Jean 17:4 - Nouveau Testament en Gulay 2004

⁴ Man m’ile riɓar dèi’t dè nang nè ɓá ta. Kule ke i ade’m kade m’ra nga m’ɔr son’n njêt ɓá ta.

Jean 17:4 ပူးပေါင်းရင်းမြစ်များ

Tà ke Maje ke Luc ndang 22:37

Man m’ede sei ndàt, tà nè ke dé ndang kêm Magtub’t d’ɔje’n dè’m d’ede nè: «Dé tute’n nan’t se njékaltà tà gute-ndu’t» nga, gar-gar à aw loon’t deĵ.

Jean 12:28

Bɔ’m, i kile tɔgmong lei ke nata ade dooge geri! Ke loon’t nè kuwe ndu Nube ɓar danrán ede nè: – M’kile tɔgmong le’m ke nata kété ɓá. Nè m’a m’tel kile tɔgmong le’m ke nata kade d’an nja karé ɓai.

Jean 14:13

Nyange malang ke a i deji nin se ri’m nga, m’a m’ra kade dooge geri tɔgmong le Bɔ’m takul’m.

Jean 14:31

Nè maje kade dooge ke dè nang nè geri tite m’tár Bɔ’m. Gir’n ke nè á m’ra’n nyan malang se go ndukunn le’n. In-in dɔ ade j’awi loo ke rang’t.

Jean 15:10

Man m’an dè ndukunnge le Bɔ’m sêw-sêw á m’nain’n dann tár’t le’n. Sei géa, ke nè á an-in dè ndukunnge sêw-sêw ɓaa, a i nain-in dann tár’t le’m tɔ.

Jean 19:28

Jésu ger titeke ɗarinè gir nyan malang gang ɓá. Gir’n ke nè á è tam ede nè: – Kunde mann ra’m. E tam titeke bè le kade tà ke tò kêm magtub ke tò se ninn’n aw’n loon’t deĵ.

Jean 19:30

Loo ke Jésu njibe mann nduu ke mase nè nga ɓá ɓaa, è tam ede nè: – Gir’n nyan malang gang ɓá ta. Ke loon’t nè kuwe tànn’t tête nyonk ade dè’n tel oso ragm.

Jean 4:34

Jésu tel ile de dè’t ede nè: – Ra nyan ke kêm njèkule’m ndige a, kɔr son kule le’n ke um jim’t a tɔ á è mur le’m man.

Jean 5:36

Nè man m’aw se njèkɔrgo tà ke bòi dum Jean. Tede kule ke Bɔ’m ade m’ra m’ɔr son’n nga ɔrgo tà le’m titeke Bɔ’m kuwe ule’m.

Jean 9:3

Jésu ile de dè’t ede nè: – E è á ra majelé éké njékojennge lé a tɔ. Nè d’oje dingem nè nga ke njèkumtɔ kade dooge an-in tɔgmong le Nube tede tà le’n.

Nyanra Njekawkulege 20:24

Ndikumgajer le’m dè nang nè nga, m’an ke nyan ke ngain le tɔse kum dè’t lé. Nè kɔr son ngɔde le’m se kule ke Kuwe-ɓee Jésu-Krist um jim’t á ke nyan ke uwe kêm’m. Kule ke Kuwe-ɓee um jim’t nga, è kule kile mber Tà ke Maje ke ɔje dè kêmnoje le Nube.

2 Timothee 4:7

Man nga, m’ra rɔ maje a, m’ɔr son ngɔde le’m a, m’an dè kundekem̂ le’m sêw-sêw a tɔ.