Jean 19:11 - Nouveau Testament en Gulay 2004

¹¹ Jésu tel ilé dè’t ede nè: – Ke nè á ndɔ ke Nube adi tɔgmong lé ɓaa, ayé ra se’m nyan karé bè lé. Gir’n ke nè á, è ke njè kade d’uwe’m d’ule’m jii’t nga, tà uwe dè’n dum lei ɓai.

Jean 19:11 ပူးပေါင်းရင်းမြစ်များ

Matthieu 26:65

Ke loon’t nè kuwe maw njèkuje nyan-mese tuwe kubuge ke rann’t til parang-parang ede nè: – N’ee nga n’taje Nube ɓá ta. Ké j’awi ndoo njékɔrgotàge ke rang tede ri ɓai wa? Ɗarinè n’taje Nube ade ooi se mbi si ɓá.

Matthieu 27:2

Loo ke adi d’uwe’n dé tɔ’n ɓá ɓaa, adi d’aw se’n d’ule’n ji Pilate njèkonɓee’t.

Matthieu 6:13

Maje kade inye loo ade nyan sú nan jè lé, nè ɔr jè dann nyan ke majelé’t kɔke.

Marc 14:44

Judas Iskariot ke njèkule Jésu ji de’t nga, è ra nyan karé kété tɔje’n doobulege loo kuwe’n ede nè: – Doo ke m’a m’ra’n lapya m’uwe’n kàdem’t sêm ɓaa, è doo’n nga kuwe. Uwei nin maje awi se’n.

Tà ke Maje ke Luc ndang 22:53

M’ee nan’t se si se ndɔ’m-ndɔ’m kêm kei le Nube nè sei ulei ji si lêm ɔdii man ndɔ karé lé. Nè ɗarinè è kàde’n le si a, è kàde’n le njèkonɓee tilkus’t a tɔ.

Jean 18:13

Go’t ɓaa, ei in-in se’n awi ra Hanne’t kété pa ɓita. Hanne nga è wum Caiphe ke dingem. Caiphe è maw njèkuje nyan-mese kêm ɓaln’t nè nga.

Jean 18:3

Judas ɔr non kos njérɔge se pajage le maw njékuje nyan-mesege se Pharisienge aw se de loo’t nè nga. Dé ree se portusge se nyankatege ji de’t tchukuk-tchukuk.

Jean 19:10

Pilate tel deje Jésu ede nè: – Ké man kuwe á ile’m dè tà’t lé wa? Ké i ger titeke m’aw se tɔgmong le kinyei dɔ éké le kade dé ɓeri kàde kage-ke-dese’t lé wa?

Jean 3:27

Jean ede de ede nè: – Doo asekum kinge nyan se dè ra’n lé. Nyan ke Nube kuwe ade doo tá doo asekum kinge.

Jean 7:30

Loo ke Jésu tam tà nè titeke bè ɓaa, dé sang le kuwe’n, nè doo karé bè géa ule ji’n ɔde’n lêm lé tede kàde le’n nain ɓai.

Jean 9:41

Jésu ile de dè’t ede nè: – Ke nè á kété sei njé kum libege kerɔte ɓaa, né tà kaiya ayé kuwe dè si lé. Nè sei tami ɗarinè edi nè: «Jè jè njé kum kan looge.» Gir’n ke nè á tà kaiya uwe’n de si ɗêng-ɗêng ɓai.

Nyanra Njekawkulege 2:23

Doo nè nga, Nube ule’n ji si’t se go rebe ke ndɔ ɔje se go nyanger le’n kété mari ke desêin. Sei in-in se’n ke kété ulei ji dooge ke ei Juipge lé adi ɓeri nin kàde kage-ke-dese’t tɔli nin.

Nyanra Njekawkulege 3:13

Nube le kà jéige Abraham, Isaac se Jacob ule ndubra dè Jésu Ngonn njèkule’t le’n. Jésu nga, sei ulei nin ji njékonɓeege’t a, i naji se ra si dènn’t tàkum Pilate’t a tɔ; nè è an titeke kinye Jésu dɔ è soo’t.

Nyanra Njekawkulege 4:28

Nyan malang ke i ɔje se go tɔgmong lei a, se kêmndige lei kété mari ke desêin sàk-sàk nga, dé ra d’ade aw loon’t deĵ ɓá ta.

Nje Ke Rome 11:36

Oiyo, Kuwe-ɓee Nube kuwe á nyan malang in rann’t a, tò takul’n a, tò tede le’n a tɔ. Maje kade riɓar è le’n sár se non! Maje kade è titeke bè kuwe.

Nje Ke Rome 13:1

Maje kade nanan géa ile koje dè ndukunnge’t le njékonɓeege ke d’unde de, tede gir konɓee ke nal kin ra Nube’t goto. Njékonɓeege ke d’unde de nga, è Nube kuwe á unde de.

Jacques 1:17

Nyan kade noje ke maje se nyan kunde njage ke maji ɔri njêt nga in-in dɔ danrán ra Bɔ jéi Nube ke njè kunde kàde se kɔnyonge. Nube nga tur hal’n rang lé a, loo ke rann’t tel tuge ndul ndɔ karé bè lé a tɔ.

Jacques 4:17

Loo ke doo karé ger nyan ke maje ke kum ra, nè è ra lé ɓaa è ra majelé.