Jean 19:30 - Nouveau Testament en Gulay 2004

³⁰ Loo ke Jésu njibe mann nduu ke mase nè nga ɓá ɓaa, è tam ede nè: – Gir’n nyan malang gang ɓá ta. Ke loon’t nè kuwe tànn’t tête nyonk ade dè’n tel oso ragm.

Jean 19:30 ပူးပေါင်းရင်းမြစ်များ

Matthieu 20:28

E titeke bè á man ke m’ee Ngonn doo nga, m’ree’n dè nang nè. M’ree le kade dooge ei ngann njékulege le’m lé, nè m’ree tede le k’ee ngonn njèkule le dooge a, le kinye ra’m kade yo tede le kuge’n dè de a tɔ.

Matthieu 27:50

Jésu tel tam tà se ndu’n ke bòi beng, ke loon’t nè kuwe tà’n tête nyonk.

Matthieu 3:15

Nè Jésu tel ile’n dè’t ede nè: – Inye ade m’ra ɗarinè. Ra nyan ke kêm Nube ndige tɔl mbas nga, tuwe jè ɗêw titeke bè. Jean inye Jésu ade ra titeke bè.

Marc 15:37

Nè Jésu tel non se ndu’n ke bòi ɓerer ɓita tà’n tête nyonk ɓai.

Tà ke Maje ke Luc ndang 22:37

Man m’ede sei ndàt, tà nè ke dé ndang kêm Magtub’t d’ɔje’n dè’m d’ede nè: «Dé tute’n nan’t se njékaltà tà gute-ndu’t» nga, gar-gar à aw loon’t deĵ.

Tà ke Maje ke Luc ndang 23:46

Jésu ra nyan beng ede nè: – Bɔ’m, m’inye ndil’m kêm jii’t. Loo ke è tam tà nè nga bè ɓaa, tà’n tête nyonk.

Jean 10:11

Man m’ee njèkul batege ke get. Njèkul batege ke get ile ra’n kɔke tede batege le’n.

Jean 10:18

Doo karé ke asekum tɔl’m se dè ra’n goto, nè man kuwe m’inye ra’m m’ade yo. M’aw se tɔgmong le kinye ra’m kade yo a, m’aw se tɔgmong le tel ndi kumgajer gugu a tɔ. E ke nè á è nyan ke Bɔ’m unn’n ndu’n ade’m le kade’m m’ra.

Jean 17:4

Man m’ile riɓar dèi’t dè nang nè ɓá ta. Kule ke i ade’m kade m’ra nga m’ɔr son’n njêt ɓá ta.

Jean 19:28

Jésu ger titeke ɗarinè gir nyan malang gang ɓá. Gir’n ke nè á è tam ede nè: – Kunde mann ra’m. E tam titeke bè le kade tà ke tò kêm magtub ke tò se ninn’n aw’n loon’t deĵ.

Jean 4:34

Jésu tel ile de dè’t ede nè: – Ra nyan ke kêm njèkule’m ndige a, kɔr son kule le’n ke um jim’t a tɔ á è mur le’m man.

Nje Ke Rome 10:4

Krist è njè tɔl tà gute-ndu le Moise tede kade nanan ke unde kêm’n dè Jésu-Krist ɓaa, Nube à ɔr tà dènn’t.

Nje Ke Rome 3:25

Jésu-Krist nga, Nube ɔr’n unde’n ke nyan kɔr kaiya. Jésu-Krist wei ade mese’n an-in nang tede majelé le dooge. Njé ke undei kêm de dènn’t nga, Nube ade kêm’n tin mbit dè majelége’t le de. Nube tɔje titeke è njè ra nyan se dè naje’n. Kété mari Nube ile kêm’n pon dè majelége’t le dooge ade kure’n ɔde kum de lé.

1 Nje Ke Corinthe 5:7

Ɔri se-pululu ke mari ra si’t kɔke tede kade i teli sei nduju ke kige ke anje pululu. Sei sei nduju ke anje pululu nga ɓá ta. Kerɔte kuwe, sei sei nduju ke anje pululu tede Krist ke è ngonn bate ra nan Paque le jéi nga dé tɔl’n ɓá.

Nje Ke Philippes 2:8

Nè è kuwe in se kem̂’n ule dè’n ile koje sár aw weii’n kade kage-ke-dese’t.

Hebreuge 12:2

Jésu è njèkunde gir kundekem̂ le jéi a, è njè kade kundekem̂ le jéi maje ɔr njêt a tɔ. Ade j’oréi kum jéi dènn’t sêw-sêw se ndɔge malang. Jésu inye ra’n ade dé tɔl kade kage-ke-dese’t anje kan rasɔl’n ke nyan. Kerɔte kuwe, Jésu oré kum’n dè nyan ranel ke tò nonn’t kété ɓaa, ɗarinè è ndi dè jikon kutu-ngar’t le Nube ta.

Hebreuge 9:22

Se go gute-ndu nga, nyange ke mese ɔr se-de á bulei ngain gée. Loo ke mese oso nang lé ɓaa, loo kinge kem̂ tin mbit dè majelége’t goto.