Jean 20:15 - Nouveau Testament en Gulay 2004

¹⁵ Jésu dejé ede nè: – Dinye, ké i non tede ri wa? Ké i sang nan wa? Marie ke ɓee le’n è Magdala an Jésu ɔje’n njèra kule man-kagege karè. Gir’n ke nè á è ede’n ede nè: – Ngar, ke nè á è i a ɔré ɓaa, ɔje’m loo ke ilé tutu ɓaa, m’a maw le kunné.

Jean 20:15 ပူးပေါင်းရင်းမြစ်များ

Matthieu 12:34

Sei ke i tooi asinan se li jênênnge ke njékêmyêrge! Ké a asikum tam tàge ke maje loo ke ra’t wa? Nyan rusu kêm ɓengre doo njin-njin ɓita tà’n tee tànn’t ɓai.

Matthieu 28:5

Doo ke danrán ke Kuwe-ɓee ule’n nga ede dinyege ede nè: – Sei ɓaa, i ɓeli lé. Ma m’ger titeke sei sangi Jésu ke dé ɓer’n kàde kage-ke-dese’t nga.

Marc 16:6

Ngonn basa nè nga ede de ede nè: – Adi ndil si tee an-in soin-soin lé. Sei sangi Jésu ke Nazareth ke ndɔ ke dé tɔl’n kàde kage-ke-dese’t nga; Nube ade unde loo tee dann njé ke koo’t ɓá. E goto loo ke nè’t. An-in! è loo ke nè á ndɔ ke d’unde ninn’n tutu.

Tà ke Maje ke Luc ndang 2:44

Dé gir kêm de’t d’ede nè bainléa Jésu nain se njémade-loo-kawge le de. Dé njiye dé sang’n ase ndɔ karé dann njénojege’t le de se njé ke geri dege’t a tɔ.

Tà ke Maje ke Luc ndang 24:5

Ɓel unde dinyege nè ndàt gang de ade ulei dè de nang. Doo ke danránge joo ke Nube ule de nga deji de edi nè: – I sangi njèndi kumgajer dann njé ke koo’t lé.

Jean 1:38

Jésu mer goo’n. Loo ke è an de d’unn rebe goon’t ɓaa, è deje de ede nè: – Ké i sangi ri wa? Dé tel d’ile’n dè’t d’ede nè: – Rabbi (tel se tà koje jéi ɓaa, è Kuwe jé) ké loo ndii è ra wa?

Jean 18:4

Jésu ger nyan malang ke ayé tee dènn’t nga mbak. E njiye ngatat tile kum de, è deje de ede nè: – Ké i sangi nan wa?

Jean 18:7

Jésu tel deje de ede nè: – Ké i sangi nan wa? Dé tel d’ile’n dè’t d’ede nè: – Jè sang Jésu ke Nazareth.

Jean 20:13

Dooge ke danrán ke joo nè nga deji Marie edi nè: – Dinye, ké i non tede ri wa? Marie ile de dè’t ede nè: – D’ɔr Kuwe-ɓee le’m Jésu kêm bolè mbal’t kɔke. M’ger loo ke d’aw d’ile’n tutu lé.