Jean 20:17 - Nouveau Testament en Gulay 2004

¹⁷ Jésu tel ede Marie ede nè: – Ɔde ra’m lé tede m’in m’aw ra Bɔm’t lé ɓai. Nè i ɓaa, i tel aw ede ngakonmge ede nè m’ndi m’aw ke ra Bɔ’m Nube’t. Bɔ’m Nube nga, è Bɔ si sei a, è Nube le si a tɔ.

Jean 20:17 ပူးပေါင်းရင်းမြစ်များ

Matthieu 12:50

Nanan ke ra nyan ke kêm Bɔ’m ke danrán ndige ɓaa, è nè nga è tite ngokon’m ke dingem se kon nann’m se kon’m ke get a tɔ.

Matthieu 25:40

Ngar à tel kile de dè’t kede nè: «Kerɔte kuwe, man m’ede sei ndàt, nyan malang ke dɔ-dɔ sei i rai se ngonn karé ke ndêin bè dann ngakonmge ke ndii nè’t nga ɓaa, è man kuwe á i rai se’m non.»

Matthieu 28:7

Awi law-law edi njékuwe-girnge edi nè: «Jésu nga unde loo tee dann njé ke koo’t ɓá. An-in! è aw non si’t kété kêm ɓeekon ke Galilée. E á à è loo ke sei a kan-in nin tutu nú.» E ke nè á è tà ke man m’ede sei.

Marc 12:26

Tà ke ɔje dè dooge ke à undei loo teei dann njé ke koo’t nga, ndɔ ke Nube ede Moise tà’n kété ede nè: «Man Nube le Abraham, le Isaac, le Jacob a tɔ.» Nube ede Moise tà nè kɔte ngonn kage ngarr’t ke on por bilm-bilm. Ké bain á i tutei magtub ke Moise ndang ɔje’n dè tà nè nga an-in lé wa?

Marc 16:19

Loo ke Kuwe-ɓee Jésu ede de tàge nè gir gang ɓá ɓaa, Nube ade aw ndi dè jikonn’t danrán nú.

Tà ke Maje ke Luc ndang 10:4

Loo ke a awi ɓaa, an-in tá nè a kin-in kunni nar éké mbu ji si’t; i tulei gabang’t nja si’t lé tɔ. Ke nè á a awi ɓaa, i ndai nang se rebe-rebe i rai dooge lapya lé.

Jean 13:1

Kété ɓita kade ndɔ ra nan Paque ase ɓai nga, Jésu ger titeke kàde ndɔte ɓee dè nang nè tel ke ra Bɔn’t nga ase ɓá. Njé ke le’n ke kinge’n ke ayé ndii dè nang nè ɓai nga, è tár de ngain. E tár de ade al dè loo’n.

Jean 13:3

Jésu ger titeke Bɔ’n um nyange malang jinn’t. E ger titeke in ra Bɔ’n Nube’t a, à tel kaw rann’t gugu a tɔ.

Jean 14:2

Kêm kei le Bɔ’m nga loo ndi tò tutu ngain. Ke nè á è titeke bè lé ɓaa, né m’a kede sei ndàt.

Jean 14:28

M’a m’aw nè m’a m’tel ree ra si’t ɓai. Kété kuwe m’ede sei tà nè nga m’ade ooi ɓá. Ke nè á ndɔ ke i tári man ɓaa né a i rai ranel dè tel ke m’a m’tel kaw ra Bɔm’t nga, tede è bòi dum’m.

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Jean 16:28

Man m’in ra Bɔm’t nú á m’ree dè nang nè. Ɗarinè man m’inye nang nè le tel kaw ra Bɔm’t gugu.

Jean 17:11

Nain ngɔr ɓaa man m’inye nang nè ta, tede m’a m’tel kaw rai’t gugu nú. Nè dé ɓaa, dé nain dè nang nè ɓai. Bɔ’m ke njèkêmnda káng, i ngonm de se tɔgmong lei ke ade’m kade d’um nan’t bɔk titeke jè sei j’um’n nan’t bɔk bè tɔ.

Jean 17:25

Bɔ’m ke njèkêmkanm, i njè ra nyan se dè naje’n, dooge ke dè nang nè geri nin lé, nè man ɓaa m’geri. Njé ke i ade’m se de nga geri maje titeke è i kuwe á ule’m.

Jean 17:5

Bɔ’m, riɓar ke m’inge rai’t nú kété ɓita unde nang nè ɓai nga, i tel ile dèm’t ɗarinè ta.

Jean 20:27

Go’t gugu è tur kum’n dè Thomas ede’n ede nè: – An tà dòge ke jim’t. Ule ngonn jii ke kété nè ɔde’n tà dò ninge ke kêl kàdem’t. Ebe’t kunn mbii dè tà’t lei. Unde kêmi dèm’t.

Jean 7:33

Jésu tam ndàt ede nè: – M’a m’nain se si mbɔr ɓita m’a m’tel kaw ra njèkulem’t ɓai.

Nje Ke Rome 8:29

Njé ke Nube ger de kété ɓita unde nang nè ɓai nga, è ɔje kêmn’t kété mari ke desêin le tel de ke ngann’n le kade tooi asinan se Ngonn kêm’n Jésu. Nube ra titeke bè le kade Ngonn’n ee’n doo ke desêin ke inge riɓar le Nube dann kosdooge’t le Nube.

2 Nje Ke Corinthe 6:18

M’a m’ee Bɔ si a, sei à k’eei ngann’m ke dingem se njé ke dinye, Kuwe-ɓee njètɔgmong kuwe á tam bè.»

Nje Ke Galatie 3:26

Ɗarinè sei Juipge se njé ke ei Juipge lé ke undei kem̂ si dè Jésu-Krist’t nga, sei malang sei ngann le Nube.

Hebreuge 11:16

Nè ɓeekon ke maje ngain dum dè madege ke ngur’n ra de pênn-pênn ɗarinè nga, è ɓeekon ke danrán. Gir’n ke nè á ra Nube sɔl’n dè ɓar ke dé ɓar’n Nube le de nga lé. Kerɔte kuwe, è uwe dè nja ɓee-bò karé tede tà le de ɓá.

Hebreuge 8:10

Kuwe-ɓee tel tam ede nè: An! kem̂ ndɔge ke à reei non nga, m’a m’mann ra’m kade kosdooge ke Israel. M’a m’ule gute-ndumge dann tàgirge’t le de a, m’a m’ndang gute-ndumge dè ɓengre de’t a tɔ. Man m’a m’ee Nube le de a, d’a dé kosdooge le’m a tɔ.

1 Pierre 1:3

Bɔ Kuwe-ɓee le jéi Jésu-Krist nga, maje kade dè’n mong káng-káng. E tel oje jèi kige se go kem̂kanm le’n ke al dè loo takul kunde ke è ade Jésu unde loo tee dann njé ke koo’t. Gir’n ke nè á j’undei kem̂ jéi tchên dè ndikumgajer’t.

1 Jean 3:2

Kotárge le’m, ɗarinè jèi ngann Nube. Nè táa ke jè táai nan se’n nga, ɗarinè tò nata ndái-ndái lé ɓai. Nè né è bè géa, nyan karé ke jè geri á tò nè: Ndɔ ke Krist à tel kunde loo tee pan ɓaa, j’à tooi táai nan se’n tcha-tcha tede j’à j’an-in nin se kum jéi ndan-ndan kem̂ ndɔn’t nè nga.

Lookilera’n 21:3

M’oo ndu doo ɓar beng se ke dè kutu-ngar’t ede nè: «An! kei kubu le Nube nga è dann dooge’t! Nube à ra ɓee se dooge a, d’a dé kosdooge le’n a tɔ. E Nube kuwe á nain se de a, à è Nube le de kuwe a tɔ.

Lookilera’n 21:7

Doo ke tête rɔ ɓaa, m’a m’ade’n nyan nè nga kuwe. M’a m’ee Nube le’n a, à è ngonn’m ke dingem a tɔ.