Jean 19:4 - Nouveau Testament en Gulay 2004

⁴ Pilate tel unde loo tee aw nata ra Juipge’t ede de ede nè: – An-in! man m’ade d’ade ree se Jésu nata ra si’t le kade i geri titeke man m’an tà karé ke uwe dè’n lé.

Jean 19:4 ပူးပေါင်းရင်းမြစ်များ

Matthieu 27:19

Loo ke Pilate ndi nang dè ɗinger loo gangtà’t ɓaa, neen’n ule doo karé rann’t ede nè: – Ile tài tu tà’t le njè ra nyan se dè naje’n nè nga lé. Ndɔɔ laa m’nin se’n tò ɓel ngain.

Matthieu 27:24

Loo ke Pilate an titeke nyan ke soo’t goto nè doobulege rai nyan wuu ke kété-kété ɓaa, è unn mann togo’n ji’n tàkum dooge’t malang ede nè: – Man ɓaa, tà le mese njè ra nyan se dè naje’n nè nga uwe dè’m man lé. E tà le si sei kuwe.

Matthieu 27:4

E ede de ede nè: – M’ra majelé tede m’ule è ke tà uwe dè’n lé ji si’t. Nè njékɔr non Juipge edi Judas edi nè: – Usu jè nyan karé lé ta. E tà kingei i kuwe.

Matthieu 27:54

Loo ke njèkan dè njérɔge ke aru karé se njérɔge ke ngonmi Jésu se’n, ei an-in nang ke yei ɓuk-ɓuk se nyange ke teei nè nga ɓaa, ɓel unde ndàt gang dè ade tami edi nè: – Loo naje’n goto, doo nè nga è Ngonn Nube kerɔte kuwe.

Tà ke Maje ke Luc ndang 23:4

Ngar Pilate ede maw njékuje nyan-mesege se dooge ke kebi nan ede nè: – Doo nè nga man m’an tà karé bè ke uwe dè’n lé.

Tà ke Maje ke Luc ndang 23:41

Jè sei ɓaa tà ke dé gang dè jé’t nga è kum kuwe. Tede è kure nyan ra jé á ɔde kum jé. Nè è nè nga, ra nyan karé bè ke majelé lé.

Tà ke Maje ke Luc ndang 23:47

Loo ke kuwe njérɔge ke njèkunn dè de an nyange ke teei nè bè ɓaa, è ule ndubra dè Nube’t ede nè: – Loo naje’n goto, doo nè nga è doo ke danné sêw kuwe.

Jean 18:33

Pilate tel aw kêm kei kɔge-loo gangtà’t. E ɓar Jésu deje’n ede nè: – Ké i nga i Ngar le Juipge wa?

Jean 18:38

Pilate tel deje Jésu ede nè: – Ké ngarankum tà nga è ri wa? Loo ke Pilate deje Jésu tà nè nga bè ɓaa, tel unde loo tee aw ra Juipge’t nata ede de ede nè: – Man ɓaa, m’an tà karé bè ke uwe dè dingem nè nga lé.

Jean 19:6

Loo ke maw njékuje nyan-mesege se pajage le de an-in Jésu pan ɓaa, ei rai nyan wuu edi nè: – I ɓeré kade kage-ke-dese’t! I ɓeré kàde kage-ke-dese’t! Pilate tel ede de ede nè: – Sei kuwe i taai n’ee awi i ɓeri n’ee kàde kage-ke-dese’t tede man ɓaa, m’an tà karé ke uwe dèyé lé.

2 Nje Ke Corinthe 5:21

Krist nga ra majelé karé bè lé, nè Nube tel’n ke danra majelé ke deri tede le jéi. Nube ɔr tà dè jéi’t takul Krist. Takul kum ke j’um nan’t bɔk se Krist á Nube ɔr’n tà dè jéi’t.

Hebreuge 7:26

Jésu nga è maw njèkuje nyan-mese ke j’awi ndoo’n. E tò se ninn’n gai, tà karé géa uwe dè’n lé a, nyan ke mine karé géa ɓar ri’n lé a tɔ. E ɔr ra’n ndi mbeng se njé ra majelége a, Nube unn’n unde’n dɔ mbeng dè nyange’t malang a tɔ.

1 Pierre 1:19

Nè Nube uge dè si se mese Krist ke nar’n ur kugu. Krist nga tò asenan se ngonn bate ke gel’n goto a, ra’n ɔr ɓál lé a tɔ.

1 Pierre 2:22

Loo naje’n goto. Krist nga ndɔ ke ra kaiya karé bè lé a, tà libe kum doo tee tànn’t ndɔ karé bè lé a tɔ.

1 Pierre 3:18

Krist nga kuwe géa, nyankem̂kon ra’n nja karé bere luk-luk ke ngang’n tede nyanra majelé le dooge. Krist è njè ra nyan se dè naje’n. Nyankem̂kon ra’n ɔje dè nyanra majelé le dooge tede le tel ree’n se si ra Nube’t. Danra’n á dé tɔl nè è tel ndi kumgajer takul Ndil-Kem̂nda.

1 Jean 3:5

Sei geri mbak titeke Krist unde loo tee tede kɔr majelé kum kɔke. Nè è nga majelé karé bè géa goto rann’t.