Jean 20:19 - Nouveau Testament en Gulay 2004

¹⁹ Loo sɔlé kêm ndɔ ke njè kutu go ndɔ taa kebe, loo ke ndɔ il ɓá ɓaa, njékuwe-gir-Jésuge kebi nan kêm kei uti tà rebe dè de’t kák-kák tede ɓeli Juipge. Jésu tee hɔi, nda dann de’t ede de ede nè: – Maje kade kêmlom nain se si.

Jean 20:19 ပူးပေါင်းရင်းမြစ်များ

Matthieu 10:13

Loo ke njéɓeege d’uwe sei ke ra de’t ɓaa, ndutɔr le si à nain dè de’t. Ke nè á d’ute sei mbeng ɓaa, ndutɔr le si à tel ke ra si’t gugu.

Matthieu 18:20

Kerɔte kuwe, loo ke dooge joo éké mute kebi nan se ri’m ɓaa, m’ee dann de’t non.

Marc 16:14

Loo ke njékuwe-gir-Jésuge ke dɔg-gidé-karé ndii à usei nyan ɓaa, Jésu tee pan kum de’t malang. Jésu in se de ede nè: – Sei njé kunn mbi dè tàge’t se njékêm nderge! Sei mbati kumi kêm si dè tà’t le njè ke an-in man kumgajer loo kunde loo tee’t le’m dann njé ke koo’t.

Jean 14:27

M’inye kêmlom le’m m’ade sei. M’a m’ade sei kêmlom le’m titeke dooge ke dè nang nè d’ade’n nga lé. Adi kêm si tò kekek lé a, adi kêm si tête mann lé a tɔ.

Jean 16:22

Sei géa, ɗarinè i ndii dann kumndoo’t titeke bè tɔ. Nè loo ke m’a m’tel ree le kan sei ɓaa, ɓengre si à ndi dann ranel’t. Ranel le si nga doo karé bè ke à uwe’n wont kɔr’n goto.

Jean 16:33

Man m’ede sei tàge nè nga titeke bè tede kade ingei kêmlom umi se’m nan’t bɔk. A ingei nyantosowur dè nang nè kuwe, nè oréi tà si njak tede man nga m’tête rɔ njé ke dè nang nè ɓá ta.

Jean 20:21

Jésu tel ede de ede nè: – Maje kade kêmlom nain se si. Ɗarinè, man géa m’ule sei titeke kété Bɔ’m ule’m nga tɔ.

Jean 20:26

Ndɔ sɔsɔ gugu ɓai, njékuwe-gir-Jésuge teli kebi nan kêm kei karé’t. Ei uti tà rebege dè de’t kák-kák. Thomas è se de nan’t kêm ndɔn’t nè nga. Nè né è bè géa, Jésu tee hɔi, nda dann de’t ede de ede nè: – Maje kade kêmlom nain se si.

Jean 21:1

Ndɔ ke gugu rang, Jésu tee hɔi ke ra njékuwe-girnge’t tà ba ke ri’n nè Tibériade. An! dé ke è tɔje de ra’n ade d’an’n nga ri de á tò nè:

Jean 21:14

Taɓai unn tutu kanje nobo de titeke bè tɔ. Nube ade Jésu unde loo tee dann njé ke koo’t. E tɔje ra’n ade njékuwe-girnge an-in nin. Ke nè ɓaa, è njèkon’t mute ɗarinè ta.

Jean 7:13

Nè né è bè géa, doo karé ke tam tà ndàt ɔje’n dè Jésu goto tede dé ɓel kum Juipge.

Nyanra Njekawkulege 1:3

Go nyankêmkon ke ra’n se go kwei le’n, Jésu tɔje ra’n kumgajer ade njékawkulege le’n an-in nin nja bule. E nain se de ndɔ’n kɔr-sɔ, è ɔr ser nyange ke ɔje dè Konɓee le Nube ade de.

Nje Ke Rome 15:33

Maje kade Nube ke njè kade dooge kêmlom nain se si malang. Maje kade è titeke bè kuwe.

1 Nje Ke Corinthe 15:5

Krist tee pan ke ra Céphas’t ɓita tee hɔi ke ra njékawkulege ke dɔg-gidé-joo nga ɓai.

Nje Ke Ephese 2:14

E Jésu-Krist nga kuwe á è kem̂lom le jéi. Juipge se njé ke ei Juipge lé ke kété kayai nan gir joo nga, è tel de ke kosdooge ke karé bere. Kɔr nan njêt ke tò asenan se ndogo bɔr ke kai de danné nga, Krist jɔrè nang bɔrɔr-bɔrɔr takul kwei le danra’n kàde kage-ke-dese’t.

Nje Ke Ephese 6:23

Maje kade Bɔ jéi Nube se Kuwe-ɓee Jésu-Krist adi sei ngakon jége malang kem̂lom. Maje kade rai se si adi tár nan se kundekem̂ le si in-in’n dè made’t ke kété-kété.

Nje Ke Philippes 1:2

Maje kade kem̂noje se kem̂lom ke in ra Bɔjéi Nube’t se ra Kuwe-ɓee Jésu-Krist nain se si.

2 Nje Ke Thessalonique 3:16

Maje kade è Kuwe-ɓee ke njè kem̂lom kuwe ade sei kem̂lom se ndɔge malang se loo malang. Maje kade Kuwe-ɓee nain se si malang.

Hebreuge 7:2

Nyan malang ke Abraham in’n loo rɔ’t nga, ke nè á è dɔg ɓaa è ɔr tà karé-karé ade Melkisédec. Melkisédec nga tel se tà koje jéi è «ngar ke njè ra nyan se dè naje’n». Melkisédec è ngar ke kem̂ ɓee ke Salem. Salem nga, kɔr gir’n se tà koje jéi ɓaa è «ngar ke njè kade dooge kem̂lom».

3 Jean 1:14

M’unde kem̂’m tchên le kaw kan-in ngɔr kade j’ɔje’n nan tà se tà jé njan-njan.

Lookilera’n 1:4

Man Jean, m’ndang magtub m’ade njékebe nange le Nube ke gir ji sejimute ke ndii kem̂ ɓeekon ke Asie. Maje kade Nube ade sei kem̂noje se kem̂lom. E nga ndi tutu kété mari sár ɗarinè. E ndi à ree sei non a tɔ. Maje kade ndilge ke ji sejimute ke ndai non kutu-ngar’t le Nube adi sei kem̂noje se kem̂lom.