Jean 20:13 - Nouveau Testament en Gulay 2004

¹³ Dooge ke danrán ke joo nè nga deji Marie edi nè: – Dinye, ké i non tede ri wa? Marie ile de dè’t ede nè: – D’ɔr Kuwe-ɓee le’m Jésu kêm bolè mbal’t kɔke. M’ger loo ke d’aw d’ile’n tutu lé.

Jean 20:13 ပူးပေါင်းရင်းမြစ်များ

Tà ke Maje ke Luc ndang 24:17

Jésu deje de ede nè: – Ké tà ri á i njiyei ɔji nan dɔ-dɔ bè wa? Dé tel dé nda nang se kumkil kororo.

Jean 19:26

Jésu tête kum’n an kon’n. Kon’n nda ngɔr se njèkuwe-gir’n ke è tár’n ngain. Jésu ede kon’n ede nè: – Dinye, an ngonni.

Jean 2:4

Jésu tel ile’n dè’t ede nè: – Dinye ké i ndige ri ram’t wa? Kàde’n le’m nain ɓai.

Jean 20:15

Jésu dejé ede nè: – Dinye, ké i non tede ri wa? Ké i sang nan wa? Marie ke ɓee le’n è Magdala an Jésu ɔje’n njèra kule man-kagege karè. Gir’n ke nè á è ede’n ede nè: – Ngar, ke nè á è i a ɔré ɓaa, ɔje’m loo ke ilé tutu ɓaa, m’a maw le kunné.

Jean 20:2

Marie ɔse wan tel se ngɔde ree ra Simon Pierre’t se njèkuwe-gir-Jésu karé ke rang ke Jésu ndige’n ngain. Marie ede de ede nè: – D’ɔr ninn Kuwe-ɓee Jésu kêm bolè mbal’t nga kɔke. Nè jè ger loo ke d’ile tutu lé.

Nyanra Njekawkulege 21:13

Ke loon’t nè kuwe, Paul deje de ede nè: – Ké tede ri á i non-in adi ɓengre’m ayé gang’n dɔs wa? Man m’uwe dè nja ra’m le kade dé tɔɔ’m á go karé lé, nè m’uwe dè nja ra’m le kwei tede ri Kuwe-ɓee Jésu kêm ɓee-bò ke Jérusalem.