Jean 17:12 - Nouveau Testament en Gulay 2004

¹² Njé ke i um de jim’t nga, kété ke m’nain’n se de dè nang nè ɓai m’ngonm de se tɔgmong ke i ade’m. M’ɔge kum’m ɓi m’an-in’n ngang de garar-garar, m’ade doo karé bè géa tuju dann de’t lé; nè è ke ayé tuju ra’n nga kuwe se kar’n bere. E titeke bè tede kade tà ke tò kêm magtub’t ke tò se ninn’n aw’n loon’t deĵ.

Jean 17:12 ပူးပေါင်းရင်းမြစ်များ

Jean 13:18

Tà ke m’tam nè nga m’ɔje’n dè si malang lé. Njé ke man kuwe m’tɔr de nga m’ger de mbak. Nè nyan nè nga tee titeke bè tede kade tà ke Magtub ke tò se ninn’n tam ede nè: «E ke use se’m mapa nan’t nga kuwe à tel kɔr nja’n kube’m» nga, aw loon’t deĵ.

Jean 17:6

Njé ke i tɔr de dann dooge ke dè nang nè um de jim’t nga, m’ribe se de rii m’ade geri nin ɓá. Dé nè nga, dé leige kuwe kété ɓita ade’m se de ɓai. Tà lei ke m’ndó de nga, d’an dè sêw-sêw.

Jean 18:9

Jésu tam bè le kade tà ke è tam kété ede nè: «Njé ke i um de jim’t nga, m’ɔge kum’m ɓi m’an-in ngang de garar-garar m’ade doo karé bè géa dann de’t tuju lé» nga, aw’n loon’t deĵ.

Jean 6:37

Njé ke Bɔ’m ade’m se de malang nga à reei ram’t. Doo ke ree ram’t nga, m’a m’ute’n mbeng kile’n nata ndan lé.

Nyanra Njekawkulege 1:25

Doo ke a ɔr’n nga, à è njè taa gute Judas loo kaw kule’t ke inye ɔte aw loo le’n ke ɔje dè’n è kuwe.

Nje Ke Philippes 2:9

Gir’n ke nè á, Nube unn’n unde’n dɔ ɗang ile’n riɓar ke dum dè riɓarge ke rang malang dènn’t.

2 Nje Ke Thessalonique 2:3

Adi doo karé libe kum si se nel tàge ke titeke bè nga lé. Gar-gar, kété ɓita kade ndɔ nè tee ɓai nga, dooge à in-in le rɔi se Nube a, doo njè kɔse tà mbeng ke è ngonn le njè tuju à kundei loo teei pa ɓita.

Hebreuge 2:13

Jésu tel tam ɓai ede nè: «Man ɓaa, m’a m’unde kem̂’m dè Nube’t kuwe karé.» E tel tam kuwe ɓai ede nè: «An’m, man se ngannge ke Nube ade’m se de.»

1 Jean 2:19

Njé kɔse tà se Krist nga in-in dann jéi’t nè kuwe, nè kété géa ei le jéige lé. Gir’n ke nè á undei loo teei dann jéi’t kɔke. Ke nè á né ndɔ ke ei le jéi ɓaa, né à nain-in se jéi. Nè kunde ke undei loo i teei dann jéi’t kɔke nga, ade jè geri njai titeke ei le jéige ndan lé.

Lookilera’n 19:12

Kum’n on por njoi-njoi asenan se por bilm-bilm bè. Jɔkɔ tête rɔ bule tò dènn’t a tɔ. Dé ndang ri ke doo karé bè géa ger lé dènn’t. Ri nè nga è kuwe se kar’n á ger.