Jean 17:24 - Nouveau Testament en Gulay 2004

²⁴ Bɔ’m, njé ke um de jim’t nga, loo ke m’a m’ndi tutu ɓaa, m’ndige kade ndii se’m nan’t tutu tɔ. Titeke bè á d’a d’an’n ndubra ke i ule dèm’t nga se kum de. I tár’m kété mari ɓita unde nang nè ɓai.

Jean 17:24 ပူးပေါင်းရင်းမြစ်များ

Matthieu 25:21

Kuwe’n tel ile’n dè’t ede nè: «Maje ngain, i i ngonn njèndi ke maje, m’ase kum kêm’m dèi’t kuwe. Nyan ke ndêin bè ke ndɔ ke m’adi nga, i tɔse kumi dè’t ade tee kɔde. M’a m’ɔri kundei ke njèkan dè nyange le’m ke rang ɓai. I ree, i ra ranel se’m man kuwei.»

Matthieu 25:23

Kuwe’n tel ede’n ede nè: «Maje ngain, i i ngonn njèndi ke maje, m’asekum kêm’m dèi’t kuwe. Nyan ke ndêin ke ndɔ ke m’adi nga, i tɔse kumi dè’t ade tee kɔde. Man m’ɔri kundei ke njèkan dè nyange le’m ke rang ɓai. I ree i ra ranel se’m man kuwei.»

Matthieu 25:34

Ngar à ede njé ke ndai dè jikonn’t kede nè: «Sei njénonkarge ke ingei ndutɔr le Bɔ’m nga, i reei on-in ɓee ke d’uwe dè nja d’ɔje’n dè si kété mari loo kunde gir nang’t.

Matthieu 26:29

Man m’ede sei ndàt, m’a tel kain mann nduu nè gugu ndan lé sár kade ndɔ ke m’an-in’n se si njè ke kige kêm Konɓee’t le Baa.

Tà ke Maje ke Luc ndang 12:37

Ngann njéndige nè nga, loo ke kuwe de tel à ree á inge de dè ɓi’t lé ɓaa, ra de à nel de. Kerɔte kuwe, man m’ede sei ndàt, kuwe de à ule kubu ra kule rann’t, à uwe ɓede’n se ndar le ɓar de kade de nyankuse kade d’use a tɔ.

Tà ke Maje ke Luc ndang 23:43

Jésu tel ilé dè’t ede nè: – Kerɔte kuwe, man m’edi ndàt, ɓila kuwe a i ndi se’m nan’t Loo ke Maje’t.

Jean 1:14

Tà nè nga, tel è danra doo. E ra ɓee dann jéi’t j’an-in ndubra le’n tite ndubra le Ngonn dagi ke in ra Bɔ dooge’t. Kêmnoje se ngarankum tà taa ra’n pel-pel.

Jean 12:26

Ke nè á doo karé ndige ra nyan kade’m ɓaa, gar-gar à unn rebe goom’t. Loo ke m’ndi tutu nga, ngonn njèndi le’m géa à ndi se’m tutu tɔ. Ke nè á doo karé ra nyan ade’m ɓaa, Bɔ’m à uge dè ji’n.

Jean 14:3

M’a m’aw le gɔl loo ndi si. Loo ke m’aw m’gɔl loo ndi si gir gang ɓá ɓaa, m’a m’tel ree le koto si kàdem’t tede kade loo ke m’a m’ndi tutu ɓaa, sei géa a i ndii se’m nan’t tutu tɔ.

Jean 15:9

Man géa m’tár sei titeke Bɔ’m tár’m nga tɔ. I nain-in dann tár ke m’tár sei’t nga.

Jean 17:2

I ade ngonni tɔgmong dè dooge malang ke dè nang nè. Dooge malang ke i ade de se’n nga, è ade de ndikumgajer se non.

Jean 17:22

Ndubra ke kété ule dèm’t nga, man géa m’tel’n m’ule dè de’t tede kade d’um’n nan’t bɔk titeke jè sei j’um’n nan’t bɔk bè tɔ.

Jean 17:5

Bɔ’m, riɓar ke m’inge rai’t nú kété ɓita unde nang nè ɓai nga, i tel ile dèm’t ɗarinè ta.

Jean 6:37

Njé ke Bɔ’m ade’m se de malang nga à reei ram’t. Doo ke ree ram’t nga, m’a m’ute’n mbeng kile’n nata ndan lé.

Jean 6:39

Njé ke Bɔ’m ke njèkule’m ade’m se de malang nga, è ndige le kade doo karé bè géa dann de’t tuju lé. Nè è ndige le kade m’ade undei loo teei dann njé ke koo’t ndɔ ke ngeinn’t.

Jean 8:58

Jésu ede de ede nè: – Kerɔte kuwe, man m’ede sei ndàt, man m’ndi tutu kété ɓita kade d’oje kà si Abraham nga ɓai.

1 Nje Ke Corinthe 13:12

Nyange ke j’an-in ɗarinè nga è til nyange titeke doo an’n nyan kêm kuturam’t bè, nè ndɔn’t j’à j’an-in nyange nè nga se kum jéi ngangang ɓai. Nyanger le’m ke ɗarinè nga, è tàpitem gos nyanger karè, nè ndɔn’t m’a m’ger Nube njai-njai titeke è ger’m bè.

2 Nje Ke Corinthe 3:18

Jèi malang ke d’ɔr tà kubu nè kum jéi’t kɔke nga, j’adi ndubra le Kuwe-ɓee kile ra’n ke nata asenan se kuturam bè. Jèi nga dé tel jèi ke kum gute tà Kuwe-ɓee. E nga ndubra le’n ke in dè made’t ke kété-kété nga tel è ndubra le jéi. E ke nè á è kule ra Ndil Kuwe-ɓee ke ra tede le jéi.

2 Nje Ke Corinthe 4:6

Kété mari, Nube tam ede nè : «Maje kade lookar ndogó dann tilkusge’t!» E Nube nè nga kuwe á ade lookar ndogó dè ɓengre jé’t tede kade jè ribe’n dè ger-gel ndubra le Nube tàkum Kuwe-ɓee Jésu-Krist’t.

2 Nje Ke Corinthe 5:8

Jè nda kêm jé káng ade j’an titeke kinye danra kaw ndi ra Kuwe-ɓee’t nga è soo’t ngain.

Nje Ke Philippes 1:23

Nyange ɔsi kàde’m loo joo, ngur kin kaw ndi se Krist ra’m pênn-pênn. E á m’an ke nyan ke à too’m soo’t ngain.

1 Nje Ke Thessalonique 4:17

Jéi ke j’à ndii kumgajer dè nang nè sár ndɔ tel ree le Krist nga, d’ade koto jèi kalu-kalu se de nan’t kaw se jéi dann bum’t dɔ danrán nú le kade j’ɔji non Kuwe-ɓee. Titeke bè á j’à nain se Kuwe-ɓee njing.

1 Pierre 1:21

E takul’n è Krist á sei undei kem̂ si dè Nube’t ke njè kade unde loo tee dann njé ke koo’t a, ke njè kule ndubra dènn’t a tɔ. Gir’n ke nè á sei undei kem̂ si dè Nube’t a, kem̂ si too’n tchên ke dènn’t a tɔ.

1 Jean 3:2

Kotárge le’m, ɗarinè jèi ngann Nube. Nè táa ke jè táai nan se’n nga, ɗarinè tò nata ndái-ndái lé ɓai. Nè né è bè géa, nyan karé ke jè geri á tò nè: Ndɔ ke Krist à tel kunde loo tee pan ɓaa, j’à tooi táai nan se’n tcha-tcha tede j’à j’an-in nin se kum jéi ndan-ndan kem̂ ndɔn’t nè nga.

Lookilera’n 21:22

M’an kei ke tò se ninn’n le Nube kem̂ ɓee-bò’t nè nga lé, tede Nube ke njè tɔgmong a, Ngonn Bate a tɔ nga kuwe á ei kei ke tò se ninn’n le Nube.

Lookilera’n 3:21

Doo ke tête rɔ ɓaa, m’a m’ade à ndi se’m kutu-ngar’t le’m, titeke man géa m’tête’n rɔ ɓita m’aw m’ndi’n se Bɔ’m dè kutu-ngar’t le’n ɓai.