Jean 17:11 - Nouveau Testament en Gulay 2004

¹¹ Nain ngɔr ɓaa man m’inye nang nè ta, tede m’a m’tel kaw rai’t gugu nú. Nè dé ɓaa, dé nain dè nang nè ɓai. Bɔ’m ke njèkêmnda káng, i ngonm de se tɔgmong lei ke ade’m kade d’um nan’t bɔk titeke jè sei j’um’n nan’t bɔk bè tɔ.

Jean 17:11 ပူးပေါင်းရင်းမြစ်များ

Matthieu 10:16

An-in! man m’ule sei titeke doo ule’n batege dann bise-kɔrge’t bè. Undei kumkunju dè ra si’t asenan se lige bè a, adi kêm si nda káng-káng tite der-ndage bè a tɔ.

Matthieu 5:48

I maji ɔri njêt titeke Bɔ si ke ndi danran ee’n njè maje kɔr njêt nga tɔ.

Matthieu 6:9

Loo ke a ɔji tà se Nube ɓaa, i tami titeke bè edi nè: «Bɔ jé i ke njè ndi danrán, maje kade dooge malang geri titeke rii è ri ke tò se ninn’n gai.

Jean 13:1

Kété ɓita kade ndɔ ra nan Paque ase ɓai nga, Jésu ger titeke kàde ndɔte ɓee dè nang nè tel ke ra Bɔn’t nga ase ɓá. Njé ke le’n ke kinge’n ke ayé ndii dè nang nè ɓai nga, è tár de ngain. E tár de ade al dè loo’n.

Jean 13:3

Jésu ger titeke Bɔ’n um nyange malang jinn’t. E ger titeke in ra Bɔ’n Nube’t a, à tel kaw rann’t gugu a tɔ.

Jean 14:20

Kêm ndɔn’t nè ɓita a i geri titeke m’um nan’t bɔk se Bɔ’m a, sei umi nan’t bɔk se’m a, man géa m’um se si nan’t bɔk a tɔ.

Jean 16:28

Man m’in ra Bɔm’t nú á m’ree dè nang nè. Ɗarinè man m’inye nang nè le tel kaw ra Bɔm’t gugu.

Jean 16:33

Man m’ede sei tàge nè nga titeke bè tede kade ingei kêmlom umi se’m nan’t bɔk. A ingei nyantosowur dè nang nè kuwe, nè oréi tà si njak tede man nga m’tête rɔ njé ke dè nang nè ɓá ta.

Jean 17:23

Man m’um se de nan’t bɔk titeke i um’n se’m nan’t bɔk bè tɔ tede kade dé malang d’um nan’t bɔk-bɔk. Titeke bè á dooge ke dè nang nè à geri titeke è i kuwe á ule’m. Maje kade njé ke dè nang nè geri titeke i tár de titeke i tár’m bè tɔ.

Jean 17:25

Bɔ’m ke njèkêmkanm, i njè ra nyan se dè naje’n, dooge ke dè nang nè geri nin lé, nè man ɓaa m’geri. Njé ke i ade’m se de nga geri maje titeke è i kuwe á ule’m.

Jean 17:6

Njé ke i tɔr de dann dooge ke dè nang nè um de jim’t nga, m’ribe se de rii m’ade geri nin ɓá. Dé nè nga, dé leige kuwe kété ɓita ade’m se de ɓai. Tà lei ke m’ndó de nga, d’an dè sêw-sêw.

Jean 7:33

Jésu tam ndàt ede nè: – M’a m’nain se si mbɔr ɓita m’a m’tel kaw ra njèkulem’t ɓai.

Nyanra Njekawkulege 3:21

Jésu-Krist nè nga, gar-gar à ra ɓee danrán sár kade kurloo gɔl nyange malang loon’t gugu ase’n deĵ. Kurloo gɔl nyange loon’t gugu nga, Nube ade njéribe-dè-tàge le’n ke tooi se ninn de edi sei tà’n kété mari ɓá.

Nje Ke Rome 12:5

Titeke bè, jèi géa jè bulei tɔ; jè teli jèi danra ke karé bere takul kum ke j’umi nan’t bɔk se Krist nga. Bè ɓaa, jèi malang jèi balkum ra nan.

Nje Ke Rome 9:17

Jè tutei tà kêm Magtub ke tò se ninn’n titeke Nube ede pharaon, ngar ke ɓeekon ke Egypte ede nè: «Man m’ɔri m’undei ngar le tɔje’n tɔgmong le’m rai’t a, tede kade riɓar le’m oso’n se loo mbit-mbit dè nang nè bere mbak a tɔ.»

1 Nje Ke Corinthe 1:10

Ngakonmge, m’ndeje sei se ri Kuwe-ɓee le jéi Jésu-Krist le kade umi tà go nan’t karé. Adi kɔr kum nan goto dann si’t. Umi tà le si nan’t a, adi tàgir le si è karé a tɔ.

Nje Ke Galatie 3:28

Doo ke è Juip éké è Juip lé goto ɗarinè ta. Ɓer éké doo ke ndi dè’n pal goto ta, dingem éké dinye goto ta; tede sei malang sei dooge ke karé takul kum ke umi nan’t bɔk se Jésu-Krist.

Nje Ke Ephese 4:4

Sei sei balkum danra ke karé bere luk-luk, Ndil-Kem̂nda è karé bere luk-luk a tɔ. Titeke bè á sei géa Nube ɓar sei le kade ingei nyan kundekem̂ tchên dè’t ke karé bere luk-luk nga.

Nje Ke Philippes 2:9

Gir’n ke nè á, Nube unn’n unde’n dɔ ɗang ile’n riɓar ke dum dè riɓarge ke rang malang dènn’t.

Hebreuge 1:3

Ngonn nè nga, è njè kade ndubra le Bɔ’n Nube kile ra’n ke nata a, è kum gute tà Bɔ’n kuwe tcha-tcha a tɔ. Ngonn nè nga gete nyankundege malang se go tà ke tee tànn’t. Loo ke Ngonn nè nga ɔr se-kaiyage tɔl kon’n ɓá ɓaa, è aw ndi dɔ nú dè jikon Nube ke njè dum dè nyange malang.

Hebreuge 9:24

Kei ke tò se ninn’n ke dooge rai nga è til ngarankum kei ke tò se ninn’n. E kei ke tò se ninn’n ke dooge rai nè á Krist aw kem̂é lé. Nè è kem̂ danran’t nú ra Nube’t á è ndi ra rebe tà le jéi ɗarinè.

Jacques 4:4

Sei njé mbate Nubege! Doo ke uwe made nan se nang nè nga è njèban le Nube. Ké sei geri titeke bè lé wa? Doo ke ndige kuwe made nan se nang nè ɓaa, è kuwe tel ra’n ke njèban le Nube ta.

1 Pierre 1:5

Sei nga tɔgmong le Nube an-in ngang si garar-garar takul kundekem̂ le si. E an-in ngang si titeke bè tede kaje ke è uwe dè nja tede le si nga, nain ngɔr ɓaa à kile ra’n ke nata ndɔ ke ngeinn’t.

1 Jean 3:12

Ade jèi tite Cain bè lé. Cain nga ndo ke è doo le njè kem̂ majelé. Gir’n ke nè á ndɔ ke uje’n kɔbe ngokon’n. Ké ri á è gir kade ndɔ ke uje’n kɔbe ngokon’n wa? E uje kɔbe ngokon’n tede nyanra’n ke majelé, nè nyanra ngokon’n á è se dè naje’n.

1 Jean 5:19

Jè geri titeke jèi le Nube, nè dooge ke dè nang nè malang ei kem̂ ji tɔgmong’t le njè kem̂ majelé.

Jude 1:1

Man Jude, ɓer kule le Jésu-Krist, man ngokon Jacques. M’ndang magtub nè m’ade njé ke Bɔ jéi Nube ɓar de. Njé ke Bɔ jéi Nube ɓar de nga, ei lennge. E an dè de sêw-sêw takul Jésu-Krist.

Jude 1:24

Nube aw se tɔgmong le kan’n dè si kade osoi lé. Nube à ade a i ndai non ndubra’t le’n ke bò se ranel anje tà karé dè si’t.

Lookilera’n 15:4

Kuwe-ɓee! ké nan à nal kile koje éké nal kile riɓar dè ri’t nga wa? Oiyo, i kuwe se kari bere luk-luk á i tò se ninni, girkoje dooge se dè ɓee-dè ɓee malang à reei ndɔ karé kɔsi keje de nang non-in’t ɗɔyi nin tede nyanrage lei ke se dè naje’n tooi nata ndái-ndái tàkum de’t.»

Lookilera’n 19:12

Kum’n on por njoi-njoi asenan se por bilm-bilm bè. Jɔkɔ tête rɔ bule tò dènn’t a tɔ. Dé ndang ri ke doo karé bè géa ger lé dènn’t. Ri nè nga è kuwe se kar’n á ger.

Lookilera’n 4:8

Nyankundege ke sɔ nè nga awi se bage de mute-mute karé-karé malang, kum de bule ndari-ndari dè bage de’t se gir bage de’t a tɔ. Loo taa kebe le de goto sár. Ndɔɔ a, kada a, ɔsi pa ilei riɓar dè è ke ndi dè kutu-ngar’t edi nè: «Njè tò se ninn’n, njè tò se ninn’n, njè tò se ninn’n nga è Kuwe-ɓee Nube ke Njètɔgmong ke dum dè loo, è ke njè ndi tutu kété mari sár ɗarinè a, ndi à ree sei non a tɔ.»