Jean 19:17 - Nouveau Testament en Gulay 2004

¹⁷ Jésu kuwe unn kage-ke-dese le’n oto. E unde loo tee’n kêm ɓee-bò ke Jérusalem aw’n ngang loo’t nata. E loo «Ngó-non-dooge» ke dé ɓar’n «Golgotha» se tà hébreu.

Jean 19:17 ပူးပေါင်းရင်းမြစ်များ

Matthieu 10:38

Nanan ke uwe dè nja ra’n le kwei titeke man m’ra’n bè lé ɓaa, asekum k’ee le’m man lé karè.

Matthieu 16:24

Taɓai Jésu ede njékuwe-girnge ede nè: – Ke nè á doo karé ndige kunn rebe goom’t ɓaa, maje kade inye go tàgir ke ɔje dè ra’n kɔke a, maje kade uwe dè nja ra’n se ndɔge malang le kwei titeke man m’ra’n bè ɓita unn dè nja’m têr-têr ɓai.

Matthieu 27:37

Dé ndang gir tà ke d’ile’n tà dènn’t kade kage-ke-dese’t, dènn’t dɔ d’ede nè: «Doo nè nga è Jésu, ngar le Juipge.»

Marc 10:21

Jésu an basa nè nga gerer, tede è tár’n ngain. Jésu ede’n ede nè: – Nain nyan karé kade i ra ɓai. Aw, ige nyankingeige malang, i kai nar’n njéndooge ɓaa, a inge nyanbaw danrán. I ra nyange nè malang pa ɓita i ree unn rebe goom’t ɓai.

Marc 15:26

Dé ndang tàge kêm begre nyan’t, dé ɓer dɔ dènn’t d’ɔr’n gir nyan ke ade dé ɓer’n kade kage-ke-dese’t nga d’ede nè: Doo nè nga, è «Ngar ke bò le Juipge.»

Marc 15:32

Krist ke è ngar ke bò le kosdooge ke Israel nga, gar-gar maje kade i rise nang ɗarinè kàde kage-ke-dese’t. Ke nè á è rise ade j’àn ɓaa, j’à j’unde kêm jé dènn’t kerɔte. Njé ke dé ɓer de kàde kage-ke-dese’t kɔte Jésu nga géa taji nin ke le de a tɔ.

Marc 8:34

Taɓai è ɓar doobulege se njékuwe-girnge ke rann’t ede de ede nè: – Ke nè á doo karé ndige le k’ee njèkuwe-gir’m ɓaa, maje kade inye go tàgir ke ɔje dè ra’n kɔke a, maje kade unn kage-ke-dese le’n ndolè’n goo’m a tɔ.

Tà ke Maje ke Luc ndang 14:27

Ke nè á njèkuwe-gir’m uwe dè nja ra’n le kwei kàde kage-ke-dese’t titeke man m’ra’n bè lé ɓaa, è asekum kunn dè nja’m têr-têr lé.

Tà ke Maje ke Luc ndang 23:26

Loo ke d’a d’aw se Jésu gide ɓee’t nata le tɔl’n ɓaa, d’inge dingem karé ke in ndɔrɔ à ree ke ɓéee rebe deĵ. D’uwe’n mêtch d’unde tɔg dènn’t d’ade oto kage-ke-dese njiye’n go Jésu’t. Dingem nè nga ri’n nè Simon ɓee koje’n è Cyrène.

Tà ke Maje ke Luc ndang 23:33

Loo ke njérɔge reei teei se Jésu loo karé bè ke dé ɓar’n «Ngó-non-doo» nè nga ɓaa, dé ɓer’n tutu. Njé ra nyan majelége ke joo nè géa dé ɓer de se’n nan’t, è ke karé dè jikonn’t a, è ke karé dè jigeln’t a tɔ.

Tà ke Maje ke Luc ndang 23:38

Taɓai ei ndangi tà nè tà kage-ke-dese’t dènn’t dɔ edi nè: – E nè nga è ngar le Juipge.

Tà ke Maje ke Luc ndang 9:23

Go’t gugu, Jésu ede dooge malang ke ndai rann’t ede nè: – Ke nè á doo karé ndige kunn dè nja’m têr-têr ɓaa, maje kade an ra’n ke nyan lé a, maje kade uwe dè nja ra’n le kwei tite man m’ra’n bè, ɓita unn rebe goom’t se ndɔge malang ɓai.

Jean 19:13

Loo ke Pilate oo tàge nè bè ɓaa, è ade dé tee se Jésu d’aw se’n nata. Pilate al aw ndi dè ɗinger loo gangtà ke d’ube se her. Loo nè nga ri’n ke se tà hébreu è «Gabbatha.»

Jean 5:2

Mann-gar karé tò Jérusalem ngɔr se tàbit kei rebe le batege. Mann-gar nè nga dé ɓar’n se tà hébreu d’ede nè: Béthesda. Dé ra palge mi tà mann’t nè.

Nyanra Njekawkulege 7:58

Dé d’ɔr’n ndalang-ndalang d’aw se’n gide ɓee-bò’t nata, dé tile’n se kuberi her mbás-mbás. Njé ke ndai loon’t an-in se kum de nga, ei tɔri kubuge le de umi nang nja basa karé bè ke ri’n nè Saul.