Jean 19:42 - Nouveau Testament en Gulay 2004

⁴² Joseph se Nicodème unni ninn Jésu awi undei kêm bolè mbal ke dé son, tede è ngɔr se loo ke dé ɓer’n kàde kage-ke-dese’t. E ndɔ kuwe dè nja nyange malang ɔje dè ndɔ taa kebe le Juipge tede nain ngɔr ɓaa, kàde le ndɔ taa kebe à ase. Gir’n ke nè á d’unn’n ninn Jésu le dubu kɔke.

Jean 19:42 ပူးပေါင်းရင်းမြစ်များ

Jean 19:31

Ndɔ taa kebe ke nè nga, è ndɔ taa kebe ke bò tede tò gai se madege. E ndɔ kuwe dè nja nyan ra nan Paque. Juipge ɓeli kêm de’t kade ninn Jésu se dooge ke joo ke dé ɓer de se’n nan’t tooi kàde kage-ke-dese’t, tede è ndɔ taa kebe. Gir’n ke nè á Juipge awi deji Pilate le kade ade dé tête nja Jésu se dooge ke dé ɓer de se’n kàde kage-ke-dese’t ɓita dé tɔr ninn de nang ɓai.

Jean 19:14

E Ndɔ kuwe dè nja nyan ra nan Paque. Kàde nda dann ɓee bɔp. Pilate ede Juipge ede nè: – An-in! ngar le si nga!

Jean 19:41

Loo ke dé ɓer Jésu kàde kage-ke-dese’t tutu nga, è ngɔr se loo man-kagege. Dé son bolè mbal ke kige kàde mbal’t kêm loo man-kagege’t nè nga. Bolè mbal nè nga dé dubu ninn doo tutu nja karé ndan lé ɓai.

Nje Ke Colosses 2:12

Dé dubu sei se Krist nan’t ndɔ ke d’ule’n sei manné njonm nga. Nè sei undei loo i teei se’n nan’t dann njé ke koo’t takul kem̂ si ke undei dè tɔgmong’t le Nube ke njè kade è unde loo tee’n dann njé ke koo’t.

1 Nje Ke Corinthe 15:4

Krist nga dé dubu’n. Ndɔ ke njèkon’t mute, Nube ade unde loo tee dann njé ke koo’t titeke ndɔ ke Magtubge ke tooi se ninn de tami kété nga.

Nyanra Njekawkulege 13:29

Loo ke dé ra se Jésu nyange malang ke dé ndang kêm Magtubge’t d’ɔje’n dè’n ɓá ɓaa, d’ɔr ninn’n kade kage-ke-dese’t d’aw’n dé dubu be-ɓade’t.

Jean 19:20

Loo ke dé ɓer Jésu kàde kage-ke-dese’t tutu nga, è ngɔr se ɓee ke Jérusalem. Gir’n ke nè á, Juipge ngain asikum tutei tà ke Pilate ndang ade dé ɓer dɔ dè Jésu’t nè nga. Tà nè nga, è ndang se tà hébreu a, se tà latin a, se tà grec a tɔ.

Matthieu 12:40

Titeke kété Jonas too’n kêm kanje bò’t ase ndɔ mute nga, man ke m’ee Ngonn doo nga géa le’m à è titeke bè tɔ. M’a m’tò ngaran nang’t ase ndɔ mute tɔ.