Jean 19:18 - Nouveau Testament en Gulay 2004

¹⁸ E loo nè á Juipge adi njérɔge ɓeri Jésu tutu se dooge ke rang joo se’n ade ilei nin danné.

Jean 19:18 ပူးပေါင်းရင်းမြစ်များ

Matthieu 27:44

Gon-ɓogege ke joo ke dé ɓer de se Jésu nan’t kade kage-ke-dese’t nga géa, taji nin tɔ.

Jean 18:32

Tà ke Jésu tam ɔje dè ɓer ke d’ayé ɓer’n kade kage-ke-dese’t nga aw loon’t deĵ.

Jean 19:32

Nè dooge joo ke njérɔge ɓeri de nan’t se Jésu á dé tête nja de. Njérɔge têti nja è ke karé pa ɓita têti le è ke njèkon madenn’t joo ɓai.

Nyanra Njekawkulege 2:23

Doo nè nga, Nube ule’n ji si’t se go rebe ke ndɔ ɔje se go nyanger le’n kété mari ke desêin. Sei in-in se’n ke kété ulei ji dooge ke ei Juipge lé adi ɓeri nin kàde kage-ke-dese’t tɔli nin.

Nje Ke Galatie 3:13

Krist uge dè jé ɔr jè ji ndu-mann’t le gute-ndu. E tel ra’n ke doo ke ndu-mann uwe dè’n bè tede tà le jéi. Titeke ke bè á dé ndang’n kem̂ Magtub ke tò se ninn’n d’ede nè: «Nanan ke dé ɓer’n kàde kage’t ɓaa, ndu-mann uwe dè’n ɓá ta.»

Hebreuge 12:2

Jésu è njèkunde gir kundekem̂ le jéi a, è njè kade kundekem̂ le jéi maje ɔr njêt a tɔ. Ade j’oréi kum jéi dènn’t sêw-sêw se ndɔge malang. Jésu inye ra’n ade dé tɔl kade kage-ke-dese’t anje kan rasɔl’n ke nyan. Kerɔte kuwe, Jésu oré kum’n dè nyan ranel ke tò nonn’t kété ɓaa, ɗarinè è ndi dè jikon kutu-ngar’t le Nube ta.