Jean 17:25 - Nouveau Testament en Gulay 2004

²⁵ Bɔ’m ke njèkêmkanm, i njè ra nyan se dè naje’n, dooge ke dè nang nè geri nin lé, nè man ɓaa m’geri. Njé ke i ade’m se de nga geri maje titeke è i kuwe á ule’m.

Jean 17:25 ပူးပေါင်းရင်းမြစ်များ

Matthieu 11:27

Nyange malang nga Bɔ’m tel’n um jim’t. Doo karé ke ger’m maje ke Ngonn’n goto. Nè Bɔ’m kuwe karé bere á ger’m maje. Doo karé ke ger Bɔ’m maje goto, nè man Ngonn’n kuwe karé á m’ger’n maje. Nanan ke man Ngonn doo m’ribe se’n dè Bɔ’m ɓaa ase le ger’n maje.

Matthieu 16:16

Simon Pierre in ile jésu dè’t ede nè: – I i Krist, Ngonn le Nube ke njèndi kumgajer.

Tà ke Maje ke Luc ndang 10:22

Bɔ’m tel se nyan malang um jim’t. Doo karè bè ke ger’m man ke Ngonn’n goto, nè Bɔ’m karè bere á ger’m ke ngonn’n. Doo karé ke ger Bɔ’m goto, nè man Ngonn’n kuwe karé bere á m’ger’n. Doo ke man Ngonn’n kuwe m’ndige ɓita m’a m’ribe se’n dè Bɔ’m kade ger’n ke doo ke bè ɓai.

Jean 1:18

Doo karé bè géa an Nube se kum’n ndan lé ɓai. Nè Ngonn kêm’n ke dagi á ɔr gir’n ke nata ade jè geri.

Jean 10:15

Bɔ’m ger’m tede man géa m’ger’n a tɔ. Gir’n ke nè m’ile’n ra’m kɔke tede le batege le’m.

Jean 15:21

Nè dooge à rai se si nyange nè malang tede ri’m man a, tede ger ke ei geri njèkule’m nga lé a tɔ.

Jean 16:27

Bɔ’m kuwe tár sei tede sei géa i tári man tɔ. Umi kêm si dèm’t titeke man m’in ra Nube’t.

Jean 16:3

D’a ra titeke bè tede dé ger Bɔ’m lé a, dé ger’m man lé a tɔ.

Jean 16:30

Ɗarinè jè ger titeke i ger nyange malang, i aw ndoo kade doo deji tà lé. Gir’n ke nè á j’unde’n kêm jé dèi’t titeke i in ra Nube’t nú kuwe.

Jean 17:11

Nain ngɔr ɓaa man m’inye nang nè ta, tede m’a m’tel kaw rai’t gugu nú. Nè dé ɓaa, dé nain dè nang nè ɓai. Bɔ’m ke njèkêmnda káng, i ngonm de se tɔgmong lei ke ade’m kade d’um nan’t bɔk titeke jè sei j’um’n nan’t bɔk bè tɔ.

Jean 17:18

M’a m’ule de dann dooge ke dè nang nè titeke kété i ule’m dann dooge ke dè nang nè nga tɔ.

Jean 17:21

Bɔ’m, m’ɔje sei tà le kade dé malang d’um se jé nan’t bɔk titeke i Bɔ’m um’n se’m nan’t bɔk a, man géa m’um’n sei nan’t bɔk a tɔ. Maje kade dé malang d’um nan’t bɔk tede kade dooge ke dè nang nè geri titeke è i kuwe á ule’m.

Jean 17:23

Man m’um se de nan’t bɔk titeke i um’n se’m nan’t bɔk bè tɔ tede kade dé malang d’um nan’t bɔk-bɔk. Titeke bè á dooge ke dè nang nè à geri titeke è i kuwe á ule’m. Maje kade njé ke dè nang nè geri titeke i tár de titeke i tár’m bè tɔ.

Jean 17:3

Ndikumgajer se non nga, è le kade dé ger geli i Nube ke get karé bere a, le kade dé ger gel’m man Jésu-Krist ke i ule’m nga a tɔ.

Jean 17:8

Tàge ke i ede’m kété nga, man géa m’ree’n m’ede de a, dé taa a tɔ. Dé ger get titeke man nga m’in rai’t. Kule ke i ule’m nga d’um kêm de dè’t kuwe.

Jean 3:17

Kerɔte kuwe, Nube ule Ngonn’n dè nang nè le kade gangtà dè dooge’t lé ɓai, nè le kade dooge ke dè nang nè ingei kaje takul’n è.

Jean 6:19

Loo ke d’aw dann ba’t bɔp, ase kurloo mi éké mute-mutege bè ɓaa, d’an Jésu njiye dè ba’t ree ngɔr se bato. Ɓel unde de ndàt gang de.

Jean 7:29

Man ɓaa, m’ger’n tede m’in rann’t. E è kuwe á ule’m.

Jean 8:19

Pharisienge teli deji Jésu edi nè: – Ké Bɔi nga è ra wa? Jésu tel ile de dè’t ede nè: – Sei geri man lé a, Bɔ’m géa i geri nin lé a tɔ. Ke nè á né i geri man ɓaa, ayé geri Bɔ’m nga tɔ.

Jean 8:55

Sei ɓaa i geri Nube lé, nè man ɓaa m’ger’n. Ke nè á m’tam m’ede nè m’ger’n lé ɓaa, m’ayé k’ee njè tà lanm titeke sei bè tɔ. Nè man ɓaa, m’ger’n, gir’n ke nè á m’an’n dè tà le’n sêw-sêw.

Nyanra Njekawkulege 17:23

Kerɔte kuwe, loo ke m’a m’dere kêm ɓee-bò’t le si nga, m’ter nyange ke sei i ɗɔyi de nga ɓaa, m’tee dè ɗinger loo nyankuje-mese karé ke dé ndang nyan dè’t d’ede nè: «Nube ke doo ger’n lé.» E Nube ke sei i ɗɔyi nin nal ger’n nè nga kuwe á m’ree le kede sei tà le’n ɗarinè.

Nyanra Njekawkulege 26:18

M’a m’ulei kade i teen kum de ade undei loo teei dann tilkus’t teli reei dann lookar’t. M’a m’ulei ra de’t le kade ɔr de ji tɔgmong’t le Sú le tel ree se de ra Nube’t. Ke nè á d’unde kêm de dèm’t ɓaa, d’a d’inge kêm tin mbit dè kaiyage’t le de a, d’a d’inge loo ndi de dann njé ke ei le Nube’t a tɔ.»

Nje Ke Rome 1:28

Ngarakum ger Nube nga, dé ndige kum kêm de dè’t lé. Gir’n ke nè á Nube inye’n de dann tàgir’t ke se go rebe’n lé ade dé ra’n nyange ke kum ra lé.

Nje Ke Rome 3:11

Doo ke njèkumkunju karé bè géa goto, doo karé ke njè sang Nube kade ra se’n goto.

Nje Ke Rome 3:26

Nè ɗarinè è tɔje jèi rebe ke è ɔr’n tà dè dooge’t. Nube è njè ra nyan se dè naje’n. Dooge ke undei kêm de dè Jésu’t nga, è ɔr tà dè de’t kɔke.

1 Nje Ke Corinthe 1:21

Loo ke Nube tɔje ra’n dè gos nyanger’t le’n tutu nga, dooge asi geri nin se go nyanger le de ke dè nang nè lé. Gir’n ke nè á Nube ɔje njáng le kaje dooge ke undei kêm de dè Tà ke Maje’t ke j’ile mber’n. Tà ke Maje ke j’ile mber’n nga, njégos nyangerge ke ndii à tuji ooi ke tà mbe.

1 Nje Ke Corinthe 15:34

Adi tàgir le si gang tchat. E ke nè á è nyan ke sêw ke kum ra. Ebi ra si ra majelé se ndɔge malang. Kerɔte kuwe, njé ke nange dann si’t geri Nube lé. M’tam bè m’ile’n rasɔl dè si’t.

2 Nje Ke Corinthe 4:4

Ke nè á Tà ke Maje le jé tò putru ɓila ɓai ɓaa, tò putru tede le njé kunn mbi dè tàge’t. Dé nè nga, Sú ke njèkonɓee dè nang nè tɔ kum de ɔge de kunde kêm de dè Krist’t. Gir’n ke nè á d’ase kan’n lookar le Tà ke Maje nga lé. E lookar le ndubra le Krist ke è kum gute tà Nube nga.

2 Nje Ke Thessalonique 1:8

Kem̂ ndɔn’t nè nga, kuwe jéi Jésu à ade kure nyanra njé ke geri Nube lé se njé ke ilei koje dè Tà ke Maje’t le kuwe jéi Jésu-Krist lé à ɔde kum de.

Hebreuge 8:11

Doo karé dann de’t à ndó njè made ɓee le’n éké ngokon’n k’ede nè: Ké i ger Kuwe-ɓee kuwe wa? à goto ta. Dooge malang à geri man kem̂ ndɔn’t nè unn gir dè ngannge ke ndêin bè sár tee’n dè dooge ke bòi’t.

1 Jean 1:9

Nube à inye go ndukunnge le’n lé. E njè ra nyan se dè naje’n. Ke nè á j’ɔri gir majelége le jéi ke nata ɓaa, è à ade kem̂’n à tin mbit dè majelége’t le jèi. Nube à inye go nyanrage ke se dè naje’n lé le jèi nga bere mbak kɔke.

Lookilera’n 13:8

Dooge malang ke ndii dè nang nè nga à ulei dè de nang non dan’t nè ɗɔyi nin. Njé ke ulei dè de nang non dan’t ɗɔyi nin nè nga, ei dooge ke mari loo kunde gir nang’t kuwe, dé ndang ri de kem̂ magtub ndikumgajer le Ngonn bate ke ndɔ ke dé tɔl’n nga lé.

Lookilera’n 16:5

Go’t gugu, m’oo ndu doo ke danrán ke njèkan dè mannge tam ede nè: «Gangtà lei ke titeke bè nga, è se dè naje’n kuwe, i kuwe se kari bere luk-luk á i tò se ninni gai, i nga i ndi tutu kété mari ke desêin sár tee ɗarinè.