Jean 19:9 - Nouveau Testament en Gulay 2004

⁹ E tel aw kêm kei kɔg-loo gangtà’t le’n gugu, è deje Jésu ede nè: – Ké i nga girkà lei è nan wa? Nè Jésu tel ile Pilate dè tà’t lé sár.

Jean 19:9 ပူးပေါင်းရင်းမြစ်များ

Matthieu 26:63

Nè Jésu an’n mar-mar anje kile de dè’t. Maw njèkuje nyan-mese tel deje Jésu ede nè: – Man m’deji se ri Nube ke njèndi kumgajer le kade ede jè ndàt: ké i nga i Krist Ngonn Nube kuwe wa?

Matthieu 27:27

Njérɔge le Pilate njèkonɓee ɔri Jésu awi se’n kei le Pilate. Ei ɔsi nja njérɔge nan’t malang an-in dè Jésu kíng-kíng.

Tà ke Maje ke Luc ndang 23:9

Hérode deje Jésu tà ase tà’t nè è ile’n dè tà karé’t lé.

Jean 18:28

Njékɔr non Juipge in-in se Jésu ra Caiphe’t se ndɔgé ɓat awi se’n kêm kei le Pilate njèkonɓee. Juipge ke awi se’n nga, ilei nja de kêm kei lé. Ei ndigi le kade ra de mine lé tede le kuse’n nyan nan Paque.

Jean 18:33

Pilate tel aw kêm kei kɔge-loo gangtà’t. E ɓar Jésu deje’n ede nè: – Ké i nga i Ngar le Juipge wa?

Jean 18:34

Jésu deje Pilate ede nè: – Dooge ke rang á edi nin tà nè nga ɔji dè’m, ké i kuwe in se kêmi i deje’m tà nè wa?

Jean 18:37

Pilate tel deje Jésu ede nè: – A ɓaa, ké i ngar wa? Jésu tel ilé dè’t ede nè: – E kuwe i tam non. Man Ngar. Kede dooge ngarankum tà á è gir nyan ke d’oje’m d’ade m’ree’n dè nang nè. Nanan ke è le ngarankum tà ɓaa, à ur mbi’n le koo’n ndu’m.

Jean 19:10

Pilate tel deje Jésu ede nè: – Ké man kuwe á ile’m dè tà’t lé wa? Ké i ger titeke m’aw se tɔgmong le kinyei dɔ éké le kade dé ɓeri kàde kage-ke-dese’t lé wa?

Jean 19:8

Loo ke Pilate oo tà nè nga bè ɓá ɓaa, ɓel ra’n ke kété-kété.

Jean 8:14

Jésu tel ile Pharisienge dè’t ede nè: – Né m’tam tà m’ɔje’n dè ra’m man kuwe géa, kɔrgo tà le’m man nga, è ngarankum kɔrgo tà kuwe tede m’ger loo ke m’in tutu á m’ree a, m’ger loo ke m’a m’aw ke tutu a tɔ. Nè sei ɓaa, i geri loo kin-in’m éké loo kaw’m lé a tɔ.

Nje Ke Philippes 1:28

Inyei loo adi njébange le si umi ɓel dè si’t ɔje dè nyan karé lé. Mbate Tà ke Maje le de nga tɔje jéi titeke dé dooge ke tuju. Nè sei ɓaa, nda njáng dè nja’t le si tɔje titeke sei ingei kaje ke in ra Nube’t nga ɓá ta.