Jean 19:34 - Nouveau Testament en Gulay 2004

³⁴ Nè né è bè géa, njèrɔ karé dann madennge’t ɔse kêl kade Jésu se ninge dap. Ke loon’t nè kuwe, mese se mann ubei tà’t tir-tir.

Jean 19:34 ပူးပေါင်းရင်းမြစ်များ

Matthieu 27:62

Barè lookar’n à è ndɔ ke njè kutu go ndɔ kuwe dè nja nyange. Maw njékuje nyan-mese se Pharisienge ɔsi nja nan awi se ra de ra Pilate’t edi nin edi nè:

Jean 19:33

Nè loo ke dé ree ra Jésu’t ɓaa, d’an titeke wei ɓá. Gir’n ke nè á dé tête’n nja’n lé.

Jean 20:20

Loo ke è tam tà nè nga bè ɓá ɓaa, è tɔje dè jinnge se kêl kàde’n ade d’an. Ra njékuwegir Kuwe-ɓee Jésuge nel de ngain tede kan ke an-in nin.

Nyanra Njekawkulege 22:16

Ɗarinè ké a i ngine ri ɓai wa? Ɔse nang in dɔ ade d’ulei manné njonm se ri’n ɓaa a inge kêm tin mbit dè kaiyage’t lei.»

1 Nje Ke Corinthe 1:30

Nè Nube um sei nan’t bɔk se Jésu-Krist. Jésu Krist nga Nube tel’n ke kumkunju le jéi ke deri. Takul Krist á Nube ɔr’n tà dè jéi’t a, unde’n jèi se ninn’n ke dooge le’n a tɔ. Nube ɔr jèi wont ji tɔgmong’t le majelé takul Krist.

1 Nje Ke Corinthe 6:11

Njé ke nange dann si’t kété ei njé ra nyange nè nga tɔ. Nè ɗarinè Nube le jéi togo se-kaiya le si ɔr ndát-ndát. E unde sei se ninn’n ade sei dooge le’n a, è ɔr tà dè si’t se ri Kuwe-ɓee Jésu-Krist a, se ri Ndil-Kêmnda a tɔ.

Nje Ke Ephese 5:26

Krist ndogo mann njékebe nange le Nube tchák-tchák. E ɔr se-kaiyage le de se go ngarankum tà le’n, unde de se ninn’n ade ei le Nube kuwe ɗarinè.

Tite 2:14

Jésu-Krist inye ra’n ade yo uge’n dè jéi, ɔr’n jèi dann majelé’t bere mbak. E ɔr jèi unde jèi se ninn’n le kade jèi kosdooge le’n kuwe deri. Jésu ra titeke bè tede kade jèi kosdooge le’n ke njé ra nyange ke maje se rakɔlé.

Hebreuge 9:13

Mese bal binyege se bɔ mangege éké bu kon-mang ke dé ró de dé siye dè njé ra majelége’t nga ɔri se-ra de ke nata ade tooi se ninn de.

Hebreuge 9:22

Se go gute-ndu nga, nyange ke mese ɔr se-de á bulei ngain gée. Loo ke mese oso nang lé ɓaa, loo kinge kem̂ tin mbit dè majelége’t goto.

1 Pierre 3:21

Mann bêlm nè nga è nyan-tɔje ke ɔje dè kule doo manné njonm. Kule doo manné njonm nga è gir kaje ke sei ajii ɗarinè. Kule doo manné njonm nga ɔr nyan ke mine le danra ra si’t lé, nè è ndukunn ke sei unni se tàgir ke maje ke kem̂ si’t adi Nube. Kule doo manné njonm nga aje sei takul kunde ke Krist unde loo tee dann njé ke koo’t.

1 Jean 5:6

E Jésu-Krist nga ree dè nang nè se mann a, se mese a tɔ. E ree se mann á karé lé, nè è ree se mann a, se mese a tɔ. Ndil-Kem̂nda nga è ngarankum tà. E è kuwe á ɔrgo tà nè nga titeke bè.

1 Jean 5:8

Ndil-Kem̂nda a, mann a, se mese a tɔ á ei njékɔrgo tàge ke mute nè nga. Ei mute mbak umi tà go nan’t bɔk.

Lookilera’n 1:5

Maje kade Jésu-Krist njèkɔrgo tà ke get-get ade sei kem̂noje se kem̂lom. Jésu-Krist nga è kuwe karé bere á è doo ke desêin sàk-sàk ke unde loo tee dann njé ke koo’t. E nga è ngar ke on ɓee dè ngarge ke dè nang nè. Jésu-Krist nga tár jèi a, ɔr jèi dann kaiya’t le jéi takul mese’n a tɔ.

Lookilera’n 7:14

M’tel m’ile ngatɔge nè nga dè’t m’ede nè: «Kuwe’m, i i ger de mbak.» Ngatɔge nè nga ede’m ede nè: «Dé nè nga d’in dann nyantosowur ke bò’t. Dé togo kubuge le de ke bòi yul se mese Ngonn bate d’ade nda káng-káng.