Jean 17:21 - Nouveau Testament en Gulay 2004

²¹ Bɔ’m, m’ɔje sei tà le kade dé malang d’um se jé nan’t bɔk titeke i Bɔ’m um’n se’m nan’t bɔk a, man géa m’um’n sei nan’t bɔk a tɔ. Maje kade dé malang d’um nan’t bɔk tede kade dooge ke dè nang nè geri titeke è i kuwe á ule’m.

Jean 17:21 ပူးပေါင်းရင်းမြစ်များ

Marc 3:24

Ke nè á ɓeekon le ngar karé kaya ra’n danné loo joo ɓaa, ɓeekon nè nga à aw mbɔr ndan lé.

Jean 10:16

M’aw se batege ke rang ke ndai kêm gar’t nè nga lé ɓai. Dé nè nga, gar-gar è tà le kade m’ɔse nja de nan’t tɔ. D’a d’oo ndu’m, d’a dé kos batege ke karé luk-luk, njèkul de géa à è karé luk-luk a tɔ.

Jean 10:30

Man se Bɔ’m jè karé.

Jean 10:38

Ke nè á undei kêmi si dè’m man’t lé géa, undei kêm si dè nyange ke ndɔ ke m’ra se tɔgmong le Bɔ’m. Titeke bè á a i geri nja karé ke ngang’n titeke Bɔ’m um se’m nan’t bɔk a, man géa m’um se’n nan’t bɔk a tɔ.

Jean 11:42

Kerɔte kuwe man ɓaa, m’ger mbak tite oo ndu kɔ le’m se ndɔge malang. Nè m’tam tà nè nga tede tà le doobulege ke an-in dè’m girm nè, tede kade undei kêm de dèm’t titeke è i kuwe ule’m dè nang nè.

Jean 13:32

Ke nè á d’ule ndubra dè Nube’t takul Ngonn doo nga ɓaa, Nube kuwe géa à ule ndubra dènn’t tɔ. Nube à ule ndubra dèm’t ngɔr ta.

Jean 13:35

Ke nè á i tári nan ɓaa, dooge malang à geri sei ke njékuwe-girmge kerɔte.

Jean 17:11

Nain ngɔr ɓaa man m’inye nang nè ta, tede m’a m’tel kaw rai’t gugu nú. Nè dé ɓaa, dé nain dè nang nè ɓai. Bɔ’m ke njèkêmnda káng, i ngonm de se tɔgmong lei ke ade’m kade d’um nan’t bɔk titeke jè sei j’um’n nan’t bɔk bè tɔ.

Jean 17:18

M’a m’ule de dann dooge ke dè nang nè titeke kété i ule’m dann dooge ke dè nang nè nga tɔ.

Jean 17:20

M’ɔje sei tà tede le njékuwe-girmge á se kar de lé. Nè m’ɔje sei tà tede le njé ke à undei kêm de dèm’t se go tà ke à edi de.

Jean 17:25

Bɔ’m ke njèkêmkanm, i njè ra nyan se dè naje’n, dooge ke dè nang nè geri nin lé, nè man ɓaa m’geri. Njé ke i ade’m se de nga geri maje titeke è i kuwe á ule’m.

Jean 17:3

Ndikumgajer se non nga, è le kade dé ger geli i Nube ke get karé bere a, le kade dé ger gel’m man Jésu-Krist ke i ule’m nga a tɔ.

Jean 17:8

Tàge ke i ede’m kété nga, man géa m’ree’n m’ede de a, dé taa a tɔ. Dé ger get titeke man nga m’in rai’t. Kule ke i ule’m nga d’um kêm de dè’t kuwe.

Jean 3:17

Kerɔte kuwe, Nube ule Ngonn’n dè nang nè le kade gangtà dè dooge’t lé ɓai, nè le kade dooge ke dè nang nè ingei kaje takul’n è.

Jean 5:23

Titeke bè á dooge malang à ilei koje dè Ngonnenn’t titeke ilei koje dè Bɔn’t nga tɔ. Doo ke rara ke ile koje dè Ngonn’t nga lé ɓaa, è ile koje dè Bɔ’n ke njèkulenn’t nga lé tɔ.

Nyanra Njekawkulege 2:46

D’um kêm de nan’t karé a, dé ree kêm kei le Nube se ndɔ de, ndɔ de a, d’use mapa se nan kêm keige’t le de se ranel a, se kêmnda káng a tɔ.

Nyanra Njekawkulege 4:32

Kosdooge malang ke undei kêm de dè Jésu’t nga, umi kêm nan’t karé a, tooi asinan se doo ke karé a tɔ. Ei malang umi nyange le de nan’t loo karé, m doo karé bè géa dann de’t an nyan le’n ke nyankinge’n ke ɔje dè’n se kar’n lé.

Nje Ke Rome 12:5

Titeke bè, jèi géa jè bulei tɔ; jè teli jèi danra ke karé bere takul kum ke j’umi nan’t bɔk se Krist nga. Bè ɓaa, jèi malang jèi balkum ra nan.

1 Nje Ke Corinthe 1:10

Ngakonmge, m’ndeje sei se ri Kuwe-ɓee le jéi Jésu-Krist le kade umi tà go nan’t karé. Adi kɔr kum nan goto dann si’t. Umi tà le si nan’t a, adi tàgir le si è karé a tɔ.

1 Nje Ke Corinthe 12:12

Krist tò asenan se danran ke karé bere ke aw se balkumnge bule. Kagera doo è karé nè balkum rannge á bulei.

1 Nje Ke Corinthe 6:17

Kerɔte kuwe, doo ke um nan’t bɔk se Kuwe-ɓee ɓaa, è tel è danra ke karé bere luk-luk se go Ndil-Kêmnda.

Nje Ke Galatie 3:28

Doo ke è Juip éké è Juip lé goto ɗarinè ta. Ɓer éké doo ke ndi dè’n pal goto ta, dingem éké dinye goto ta; tede sei malang sei dooge ke karé takul kum ke umi nan’t bɔk se Jésu-Krist.

Nje Ke Philippes 1:27

Nyan karé ɓaa, adi pa njiye si uwe made nan se Tà ke Maje le Krist. Titeke bè á, né m’aw m’an sei, éké m’aw lé géa, m’a m’oo titeke sei umi tàgir le si nan’t bɔk a, undei tɔge si nan’t i rɔi se kem̂ karé. I rai titebè tede kade dooge ke rang undei kem̂ de dè Tà ke Maje’t nga.

1 Jean 1:3

Nyan ke j’an se kum jé a, j’oo se mbi jé a tɔ á j’ile mber’n j’ade sei. Jè j’ile mber’n j’ade sei titeke bè tede kade j’umi nan’t bɔk se Bɔ jéi a, se Ngonn’n Jésu-Krist a tɔ.

1 Jean 5:7

Njékɔrgo tàge nè nga ei mute.