Jean 2:2 - Nouveau Testament en Gulay 2004

² Jésu se njékuwe girnge géa, dé ɓar de loo ra nan taa nan’t nè nga tɔ.

Jean 2:2 ပူးပေါင်းရင်းမြစ်များ

Matthieu 12:19

A è njè kɔl nan se doo kade ndu’n ɓar beng-beng lé a, doo à oo ndu’n se ka-rebege lé a tɔ.

Matthieu 25:40

Ngar à tel kile de dè’t kede nè: «Kerɔte kuwe, man m’ede sei ndàt, nyan malang ke dɔ-dɔ sei i rai se ngonn karé ke ndêin bè dann ngakonmge ke ndii nè’t nga ɓaa, è man kuwe á i rai se’m non.»

Matthieu 25:45

Ngar à tel kile de dè’t kede nè: «Kerɔte kuwe, man m’ede sei ndàt, nyan malang ke sei mbati rai se ngonn ke ndêin bè karé dann madennge’t nè nga ɓaa, è man kuwe á i rai se’m non tɔ.»

Jean 2:12

Go’t gugu, Jésu in aw se kon’n se ngakonnge kêm ɓee-bò ke Capernaum. Njékuwe-girnge géa awi se’n tɔ. Nè dé ndi tutu ndɔ bule ngain lé.

Jean 2:17

Ke loon’t nè kuwe, kêm njékuwe-girnge olé dè tà ke dé ndang kêm magtub’t d’ede nè: «Ngur kei lei ra’m pênn-pênn.»

Jean 2:22

Ndɔ ke rang Nube à ade Jésu à unde loo tee dann njé ke koo’t. Ndɔ’n nè ɓita kêm njékuwe-girnge à olé dè tà ke ndɔ ke ede de kété. Gir’n ke nè á umi kêm de dè tà ke tò kêm magtub’t ke tò se ninn’n a, dè tà ke ndɔ ke kété Jésu tam a tɔ.

Jean 2:3

Loo ke yibe nduu mbate dè dooge’t ɓaa, kon Jésu ree ede’n ede nè: – Yibe nduu le de goto lang ɓá ta.

Jean 3:22

Go nyange’t nè nga, Jésu aw se njékuwe-girnge kêm ɓeekon ke Judée’t. E ndi se de tutu ase tà’t a, è ule dooge manné njonm a tɔ.

Jean 4:2

Nè ei njékuwegir-Jesuge á ndɔ ke ulei dooge manné njonm m è Jésu kuwe lé.

Jean 4:33

Njékuwe-gir-Jésuge deji nan edi nè: – Ké nan ree se nyankuse ade n’use gugu laa wa?

Jean 4:8

Njékuwe-girnge awi kêm ɓee-bò’t le sang nyankuse ndogo.

Jean 6:12

Loo ke dooge usei nyan ndanni ɓá ɓaa, Jésu ede njékuwe-girnge ede nè: – I tanni gute nyon-nyon mapa ke nain le kade karé géa tuju lé.

Jean 6:16

Loo ke kàde ur ɓá ɓaa, njékuwe-gir-Jésuge risi awi tà ba’t.

Jean 6:60

Loo ke d’oo tàge le Jésu nè nga bè ɓaa, njékuwe-girnge bule tami edi nè: – Tà nè nga ngang ngain. Ké nan asekum ndi kur mbi’n koo’n ɓai-ɓai wa?

Jean 6:66

Unn gir kêm ndɔn’t nè nga, njékuwe-gir-Jésuge bule teli tɔri ra de goon’t m njiyei se’n lé ta.

Jean 6:67

Jésu tel deje njé ke dɔg-gidé-joo ede nè: – A ɓaa sei, ké i ndigi kaw tɔ wa?

Jean 6:70

Jésu tel deje de ede nè: – Sei ke dɔg-gidé-joo nè nga, ké è man kuwe á m’tɔr sei lé wa? Nè né è bè géa, è ke karé dann si’t tel è doo le sú ke njèkêmyêr.

Jean 6:71

E tam tà nè nga titeke bè ɔje’n dè Judas ngonn le Simon Iskariot. Judas nga, è njèkuwe-gir Jésu ke karé dann madennge’t ke dɔg-gidé-joo. E è á ayé kule’n ji dooge’t kade tɔli nin.

Jean 6:8

Njèkuwe-gir-Jésu karé dann madennge’t ri’n nè André, ngokon Simon Pierre, ede Jésu ede nè:

Jean 7:3

Ngakon Jésuge ke dingem edi nin edi nè: – Ɔte loo ke nè’t kɔke aw kêm ɓeekon ke Judée tede kade njékuwe-girige teri kule raige ke i ndi i ra nga tɔ.

Nyanra Njekawkulege 11:26

Loo ke Barnabas inge’n ɓá ɓaa, è ree se’n Antioche. Ase ɓal karé deri, Barnabas se Saul rai kule nan’t se njékebe nange le Nube ke Antioche ɓeekon ke Syrie. Ei ndói doobulege nyan ase tà’t. Antioche nga è loo ke kété desêin dooge ɓari njékuwe-gir Kristge «njétaakêm-Kristge» tutu.

Nyanra Njekawkulege 11:29

Njékuwegir-Kristge ɔji njáng le kulei se nyan, ra’n se njétaakêm-Kristge ke ndii kêm ɓeekon ke Judée. Nanan géa unn nyan ade se go nyankinge’n-kinge’n.

1 Nje Ke Corinthe 10:31

Ke nè á usei nyan éké an-in nyan, éké i rai nyange ke rang gai-gai géa, i rai nyan malang kade Nube inge’n riɓar.

1 Nje Ke Corinthe 7:39

Loo ke dinye ndi se dè’n dɔ ɓai ɓaa, gute-ndu tɔ’n nan’t neĵ se ngaw’n. Ke nè á ngaw’n wei ɓá ɓaa, è ndi dè’n pal le tel taa ngaw ke rang ke kêm’n ndige, nè maje kade taa dingem ke njètaakêm-Krist tá.

Nje Ke Colosses 3:17

Nyan ke rara ke a i rai, né è tà tam si éké nyanra si géa, i rai se ri Kuwe-ɓee Jésu. I rai Bɔ jéi Nube oiyo se takul’n è Krist.

Hebreuge 13:4

Maje kade dooge malang ilei koje dè taa nan’t. Maje kade dingem se dinye adi taa nan le de unju nyang-nyang. Kerɔte kuwe, Nube à gangtà dè dooge ke njé tò se nan ke kaiya’t a, à gangtà dè njé tò se dinye le dooge a tɔ.

Lookilera’n 3:20

An! m’nda tà kei’t nata m’unde tà kei. Ke nè á doo karé oo ndu’m á ɔr tà kei ade’m ɓaa, m’a m’aw kem̂ kei goon’t, m’a m’use se’n nyan a, è géa à use se’m nyan a tɔ.