Jean 17:18 - Nouveau Testament en Gulay 2004

¹⁸ M’a m’ule de dann dooge ke dè nang nè titeke kété i ule’m dann dooge ke dè nang nè nga tɔ.

Jean 17:18 ပူးပေါင်းရင်းမြစ်များ

Matthieu 10:5

Njé ke dɔg-gidé-joo ke Jésu ule de nga, è unn ndu’n ade de ede nè: – Unni rebe ke ra dooge ke geri Nube’t lé a, awi kêm ɓee-bòge ke Samarie nga lé a tɔ.

Matthieu 23:34

Gir’n ke nè á an-in! m’a m’ule se njéribe-dè-tàge ke tà Nube’t se njékumkunjuge a, se njéndang magtubge a tɔ ra si’t. Nè sei a tɔli njé ke karége a, a i ɓeri njé ke nange kàde kage-ke-dese’t a, a i tundei njé ke nange se ndêin maru kêm kei kebe nan’t le si a, a ɔri njé ke nange kororoi se kêm ɓee-ɓee a tɔ.

Jean 17:21

Bɔ’m, m’ɔje sei tà le kade dé malang d’um se jé nan’t bɔk titeke i Bɔ’m um’n se’m nan’t bɔk a, man géa m’um’n sei nan’t bɔk a tɔ. Maje kade dé malang d’um nan’t bɔk tede kade dooge ke dè nang nè geri titeke è i kuwe á ule’m.

Jean 17:23

Man m’um se de nan’t bɔk titeke i um’n se’m nan’t bɔk bè tɔ tede kade dé malang d’um nan’t bɔk-bɔk. Titeke bè á dooge ke dè nang nè à geri titeke è i kuwe á ule’m. Maje kade njé ke dè nang nè geri titeke i tár de titeke i tár’m bè tɔ.

Jean 17:25

Bɔ’m ke njèkêmkanm, i njè ra nyan se dè naje’n, dooge ke dè nang nè geri nin lé, nè man ɓaa m’geri. Njé ke i ade’m se de nga geri maje titeke è i kuwe á ule’m.

Jean 17:3

Ndikumgajer se non nga, è le kade dé ger geli i Nube ke get karé bere a, le kade dé ger gel’m man Jésu-Krist ke i ule’m nga a tɔ.

Jean 17:8

Tàge ke i ede’m kété nga, man géa m’ree’n m’ede de a, dé taa a tɔ. Dé ger get titeke man nga m’in rai’t. Kule ke i ule’m nga d’um kêm de dè’t kuwe.

Jean 20:21

Jésu tel ede de ede nè: – Maje kade kêmlom nain se si. Ɗarinè, man géa m’ule sei titeke kété Bɔ’m ule’m nga tɔ.

Jean 3:17

Kerɔte kuwe, Nube ule Ngonn’n dè nang nè le kade gangtà dè dooge’t lé ɓai, nè le kade dooge ke dè nang nè ingei kaje takul’n è.

Jean 4:38

Man m’ule sei kêm ndɔr ke sei ulei ra si ndibe tutu lé. Njé ke rang á ulei ra de ndibe tutu ɓita sei ubei maje’n ɓai.

2 Nje Ke Corinthe 5:20

Jè jè ngann njékulege tede le Krist. Nube ɓar dooge ke rann’t takul jé jè. Bè ɓaa, jè ndête sei se ri Krist kade umi nan’t bɔk se Nube.

Nje Ke Ephese 3:7

Takul noje ke Nube uwe se’m se go tɔgmong le’n á m’tel m’ee’n ngonn njèkile mber Tà ke Maje nè nga.