Jean 16:7 - Nouveau Testament en Gulay 2004

⁷ Nè né è bè géa, man m’ede sei ngarankum tà: Kaw’m è soo’t tede le si. Ke nè á m’aw lé ɓaa, njè ra se si nga à ree ra si’t lé. Nè ke nè á m’aw ɓaa, m’a m’ule’n kade ree inge sei.

Jean 16:7 ပူးပေါင်းရင်းမြစ်များ

Tà ke Maje ke Luc ndang 24:49

Nyan ke Bɔ’m unn’n ndu’n ade sei nga, an-in! man kuwe m’a m’ule’n kade sei. Nè sei ɓaa, i ndii kêm ɓee-bò’t nè kuwe sár kade ingei tɔgmong ke à in ra Nube’t ɓita.

Tà ke Maje ke Luc ndang 4:25

Kerɔte kuwe, man m’ede sei ndàt, kété kêm ndɔn’t le Elie nga, ɓo-bò oso se loo malang kêm ɓeekon ke Israel tede ndi ede lé ase ɓal mute se nan mute-mute. Kêm ndɔ’n nè nga, njékei-kingege bule ndii kêm ɓeekon ke Israel.

Tà ke Maje ke Luc ndang 9:27

Kerɔte kuwe, man m’ede sei ndàt, doo ke nange dann njé ke ndai nè à weii lé sár kade an-in Konɓee le Nube se kum de ɓita à weii ɓai.

Jean 14:26

Ndil-Kêmnda ke njè ra se si ke Bɔ’m à ule’n se ri’m nga à ndó sei nyange malang a, à olé kêm si dè nyange malang ke m’ede sei ɓá nga a tɔ.

Jean 14:28

M’a m’aw nè m’a m’tel ree ra si’t ɓai. Kété kuwe m’ede sei tà nè nga m’ade ooi ɓá. Ke nè á ndɔ ke i tári man ɓaa né a i rai ranel dè tel ke m’a m’tel kaw ra Bɔm’t nga, tede è bòi dum’m.

Jean 14:3

M’a m’aw le gɔl loo ndi si. Loo ke m’aw m’gɔl loo ndi si gir gang ɓá ɓaa, m’a m’tel ree le koto si kàdem’t tede kade loo ke m’a m’ndi tutu ɓaa, sei géa a i ndii se’m nan’t tutu tɔ.

Jean 15:26

Ndil-Kêmnda le ngarankum tà ke à in ra Bɔm’t nga, à è njè ra se si. Loo ke m’a m’ule’n kade ree ɓaa, è kuwe à è njèkɔrgo tà le’m.

Jean 16:8

Loo ke è njè ra se si nga à ree ɓaa, à ade kum dooge ke dè nang nè à gang dè kaiya’t le de se dè nyan ra ke se dè naje’n a, se dè gangtà’t a tɔ.

Jean 7:39

E tam tà nè nga titeke bè ɔje’n dè Ndil-Kêmnda ke njé ke undei kêm de dènn’t ayé kingei. Kêm ndɔn’t nè nga Ndil-Kêmnda ree lé ɓai tede d’ule ndubra dè Jésu’t lé ɓai.

Nyanra Njekawkulege 10:34

Pierre tel unn tà tam ede nè: – Kerɔte kuwe, ɗarinè m’ger titeke Nube è njè ndête kum doo karé lé.

Nyanra Njekawkulege 2:33

Nube unn ndu’n kété mari ede nè n’a n’ule se Ndil-Kêmnda kade dooge. Loo ke è unn Ngonn’n Krist mbeng ade aw ndi dɔ dè jikon’t ɓá ɓaa, è ade’n Ndil-Kêmnda nga. Taɓai Krist in ke kété ule se Ndil-Kêmnda nga ade yal nan dè jéi’t karé-karé malang. E nè nga, è nyan ke sei an-in se kum si a, ooi tà’n se mbi si ɗarinè ɓá ta.

Nje Ke Rome 8:28

Jè ger mbak titeke njé ke tári Nube nga, nyan malang ke ra de ɗarinè à tel maje dè de’t ndɔ ke rang ɓai. E Nube á ɓar de se go nyan ke è kuwe ɔje kété mari.

2 Nje Ke Corinthe 4:17

Nyantosowur ke pêlêng ke ra jè ɗarinè nga à ɔje ndubra ke dum dè loo ndɔ ke rang ɓai.