Jean 17:23 - Nouveau Testament en Gulay 2004

²³ Man m’um se de nan’t bɔk titeke i um’n se’m nan’t bɔk bè tɔ tede kade dé malang d’um nan’t bɔk-bɔk. Titeke bè á dooge ke dè nang nè à geri titeke è i kuwe á ule’m. Maje kade njé ke dè nang nè geri titeke i tár de titeke i tár’m bè tɔ.

Jean 17:23 ပူးပေါင်းရင်းမြစ်များ

Jean 10:38

Ke nè á undei kêmi si dè’m man’t lé géa, undei kêm si dè nyange ke ndɔ ke m’ra se tɔgmong le Bɔ’m. Titeke bè á a i geri nja karé ke ngang’n titeke Bɔ’m um se’m nan’t bɔk a, man géa m’um se’n nan’t bɔk a tɔ.

Jean 13:35

Ke nè á i tári nan ɓaa, dooge malang à geri sei ke njékuwe-girmge kerɔte.

Jean 14:10

Ké i unde kêmi dè’t titeke man se Bɔ’m jè karé bere lé wa? Ké i ger titeke m’um se’n nan’t bɔk a, è géa um se’m nan’t bɔk a tɔ lé wa? Tàge ke m’ede sei nga, è man kuwe á m’in se dè ra’m m’ede sei lé, nè è Bɔ’m ke um se’m nan’t bɔk kuwe á ra kulege le’n.

Jean 14:23

E Jude á deje tà nè m è Judas Iskariot lé. Jésu ile’n dè’t ede nè: – Ke nè á doo karé tár’m ɓaa à an dè tà le’m sêw-sêw a, Bɔ’m à tár’n ngain a tɔ. Jè se Bɔ’m j’à ree rann’t le kur kei le jé kêmn’t a tɔ.

Jean 15:9

Man géa m’tár sei titeke Bɔ’m tár’m nga tɔ. I nain-in dann tár ke m’tár sei’t nga.

Jean 16:27

Bɔ’m kuwe tár sei tede sei géa i tári man tɔ. Umi kêm si dèm’t titeke man m’in ra Nube’t.

Jean 17:11

Nain ngɔr ɓaa man m’inye nang nè ta, tede m’a m’tel kaw rai’t gugu nú. Nè dé ɓaa, dé nain dè nang nè ɓai. Bɔ’m ke njèkêmnda káng, i ngonm de se tɔgmong lei ke ade’m kade d’um nan’t bɔk titeke jè sei j’um’n nan’t bɔk bè tɔ.

Jean 17:21

Bɔ’m, m’ɔje sei tà le kade dé malang d’um se jé nan’t bɔk titeke i Bɔ’m um’n se’m nan’t bɔk a, man géa m’um’n sei nan’t bɔk a tɔ. Maje kade dé malang d’um nan’t bɔk tede kade dooge ke dè nang nè geri titeke è i kuwe á ule’m.

Jean 17:24

Bɔ’m, njé ke um de jim’t nga, loo ke m’a m’ndi tutu ɓaa, m’ndige kade ndii se’m nan’t tutu tɔ. Titeke bè á d’a d’an’n ndubra ke i ule dèm’t nga se kum de. I tár’m kété mari ɓita unde nang nè ɓai.

Jean 17:26

M’ribe se de dè rii m’ade geri nin ɓá, nè né è bè géa m’a m’tel ribe se de dè rii kade geri nin njai. Titeke bè á tár ke i tár’m nga, à urkei kêm de’t tede kade man géa m’um’n se de nan’t bɔk a tɔ.

Jean 17:3

Ndikumgajer se non nga, è le kade dé ger geli i Nube ke get karé bere a, le kade dé ger gel’m man Jésu-Krist ke i ule’m nga a tɔ.

Jean 17:8

Tàge ke i ede’m kété nga, man géa m’ree’n m’ede de a, dé taa a tɔ. Dé ger get titeke man nga m’in rai’t. Kule ke i ule’m nga d’um kêm de dè’t kuwe.

Jean 3:17

Kerɔte kuwe, Nube ule Ngonn’n dè nang nè le kade gangtà dè dooge’t lé ɓai, nè le kade dooge ke dè nang nè ingei kaje takul’n è.

Jean 6:56

Doo ke use danra’m a, an-in mese’m a tɔ ɓaa, um se’m nan’t bɔk a, man géa m’um se’n nan’t bɔk a tɔ.

1 Nje Ke Corinthe 1:30

Nè Nube um sei nan’t bɔk se Jésu-Krist. Jésu Krist nga Nube tel’n ke kumkunju le jéi ke deri. Takul Krist á Nube ɔr’n tà dè jéi’t a, unde’n jèi se ninn’n ke dooge le’n a tɔ. Nube ɔr jèi wont ji tɔgmong’t le majelé takul Krist.

2 Nje Ke Corinthe 5:21

Krist nga ra majelé karé bè lé, nè Nube tel’n ke danra majelé ke deri tede le jéi. Nube ɔr tà dè jéi’t takul Krist. Takul kum ke j’um nan’t bɔk se Krist á Nube ɔr’n tà dè jéi’t.

Nje Ke Galatie 3:28

Doo ke è Juip éké è Juip lé goto ɗarinè ta. Ɓer éké doo ke ndi dè’n pal goto ta, dingem éké dinye goto ta; tede sei malang sei dooge ke karé takul kum ke umi nan’t bɔk se Jésu-Krist.

Nje Ke Philippes 3:15

Jèi malang ke tàgir le jéi ɓisir ɓaa nga adi tàgir le jéi è karé. Ke nè á tàgir le njé ke nange dann si’t tò gai dè nyan karé’t ɓai géa, Nube à ribe dè ke nata kade sei ndɔ ke rang.

Nje Ke Colosses 1:28

E Krist nè nga kuwe á j’ile mber tà le’n j’ade dooge malang. Jè j’ede nanan a, jè ndó nanan a tà le’n se kumkunju ke deri le kade nanan géa ra’n tɔge dè kum nan’t bɔk se Krist a tɔ.

Nje Ke Colosses 2:2

Man m’ndige kade ɓengre de oso nang pon a, le kade umi nan’t bɔk dè tár nan’t a tɔ. M’ndige kade kumkunju se gos ter nyan ke deri taa ra si pel-pel. Titeke bè á a i geri nyanbaw le Nube ke tò loo ɓɔyɔn’t nga. Nyanbaw le’n ke tò loo ɓɔyɔn’t nè nga è Krist.

Nje Ke Colosses 3:14

I tɔli tà nyange nè malang se tár nan: tede tár nan nga è kule noje ke maje ɔr njêt ke tɔ sei nan’t kade sei dooge ke karé bere.

1 Pierre 5:10

Nyankem̂konge ke à rai sei nga, kò’n à tò mbɔr lé. Nè Nube ke ɓar sei nga, nyan-nojege malang in rann’t. E ɓar sei le kade oréi nan se’n dè ndubra’t le’n ke à tò sár se non takul kum ke sei umi nan’t bɔk se Krist. Nube kuwe à tel gɔl sei kade i teli i ndai dè nja si’t njáng anje tɔ pum.

1 Jean 1:3

Nyan ke j’an se kum jé a, j’oo se mbi jé a tɔ á j’ile mber’n j’ade sei. Jè j’ile mber’n j’ade sei titeke bè tede kade j’umi nan’t bɔk se Bɔ jéi a, se Ngonn’n Jésu-Krist a tɔ.

1 Jean 3:1

An-in! tár ke bò ke Bɔ jéi Nube tár jèi á ɓar’n jèi ke ngannenge. Jèi jèi ngannenge kerɔte kuwe. Gir’n ke nè á dooge ke dè nang nè geri jèi ke ngann’n lé. Dé ger jèi ke ngann Nube lé tede Nube géa dé ger’n lé.

1 Jean 4:19

Jèi ɓaa, jè tári Nube tede è kuwe á tár jèi kété.

Lookilera’n 3:9

An! njé ke kem̂ kei kebe nan’t le Sú tami edi nè n’ei Juipge. Nè ei lanmi karè m ei Juipge ke get lé. M’a m’ade d’ade ree le kɔse keje de nang noin’t a, d’ade ger titeke m’tári a tɔ.