Jean 2:19 - Nouveau Testament en Gulay 2004

¹⁹ Jésu tel ile de dè’t ede nè: – I tuji gile kei ke tò se ninn’n le Nube nga kɔke ɓaa, m’a m’tel ra’n gugu kêm ndɔ mute karè.

Jean 2:19 ပူးပေါင်းရင်းမြစ်များ

Matthieu 12:40

Titeke kété Jonas too’n kêm kanje bò’t ase ndɔ mute nga, man ke m’ee Ngonn doo nga géa le’m à è titeke bè tɔ. M’a m’tò ngaran nang’t ase ndɔ mute tɔ.

Matthieu 16:21

Unn gir kêm ndɔn’t nè nga, Jésu-Krist ede njékuwe-girnge ede nè: – Gar-gar m’a m’aw ke kêm ɓee-bò ke Jérusalem. Ngatɔgege se maw njékuje nyan-mesege a, se njéndang magtubge a tɔ, à rai se’m nyantosowur. D’ade tɔl’m nè ndɔ ke njékon’t mute ɓaa, m’a m’unde loo tee dann njé ke koo’t.

Matthieu 27:40

– I ke njè tuju gile kei ke tò se ninn’n le Nube le tel ra’n gugu rang dann ndɔ mute’t nè kuwe, ke nè á i Ngonn Nube kerɔte ɓaa, i taa rai i kuwe tà yo’t, i rise nang kàde kage-ke-dese’t nè nga ade j’an ta.

Matthieu 27:63

– Ngar ke maje, kêm jé olé dè tà’t le njè libe kum dooge nè. Kété ke ndii’n se dè’n dɔ ɓai nga, è tam ede nè: «Ndɔ ke njékon’t mute ɓaa, m’a m’unde loo tee dann njé ke koo’t.»

Marc 14:58

– Ndɔ ke n’tam n’ede nè: N’a n’tuju kei le Nube ke dooge rai nè nga kɔke. Nè ndɔ ke njékon’t mute ɓaa, n’a n’tel ra è ke rang ke dooge à rai lé ta. Ndɔ ke n’tam n’ade jè kuwe j’oo se mbi jé.

Marc 15:29

Dooge ke deri loon’t nè nga taji Jésu a, tugei dè de nêk-nêk a tɔ, edi nè: – Kanm ke tutu. Hai! i njè tuju kei le Nube le tel ra rang kêm ndɔ mute bere nga,

Marc 8:31

Unn gir kêm ndɔn’t nè nga, Jésu ede njékuwe-girnge ede nè: – Man ke m’ee Ngonn doo nga, nyankêmkonge ngain à rai man. Ngatɔgege le Israel se njékɔrgir gute-nduge se maw njékuje nyan-mesege à utei man mbeng a, à tɔli man a tɔ. Ndɔ ke njèkon’t mute ɓaa, m’a m’unde loo tee dann njé ke koo’t.

Jean 11:25

Jésu tel ede Marthe ede nè: – Man nga m’ee njèkade dooge undei loo teei dann njé ke koo’t. Man nga, m’ee njèkade dooge ndii kumgajer a tɔ. Nanan ke unde kêm’n dèm’t, ke nè á wei géa à tel ndi kumgajer ɓai.

Jean 5:19

Jesu tel unn tà tam ede de ede nè: – Kerɔte kuwe, man m’ede sei ndàt, Ngonn asekum ra nyan karé bè se dè ra’n lé, nè nyan ke è an ra Bɔn’t á è ra. Tede nyan malang ke Bɔ ngonn ra nga, ngonn’n géa à ra titeke bè tɔ.

Nyanra Njekawkulege 2:24

Nè Nube ɔr Jésu ke Nazareth dann nyankêmkonge’t le yo ade unde loo tee dann njé ke koo’t. Titeke bè á yo asekum kuwe’n nang gan-gan se go tɔgmong le’n lé.

Nyanra Njekawkulege 2:32

Jésu nè ke man m’ede sei tà le’n nga, Nube ade unde loo tee dann njé ke koo’t. Jéi malang j’ooi tà kunde loo tee le’n dann njé ke koo’t nga se mbi jéi.

Nyanra Njekawkulege 3:15

Sei tɔli Ngar ke njè kade dooge ndii kumgajer se non nga, nè Nube ade unde loo tee dann njé ke koo’t. Jésu ke Nube ade unde loo tee dann njé ke koo’t nga, jè j’an’n se kum jé a, j’oo tàge le’n se mbi jé a tɔ.

Nyanra Njekawkulege 3:26

Nube ɔr ngonn njèndi le’n Jésu ule’n ra si sei’t kuwe kété desêin sàk-sàk. Nube ade ngonn njèndi le’n Jésu unde loo tee dann njé ke koo’t. Ke nè á nanan géa dann si’t inye go nyanra pás-pàsge le’n ɓaa, Jésu à tɔr ndu’n dè si’t.

Nyanra Njekawkulege 6:14

N’ee karé ke n’nda nè kuwe n’tel n’tam ɓai n’ede nè: «Jésu ke Nazareth nga à tête kei le Nube nè kɔke a, à tel tur girkà ke Moise inye ade jèi nga a tɔ.» Jè kuwe j’oo tà nè se mbi jé.

Nje Ke Rome 4:24

nè dé ndang tà nè d’ɔje’n dè jéi jèi ke Nube ɔr tà dè jéi’t takul kêm jéi ke j’undei dè’n è ke njè kade Kuwe-ɓee le jéi Jésu unde loo tee dann njé ke koo’t nga.

Nje Ke Rome 6:4

Kule ke d’ule jèi manné njonm nga, è titeke dé dubu jèi se’n nan’t tɔ. Titeke ndɔ ke Bɔ’n ade unde’n loo tee’n dann njé ke koo’t se go tɔgmong le’n ke dum dè loo nga, jèi géa j’à j’undei loo teei le teli ndii kumgajer bè tɔ.

Nje Ke Rome 8:11

Nube ade Jésu unde loo tee dann njé ke koo’t. Ke nè á Ndil Nube ndi kêm si’t ɓaa, Nube ke ndɔ ke ade Jésu unde loo tee dann njé ke koo’t nga à ade danra si ke njè kwei à tel ndi kumgajer. E Nube ke njè kade Jésu unde loo tee dann njé ke koo’t nga á à ade a i teli ndii kumgajer tɔ, takul Ndil’n ke ndi kêm si’t nga.

1 Nje Ke Corinthe 15:12

J’ile mber j’ede nè: Krist unde loo tee dann njé ke koo’t ɓá. A ɓaa, ké bain á njé ke nange dann si’t tami edi nè: «Dooge à undei loo teei dann njé ke koo’t ndan lé» wa?

Nje Ke Colosses 2:12

Dé dubu sei se Krist nan’t ndɔ ke d’ule’n sei manné njonm nga. Nè sei undei loo i teei se’n nan’t dann njé ke koo’t takul kem̂ si ke undei dè tɔgmong’t le Nube ke njè kade è unde loo tee’n dann njé ke koo’t.

1 Pierre 3:18

Krist nga kuwe géa, nyankem̂kon ra’n nja karé bere luk-luk ke ngang’n tede nyanra majelé le dooge. Krist è njè ra nyan se dè naje’n. Nyankem̂kon ra’n ɔje dè nyanra majelé le dooge tede le tel ree’n se si ra Nube’t. Danra’n á dé tɔl nè è tel ndi kumgajer takul Ndil-Kem̂nda.