Jean 18:11 - Nouveau Testament en Gulay 2004

¹¹ Jésu ede Pierre ede nè: – Ḿ-m̀, i tel se kuye kaskar lei ule kêm sabann’t gugu. Nyantosowur ke Bɔ’m ɔje’n dè’m nga, ké i ndige kade ra’m lé wa?

Jean 18:11 ပူးပေါင်းရင်းမြစ်များ

Matthieu 20:22

Jésu tel ile de dè’t ede nè: – Nyan ke sei i deji nga, i geri loo’n lé. Nyantosowur ke Nube à ade ra’m nga, ké a asi kade rai sei se’m tɔ wa? Dé tel d’ile Jésu dè’t d’ede nè: – Oiyo, j’à j’ase kade ra jè sei kuwe. Jésu tel ile de dè’t ede nè:

Matthieu 26:39

Jésu aw mbɔr ke kété ɓaa, oso labe tà kêm’n nang ɔje tà se Nube ede nè: – Bɔ’m, i asekum kute nyantosowur nè nga dèm’t mbeng ke rang kuwe. Né è bè géa, i ra nyan ke kêm’m man á ndige lé, nè i ra nyan ke kêmi ndige.

Matthieu 26:42

Jésu ɔte aw heb ɗêk ɔje tà se Nube njékon’t joo ede nè: – Bɔ’m ke nè á loo ke kade ute nyantosowur nè nga dèm’t mbeng ke rang goto ɓaa, i ra nyan ke kêmi ndige.

Tà ke Maje ke Luc ndang 12:30

Nyange nè malang nga, è dooge ke dè nang nè ke geri Nube lé á ei njé sang de se ndɔge-ndɔge. Nè sei ɓaa, Bɔ jéi ger mbak titeke j’awi ndoo nyange nè nga.

Tà ke Maje ke Luc ndang 22:42

– Bɔ’m, ke nè á i ndige ɓaa, ute nyankêmkon nè dèm’t kɔke ke rang. Nè né è bè géa, i ra nyan ke kêm’m man ndige lé, nè nyan ke kêmi á ndige. [

Jean 15:10

Man m’an dè ndukunnge le Bɔ’m sêw-sêw á m’nain’n dann tár’t le’n. Sei géa, ke nè á an-in dè ndukunnge sêw-sêw ɓaa, a i nain-in dann tár’t le’m tɔ.

Jean 17:24

Bɔ’m, njé ke um de jim’t nga, loo ke m’a m’ndi tutu ɓaa, m’ndige kade ndii se’m nan’t tutu tɔ. Titeke bè á d’a d’an’n ndubra ke i ule dèm’t nga se kum de. I tár’m kété mari ɓita unde nang nè ɓai.

Jean 18:36

Jésu ile Pilate ede nè: – Konɓee le’m è ke nang nè lé. Ke nè á konɓee le’m è ke dè nang nè ɓaa, pajage le’m ayé kan-in rɔ dèm’t kade d’ule’m ji Juipge’t lé. Kerɔte kuwe, konɓee le’m è ke dè nang nè lé.

Jean 20:17

Jésu tel ede Marie ede nè: – Ɔde ra’m lé tede m’in m’aw ra Bɔm’t lé ɓai. Nè i ɓaa, i tel aw ede ngakonmge ede nè m’ndi m’aw ke ra Bɔ’m Nube’t. Bɔ’m Nube nga, è Bɔ si sei a, è Nube le si a tɔ.

2 Nje Ke Corinthe 10:4

Nyankatege ke jè ra’n rɔ nga ei le danra lé. Nè ei nyankatege ke gangi ke in-in ra Nube’t. Jè j’ɔrè ndogo bɔrge nang bɔrɔr-bɔrɔr se nyankatege nè nga.

2 Nje Ke Corinthe 6:7

Jè tɔje ra jé ke ngann njékulege le Nube se go ngarankum tà a, se tɔgmong le Nube a tɔ. Nyanra ke se dè naje’n á è nyan rɔ le jé ke jè taa’n dè jé.

Hebreuge 12:2

Jésu è njèkunde gir kundekem̂ le jéi a, è njè kade kundekem̂ le jéi maje ɔr njêt a tɔ. Ade j’oréi kum jéi dènn’t sêw-sêw se ndɔge malang. Jésu inye ra’n ade dé tɔl kade kage-ke-dese’t anje kan rasɔl’n ke nyan. Kerɔte kuwe, Jésu oré kum’n dè nyan ranel ke tò nonn’t kété ɓaa, ɗarinè è ndi dè jikon kutu-ngar’t le Nube ta.