondɔ ke jinn’t, m’ule ngaw ji’m tà dò ninge ke kêl kàdenn’t nga lé ɓaa, m’a m’taa tà le si ndan lé.

Jean 20:27

Go’t gugu è tur kum’n dè Thomas ede’n ede nè: – An tà dòge ke jim’t. Ule ngonn jii ke kété nè ɔde’n tà dò ninge ke kêl kàdem’t. Ebe’t kunn mbii dè tà’t lei. Unde kêmi dèm’t.

1 Jean 1:1

Jè ndang magtub j’ede’n sei tà ke ɔje dè ndikumgajer ke ndi tutu kété mari ke desêin. Tà ke ɔje dè ndikumgajer nè nga, ndɔ ke kété j’oo tà le’n a, j’an’n se kum jé a tɔ. Tà nè nga, ndɔ ke kété jè jè ter’n j’an’n mbiri-mbiri a, jè manm’n se ji jé j’an a tɔ.