Jean 18:28 - Nouveau Testament en Gulay 2004

²⁸ Njékɔr non Juipge in-in se Jésu ra Caiphe’t se ndɔgé ɓat awi se’n kêm kei le Pilate njèkonɓee. Juipge ke awi se’n nga, ilei nja de kêm kei lé. Ei ndigi le kade ra de mine lé tede le kuse’n nyan nan Paque.

Jean 18:28 ပူးပေါင်းရင်းမြစ်များ

Matthieu 27:27

Njérɔge le Pilate njèkonɓee ɔri Jésu awi se’n kei le Pilate. Ei ɔsi nja njérɔge nan’t malang an-in dè Jésu kíng-kíng.

Marc 15:16

Njérɔge awi se Jésu kêm geng’t le ngar ke bò loo ndi de’t. Ei ɓari gute njérɔ madedege ɔsi nja nan.

Tà ke Maje ke Luc ndang 22:66

Loo ke loo ar yerer ɓá ɓaa, dooge ke kum de unju dann Juipge se maw njékuje nyan-mesege se njékɔrgir gute-nduge ɔsi nja nan nam-nam. Ei adi dé ree se Jésu non de’t loo gangtà’t.

Jean 11:55

Ndɔ ra nan Paque le Juipge nain ngɔr. Dooge ngain in-in se kêm ɓee-ɓee reei kêm ɓee-bò ke Jérusalem kété tede kɔr ra de gonm.

Jean 18:13

Go’t ɓaa, ei in-in se’n awi ra Hanne’t kété pa ɓita. Hanne nga è wum Caiphe ke dingem. Caiphe è maw njèkuje nyan-mese kêm ɓaln’t nè nga.

Jean 18:15

Simon Pierre se njèkuwe-gir-Jésu karé ke rang ndolèi go Jésu. Njèkuwe-gir-Jésu karé ke rang nè nga aw se’n nan’t kêm geng’t le maw njèkuje nyan-mese. Njèkuwe-gir-Jésu nè nga, maw njèkuje nyan-mese ger’n kété.

Jean 18:33

Pilate tel aw kêm kei kɔge-loo gangtà’t. E ɓar Jésu deje’n ede nè: – Ké i nga i Ngar le Juipge wa?

Jean 18:39

Nè m’a m’ɔr dangai karé k’inye’n dɔ kade sei se go nyangirkà le si ndɔ ra nan Paque. Ké i ndigi kade m’ɔr ngar le Juipge nga m’inye’n dɔ m’ade sei wa?

Jean 19:11

Jésu tel ilé dè’t ede nè: – Ke nè á ndɔ ke Nube adi tɔgmong lé ɓaa, ayé ra se’m nyan karé bè lé. Gir’n ke nè á, è ke njè kade d’uwe’m d’ule’m jii’t nga, tà uwe dè’n dum lei ɓai.

Jean 19:14

E Ndɔ kuwe dè nja nyan ra nan Paque. Kàde nda dann ɓee bɔp. Pilate ede Juipge ede nè: – An-in! ngar le si nga!

Jean 19:9

E tel aw kêm kei kɔg-loo gangtà’t le’n gugu, è deje Jésu ede nè: – Ké i nga girkà lei è nan wa? Nè Jésu tel ile Pilate dè tà’t lé sár.

Nyanra Njekawkulege 10:28

Pierre ede de ede nè: – Sei geri mbak, doo ke è Juip nga d’ɔge’n loo kuwe made nan éké loo kum nan’t bɔk se doo ke è Juip lé. Nè man ɓaa, Nube ndoo’m le kade m’an doo karé bè ke nyan ke raikarè éké ke nyan ke mine lé gar-gar.

Nyanra Njekawkulege 10:32

Ule kêm ɓee ke Joppé, i ɓar Simon karé ke ri tɔyi’n nè Pierre ade ree. E tò kei le Simon ke njèkɔr gide ndar. Simon ke njèkɔr gide ndar nga, kei le’n tò tà ba-bò kate’t ngɔr.»

Nyanra Njekawkulege 11:3

– Ké bain á i aw kêm kei le dooge ke ei Juipge lé use se de nyan wa?

Nyanra Njekawkulege 3:13

Nube le kà jéige Abraham, Isaac se Jacob ule ndubra dè Jésu Ngonn njèkule’t le’n. Jésu nga, sei ulei nin ji njékonɓeege’t a, i naji se ra si dènn’t tàkum Pilate’t a tɔ; nè è an titeke kinye Jésu dɔ è soo’t.

Nyanra Njekawkulege 4:27

Kerɔte kuwe, Hérode Antipas se Ponce Pilate umi nan’t bɔk se dooge ke ei Juipge lé se kosdooge ke Israel ke ndii kêm ɓee-bò’t nè nga, le kin-in se ngonn njèndi lei Jésu ke i kuwe i ndum wubu dènn’t unde’n se ninn’n.