Jean 18:3 - Nouveau Testament en Gulay 2004

³ Judas ɔr non kos njérɔge se pajage le maw njékuje nyan-mesege se Pharisienge aw se de loo’t nè nga. Dé ree se portusge se nyankatege ji de’t tchukuk-tchukuk.

Jean 18:3 ပူးပေါင်းရင်းမြစ်များ

Matthieu 25:1

Konɓee ke danrán nga tò asenan se sertà le ngamandege ke dɔg ke anji geri dingem ɓai. Ei otoi lampege le de ji de’t teei awi tilei non njè taa dinye kige.

Jean 13:2

Loo ke Jésu se njékuwe-girnge ndii tà nyankuse’t ɓaa, sú ree dubu tà kunn dè Jésu kêm ɓengre Judas Iskariot ngonn Simon.

Jean 18:12

Njèkan dè njérɔge ke aru dɔg se njérɔge le’n a, se ngann njé ngonm looge le Juipge uwei Jésu tɔi nin njanm-njanm.

Jean 18:18

Kul on ngain. Njérɔge se ngann njéndige umi kul poro ndii à ndibi. Pierre géa ndi se de à ndibe por tɔ.

Jean 18:22

Loo ke njè ngonm tà kei le Nube nda oo tàge ke Jésu tam nè bè baa, unde mbɔr’n se ji’n njanm ede nè: – Ké maw njèkuje nyan-mese kuwe ile’n dè tà’t titeke bè wa?

Jean 19:6

Loo ke maw njékuje nyan-mesege se pajage le de an-in Jésu pan ɓaa, ei rai nyan wuu edi nè: – I ɓeré kade kage-ke-dese’t! I ɓeré kàde kage-ke-dese’t! Pilate tel ede de ede nè: – Sei kuwe i taai n’ee awi i ɓeri n’ee kàde kage-ke-dese’t tede man ɓaa, m’an tà karé ke uwe dèyé lé.

Jean 7:32

Tàge ke doobulege kɔti nan ɔje dè Jésu nga oso mbi Pharisienge’t. Maw njékuje nyan-mesege se Pharisienge ulei njérɔge le kade uwei nin.

Nyanra Njekawkulege 1:16

– Ngakonmge se kon nannemge, tà ke Ndil-Kêmnda tam kété kêm Magtub ke tò se ninn’n nga, aw loon’t deĵ. Ndil-Kêmnda ule tà tà David’t ade tam ɔje’n dè Judas kété. Judas nè ɔse wan tel è njèkɔr non njé kuwe Jésuge.

Nyanra Njekawkulege 10:1

Dingem karé bè ndi kêm ɓee-bò ke Césarée, ri’n nè Corneille. E njèkan dè njérɔge ke aru karé. Njérɔge nè nga ei njérɔge le ɓeekon ke Italie.