Jean 17:15 - Nouveau Testament en Gulay 2004

¹⁵ M’deji tede kade i tɔr de kɔke dann dooge ke dè nang nè lé, nè le kade ai-in ngang de garar-garar ade Sú ke njèkêmyêr ɔde ra de lé.

Jean 17:15 ပူးပေါင်းရင်းမြစ်များ

Matthieu 5:37

Ke nè á tà le si è oiyo ɓaa, è oiyo. Ke nè á tà le si è ḿ-m̀ ɓaa, i tami go karé edi nè ḿ-m̀. Tà ke rang ke i tami ilei dè made’t nga in ra njèkêmyêr’t.

Matthieu 6:13

Maje kade inye loo ade nyan sú nan jè lé, nè ɔr jè dann nyan ke majelé’t kɔke.

Tà ke Maje ke Luc ndang 11:4

Ade kêmi tin mbit dè kaiyage’t le jé, titeke jè kuwe géa j’ade kêm jé tin mbit dè dooge malang ke rai se jé majelé. Inye jè ade j’oso dann nyan su’t lé.»

Tà ke Maje ke Luc ndang 22:32

Nè man m’ɔje tà se Nube le kade kundekêm tchên lei tel wei soin lé. I nga, loo ke a kɔse wan tel ke ram’t ɓaa, ule dingem kêm ngakoinge’t.

Nje Ke Galatie 1:4

Jésu Krist inye ra’n è kuwe ade yo tede kaiyage le jéi. E inye ra’n ade yo tede le kɔr’n jéi wont ji tɔgmong ke majelé le dè nang nè nga se go kem̂ndige le Bɔ jéi Nube.

2 Nje Ke Thessalonique 3:3

Kuwe-ɓee è njègel goto: è à ade a i ndai dè nja si’t njáng a, à an dè si sêw-sêw le kade njè kem̂ majelé gang kɔte si’t lé.

2 Timothee 4:8

Unn gir’n ɗarinè, jɔkɔ kunn banga le nyanra ke se dè naje’n tò ngine’m. Kuwe-ɓee ke njègangtà se dè naje’n à ade’m kem̂ ndɔn’t nè nga. Kuwe-ɓee à ade’m man á se kar’m lé. Nè dooge malang ke undei kem̂ de tchên dè ndɔ tel kunde loo tee pan’t le’n nga, è à ade jɔkɔ kunn banga nè nga tɔ.

1 Jean 5:18

Jè ger mbak titeke nanan ke Nube kuwe oje’n nga à ra kaiya se ndɔ’n-ndɔ’n lé. Nanan ke Nube kuwe oje’n ɓaa à ngonm ra’n è kuwe sêw-sêw. Njè kem̂ majelé asekum tee rann’t lé.

1 Jean 5:19

Jè geri titeke jèi le Nube, nè dooge ke dè nang nè malang ei kem̂ ji tɔgmong’t le njè kem̂ majelé.