Jean 18:38 - Nouveau Testament en Gulay 2004

³⁸ Pilate tel deje Jésu ede nè: – Ké ngarankum tà nga è ri wa? Loo ke Pilate deje Jésu tà nè nga bè ɓaa, tel unde loo tee aw ra Juipge’t nata ede de ede nè: – Man ɓaa, m’an tà karé bè ke uwe dè dingem nè nga lé.

Jean 18:38 ပူးပေါင်းရင်းမြစ်များ

Matthieu 27:24

Loo ke Pilate an titeke nyan ke soo’t goto nè doobulege rai nyan wuu ke kété-kété ɓaa, è unn mann togo’n ji’n tàkum dooge’t malang ede nè: – Man ɓaa, tà le mese njè ra nyan se dè naje’n nè nga uwe dè’m man lé. E tà le si sei kuwe.

Marc 15:14

Pilate deje de ede nè: – Ké majelé ri á n’ra wa? Nè loo ke Pilate deje de tà nè bè ɓaa, dé tel dé ra nyan wuu-wuu d’ede nè: – Ade dé ɓeré kàde kage-ke-dese’t ke ɓer kuwe bè.

Tà ke Maje ke Luc ndang 23:4

Ngar Pilate ede maw njékuje nyan-mesege se dooge ke kebi nan ede nè: – Doo nè nga man m’an tà karé bè ke uwe dè’n lé.

Jean 18:33

Pilate tel aw kêm kei kɔge-loo gangtà’t. E ɓar Jésu deje’n ede nè: – Ké i nga i Ngar le Juipge wa?

Jean 19:4

Pilate tel unde loo tee aw nata ra Juipge’t ede de ede nè: – An-in! man m’ade d’ade ree se Jésu nata ra si’t le kade i geri titeke man m’an tà karé ke uwe dè’n lé.

Jean 19:6

Loo ke maw njékuje nyan-mesege se pajage le de an-in Jésu pan ɓaa, ei rai nyan wuu edi nè: – I ɓeré kade kage-ke-dese’t! I ɓeré kàde kage-ke-dese’t! Pilate tel ede de ede nè: – Sei kuwe i taai n’ee awi i ɓeri n’ee kàde kage-ke-dese’t tede man ɓaa, m’an tà karé ke uwe dèyé lé.

Nyanra Njekawkulege 17:32

Nè loo ke baw nyangerge ooi tà ke ɔje dè kunde loo tee dann njé ke koo’t ɓaa, njé ke karége tulei mbe dè Paul’t. Njé ke rang ke nange tami edi nè: – Ndɔ ke rang ɓita j’à tel koo tà lei ke ɔje dè tà nè ɓai.

1 Pierre 1:19

Nè Nube uge dè si se mese Krist ke nar’n ur kugu. Krist nga tò asenan se ngonn bate ke gel’n goto a, ra’n ɔr ɓál lé a tɔ.