Jean 20:1 - Nouveau Testament en Gulay 2004

¹ Ndɔ ke njè kutu go ndɔ taa kebe, Marie ke ɓee le’n è Magdala tee se ndɔgé aw dè ɓada se loo ke tò gundu-gundu ɓai. E an titeke doo ndubri kuberi mbal ke bòi ke d’utu’n tà be-ɓade nga ile rang.

Jean 20:1 ပူးပေါင်းရင်းမြစ်များ

Matthieu 27:56

Marie ke ɓee le’n è Magdala se Marie ke kon Jacques se Joseph se kon ngannge le Zébédée géa ei dann dinyege’t nè nga tɔ.

Matthieu 27:60

E unn ninn Jésu aw unde ndeĵ kêm bolè mbal ke ade dé son kige ɔje’n dè’n è Joseph kuwe. Go’t gugu, è ndubri kuberi her ke bòi utu’n tà be-ɓade nè nga ɓita ɔte aw ɓai.

Matthieu 27:64

Unn ndui ade njérɔge ngonmi dè ɓade nè nga tchên sár ndɔ ke njékon mute, nè bainléa njékuwe-girége à reei kɔri ninné se ɓoge ɓaa, à teli kawi kedi kosdooge kedi nè: «Jésu nga unde loo tee dann njé ke koo’t ɓá.» E ke nè á è tà libe kum dooge ke à majelé ngain dum ke kété nga ɓai.

Matthieu 27:66

Maw njékuje nyan-mesege se Pharisienge ɔti awi ndubri kuberi her ilei tà be ɓade’t, taɓai, lon-in tà langt-langt ɓita undei njérɔge tà’t kade ngonmi ɓai.

Matthieu 28:1

Ndɔ ke njè kutu go ndɔ taa kebe nga, Marie ke ɓee le’n è Magdala se Marie karé ke rang teei tàgir loo’t karè awi le kan-in dè ɓade.

Matthieu 28:2

An! ke loon’t nè kuwe nang yei ɓuk-ɓuk. Kuwe-ɓee ule doo le’n ade in danrán ree ndubri her ke bòi ke d’utu’n tà be ɓade nè nga ile rang al ndi dè’t.

Marc 15:46

Joseph aw ndogo tà kubu ke nda káng-káng. E ɔr ninn Jésu kàde kage-ke-dese’t, um’n ngire, taɓai è aw unde’n kêm bolè mbal ke dé son kété mari. Go’t gugu ɓaa, Joseph ndubri kuberi mbal utu’n tà be ɓade.

Marc 16:9

Jésu unde loo tee dann njé ke koo’t tàgir loo’t. E ndɔ ke desêin ke njè kutu go ndɔ taa kebe. E unde loo tee pan kum Marie ke ɓee le’n è Magdala. Marie ke Magdala nga, ndɔ ke kété Jésu rɔ ndilge ke majelé ji sejimute kêmn’t kɔke.

Jean 11:38

Kêm Jésu tel tɔse’n se non mbik-mbik ade ɔte aw dè ɓada. Ɓade nè nga è bolè mbal ke dé son ɓaa, d’utu tà se kuberi her ke bòi.

Jean 11:41

Dé ndubri kuberi her ke bòi nga d’ile rang. Jésu an loo ke dɔ danrán tam ede nè: – Bɔ’m, m’rai oiyo tede i oo ndu kɔ le’m.

Jean 19:25

Kon Jésu se ngokon’n Marie, dinye le Clopas, se Marie ke ɓee le’n è Magdala ndai ngɔr kɔte kage-ke-dese’t le Jésu.

Jean 20:26

Ndɔ sɔsɔ gugu ɓai, njékuwe-gir-Jésuge teli kebi nan kêm kei karé’t. Ei uti tà rebege dè de’t kák-kák. Thomas è se de nan’t kêm ndɔn’t nè nga. Nè né è bè géa, Jésu tee hɔi, nda dann de’t ede de ede nè: – Maje kade kêmlom nain se si.

Nyanra Njekawkulege 20:7

Ndɔ ke desêin ke njè kutu go ndɔ taa kebe, jè kebe nan le tête nan mapa. Paul ndi dè njann’t le kin kaw barè. E ɔje tà se njékebe nange le Nube sár dann loo bɔp.

1 Nje Ke Corinthe 16:2

Ndɔ ke desêin kêm ndɔ ji sejimute nga, maje kade nanan géa dann si’t unn nyankinge’n ke è ngonm unde se ninn’n m i nginei ndɔ ree’m ɓita le tann’n nar nè nga lé.

Lookilera’n 1:10

Ndɔ karé bè è ndɔ le Kuwe-ɓee. Ndil ade m’oo ndu doo ɓar goom’t beng tite ká burunju ke ɓar bè.