Jean 18:12 - Nouveau Testament en Gulay 2004

¹² Njèkan dè njérɔge ke aru dɔg se njérɔge le’n a, se ngann njé ngonm looge le Juipge uwei Jésu tɔi nin njanm-njanm.

Jean 18:12 ပူးပေါင်းရင်းမြစ်များ

Matthieu 26:57

Njékɔrgir gute-nduge se ke ngatɔgege ɔsi nja nan kêm kei le Caiphe maw njèkuje nyan-mese ndii ngineii. Njé ke reei uwei Jésu nga, awi se’n ra de’t.

Matthieu 27:2

Loo ke adi d’uwe’n dé tɔ’n ɓá ɓaa, adi d’aw se’n d’ule’n ji Pilate njèkonɓee’t.

Matthieu 27:27

Njérɔge le Pilate njèkonɓee ɔri Jésu awi se’n kei le Pilate. Ei ɔsi nja njérɔge nan’t malang an-in dè Jésu kíng-kíng.

Marc 14:53

D’uwe Jésu d’aw se’n kei le maw njékuje nyan-mese. Ngar le njékuje nyan-mesege se ngatɔgege se njékɔrgir gute-nduge malang ɔsi nja nan káng-káng kêm kei le maw njèkuje nyan-mese nè nga.

Marc 15:1

Se ndɔgé ɓat loo ke kàde tee lé ɓai, maw njékuje nyan-mesege se ngatɔgege le Israelge se njékɔrgir gute-nduge, se gute njégangtàge ke rang malang ɔri nan tà dè nyan ke kum ra. Ei adi d’uwe Jésu dé tɔ’n d’aw se’n d’ule’n ji ngar Pilate’t.

Tà ke Maje ke Luc ndang 22:54

D’uwe Jésu d’aw se’n kêm kei le maw njékuje nyan-mesege. Pierre ndolè goo’n nè ade dann de heb ɗêk ndêin.

Jean 18:3

Judas ɔr non kos njérɔge se pajage le maw njékuje nyan-mesege se Pharisienge aw se de loo’t nè nga. Dé ree se portusge se nyankatege ji de’t tchukuk-tchukuk.

Nyanra Njekawkulege 10:1

Dingem karé bè ndi kêm ɓee-bò ke Césarée, ri’n nè Corneille. E njèkan dè njérɔge ke aru karé. Njérɔge nè nga ei njérɔge le ɓeekon ke Italie.

Nyanra Njekawkulege 21:31

Dé sang le tɔl Paul, nè tà’n oso mbi njèkan dè njérɔge ke aru dɔg titeke dooge ke kêm ɓee ke Jérusalem bere mbak awi dè nan’t ngater-ngater.

Nyanra Njekawkulege 21:37

Loo ke nain ngɔr kade d’ur se Paul kêm kei loo ndi njérɔge’t ɓaa, è deje njèkan dè njérɔge ke aru dɔg ede nè: – Ké a inye’m kade m’edi tà karé lé wa? Nè è deje Paul ede nè: – Ké i ger tà Grec wa?

Nyanra Njekawkulege 23:10

Dé kɔl nan ke kété-kété d’ade oso mbo-bò. Njèkan dè njérɔge ke aru dɔg ɓel kêmn’t ede nè d’a kin gang Paul danné mbêt-mbêt. Gir’n ke nè á è unn’n ndu’n ade njérɔge le kade awi ɔri nin dann doobulege’t kɔke teli reei se’n loo ndi de’t.