Nè nyan nè nga, è titeke bè le kade tà ke njéribe-dè-tàge ke tà Nube’t tami nga aw’n loon’t deĵ. Njékuwe gir-Jésuge malang inyei nin ɔti an-in nan karé-karé.
Kété ɓita kade ndɔ ra nan Paque ase ɓai nga, Jésu ger titeke kàde ndɔte ɓee dè nang nè tel ke ra Bɔn’t nga ase ɓá. Njé ke le’n ke kinge’n ke ayé ndii dè nang nè ɓai nga, è tár de ngain. E tár de ade al dè loo’n.
Simon Pierre deje Jésu ede nè: – Kuwe-ɓee ké à aw ke ra wa? Jésu tel ile’n dè’t ede nè: – Loo ke m’ndi m’a m’aw ke tutu nga, i asekum kunn rebe goom’t ɗarinè lé ɓai, nè ndɔ ke rang ɓita a unn rebe goom’t ɓai.
An! kàde’n à ree, è ree ɓá a tɔ. D’ade sanrin sei karé- karé. Nanan géa à aw loo le’n-le’n, a inyei man se kar’m bere. Man se kar’m lé nè Bɔ’m è der-gir’m.
Jésu tam bè le kade tà ke è tam kété ede nè: «Njé ke i um de jim’t nga, m’ɔge kum’m ɓi m’an-in ngang de garar-garar m’ade doo karé bè géa dann de’t tuju lé» nga, aw’n loon’t deĵ.
Nyan ke nan sei nga, è gàr nyan ke nan doo-ndul madesige kuwe tɔ. Nube è njèkinye go kunn-nduge le’n lé. Ke nè á nyan nan sei ɓaa, Nube à inye sei kade nyan nan al dè tɔge si lé. Nube à ade sei gos korè tà njak kade undei loo i teei dann nyan nan’t nè nga.
Nè è tel ile’m dè’t ede nè: «Kêm-maje le’m asi nák tede tɔgmong le’m kile ra’n ke nata gir yai’t lei.» M’unde kàde’m ngain dè yai’t le’m tede kade tɔgmong le Krist taa’n ra’m pel-pel.