Jean 17:19 - Nouveau Testament en Gulay 2004

¹⁹ Man kuwe m’unn ra’m bere mbak m’adi tede le de. Titeke bè á dé kuwe géa, d’a k’ee’n lei se girson bere se go ngarankum tà.

Jean 17:19 ပူးပေါင်းရင်းမြစ်များ

Jean 10:36

Man nga, Bɔ’m Nube ɔr’m unde’m se ninn’n kété ɓita ule’m dè nang nè ɓai. Ké bain á m’ede nè man Ngonn’n ɓaa sei tami edi nè m’nede’n taɓai wa?

Jean 15:13

Kade doo karé inye ra’n ade yo tede le madennge nga, è tár ke gar’n goto.

Jean 15:3

Sei nga unji nyang-nyang ɓá tede tà ke man m’ede sei kété nga.

Jean 17:17

Bɔ’m, i tɔr de unde de se ninn’n se go ngarankum tà tede tà lei è ngarankum tà.

Jean 17:20

M’ɔje sei tà tede le njékuwe-girmge á se kar de lé. Nè m’ɔje sei tà tede le njé ke à undei kêm de dèm’t se go tà ke à edi de.

1 Nje Ke Corinthe 1:2

jè ndang magtub nè j’ade njékebe nange le Nube ke ndii kêm ɓee-bò ke Corinthe. Jè ndang magtub nè nga j’ade sei ke i tooi se ninn si takul kum ke umi nan’t bɔk se Jésu-Krist. Sei nga Nube ɓar sei kade sei dooge le’n ke i tooi se ninn si. Magtub nè nga, jè ndang j’ade dooge malang se kêm ɓee-ɓee ke ɓari ri Kuwe-ɓee le jéi Jésu-Krist. Jésu-Krist nga è Kuwe-ɓee le de a, le jéi jèi a tɔ.

2 Nje Ke Corinthe 4:15

Nyange malang ke ra jè nga, è tede le si. Titeke bè á nyan-noje le Nube à in’n dè made’t ke kété-kété tede kade dooge bule teli rai Nube oiyo a, ulei ndubra dènn’t a tɔ.

2 Nje Ke Corinthe 7:14

Sei adi dè’m in tchakm ade m’pite sei tàkum Tite’t ndêin m ra’m sɔl’m dè si’t lé. Tà malang ke jè tam j’ɔje’n dè si nga è kum kuwe. Kerɔte kuwe, dè jé ke sei adi in tchakm non Tite nga, è géa an se kum’n.

2 Nje Ke Corinthe 8:9

Sei geri kêmnoje le Kuwe-ɓee le jéi Jésu-Krist nga mbak. Jésu-Krist nga è baw, nè è tel ra’n ke njèndoo tede tà le si. E ra titeke bè tede kade ndoo le’n tel è nyanbaw le si.

Nje Ke Colosses 1:6

Loo malang ke Tà ke Maje nè aw tee tutu nga, ule ngire’n nang a, ann ke kété-kété a tɔ. Sei géa, è titeke bè dann si’t, unn gir kem̂ ndɔ ke sei ooi a, i geri kem̂-maje le Nube se go ngarankum tà a tɔ.

1 Nje Ke Thessalonique 4:7

Nube ɓar jéi le kade jè ndii se ra jéi ke mine tanm-tanm lé, nè le kade jè ndii se ra jéi ke unju nyang-nyang.

2 Timothee 2:10

Gir’n ke nè á m’oré’n tà’m njak dè nyange malang ke tee dèm’t tede le njé ke Nube tɔr de. M’ra titeke bè tede kade dé géa d’inge’n kaje le Jésu-Krist a, se ndubra ke se non a tɔ.

Tite 2:14

Jésu-Krist inye ra’n ade yo uge’n dè jéi, ɔr’n jèi dann majelé’t bere mbak. E ɔr jèi unde jèi se ninn’n le kade jèi kosdooge le’n kuwe deri. Jésu ra titeke bè tede kade jèi kosdooge le’n ke njé ra nyange ke maje se rakɔlé.

Hebreuge 10:29

Doo ke an Ngonn le Nube ke nyan lé nga, d’a gangtà ke tò ɓel dènn’t dum madege ke rang. Ké sei giri bè an-in lé wa? Kerɔte kuwe, doo nè nga ile koje dè mese mann-ra ke d’ɔr’n d’unde’n se ninn’n gai nga lé. E nede Ndil-Kem̂nda ke njè kade jè geri kem̂noje le Nube nga.

Hebreuge 2:11

Jésu togo se-kaiyage le dooge ɔr de unde de se ninn de gai. E a, dooge ke è unde de se ninn de gai a tɔ nga, ei girkà karé. Gir’n ke nè á ra Jésu sɔl’n dè ɓar dooge ngakonnge lé.

Hebreuge 9:13

Mese bal binyege se bɔ mangege éké bu kon-mang ke dé ró de dé siye dè njé ra majelége’t nga ɔri se-ra de ke nata ade tooi se ninn de.

Hebreuge 9:18

Gir’n ke nè á mann-ra ke desêin nga géa, d’ile mese nang pa ɓita d’unde’n gir ɓai.

Hebreuge 9:26

Ke nè á è inye ra’n ade ke nyankuje-mese nja bule ɓaa, né ndɔ ke nyankem̂konge à rai nin nja bule unn gir’n mari loo ke Nube unde’n gir nang nè. Nè ɗarinè Krist tɔje ra’n nata ndái-ndái ke nyankuje-mese nja karé bere luk-luk ke ngang’n kem̂ ndɔge ke ngeinn’t nè tede kudu’n kum majelé le dooge.

1 Jean 3:18

Ngannemge, ade jè tári nan se tà ke tà jéi’t karè lé. Nè ade jè tári nan se nyanra jéige. Nyanra jéi á à tɔji titeke tár ke jè tári nan nga è ngarankum tár kerɔte.

1 Jean 3:3

Nanan ke unde kem̂’n tchên dè Krist’t ɓaa, maje kade ade ra’n unju nyang-nyang titeke Krist géa ade ra’n unju’n nyang-nyang bè tɔ.