Jean 16:32 - Nouveau Testament en Gulay 2004

³² An! kàde’n à ree, è ree ɓá a tɔ. D’ade sanrin sei karé- karé. Nanan géa à aw loo le’n-le’n, a inyei man se kar’m bere. Man se kar’m lé nè Bɔ’m è der-gir’m.

Jean 16:32 ပူးပေါင်းရင်းမြစ်များ

Matthieu 26:31

Jésu ede njékuwe-girnge ede nè: – Dann ndɔɔ nè kuwe, loo ke a an-in nyan ke à tee dèm’t ɓaa, sei malang a i tusi kundekêm le si kinyei. Dé ndang kêm magtub’t d’ede nè: «M’a m’unde njèkul dange kum yoo’n ɓaa, kos batege à an-in sanréi nan karé-karé.»

Matthieu 26:56

Nè nyan nè nga, è titeke bè le kade tà ke njéribe-dè-tàge ke tà Nube’t tami nga aw’n loon’t deĵ. Njékuwe gir-Jésuge malang inyei nin ɔti an-in nan karé-karé.

Marc 14:27

Jésu ede njékuwe-girnge ede nè: – Sei malang a teli tɔri naji se ra si dèm’t. Tede dé ndang kêm magtub’t d’ede nè: «M’a kunde njèkul batege mbas tɔl’n. Batege à an-in a, à yali nan biriri ke looge’t.»

Marc 14:50

Njékuwe-gir-Jésuge malang inyei nin an-in nan.

Jean 12:23

E ile de dè’t ede nè: – Gar-gar kàde kule ndubra dè’m man Ngonn doo’t nga ase ɓá ta.

Jean 16:2

D’ade rɔ sei kêm kei kebe nange’t. Kàde ke ndɔn’t nè, dooge malang à in-in tami kedi nè: «sei njé mbate Nubege» à ree non. Gir’n ke nè á, ndɔn’t d’a tɔl’n sei ke nyankuje-mese kede nè n’ilei riɓar dè Nube’t.

Jean 16:25

Man m’ede sei tà nyange nè nga se gostà. Nè loo ke kàde’n à ree ɓaa, m’a m’ede sei tà se gostà lé ta. M’a m’ribe se si dè tà ke ɔje dè Bɔ’m nga parang kuwe.

Jean 16:31

Jésu tel ede njékuwe-girnge ede nè: – Ké sei umi kêm si dèm’t ɗarinè ta wa?

Jean 19:27

Go’t gugu, è ede njèkuwe-gir’n nè nga ede nè: – An koin. Unn gir kêm kàdenn’t nè kuwe, njèkuwe-gir-Jésu nè aw se kon Jésu ɓee rann’t ngonm’n.

Jean 20:10

Njékuwe gir-Jésuge ke joo nè nga teli awi ɓéee.

Jean 4:21

Jésu tel ile dinye nè dè’t ede nè: – Dinye, um kêmi dè tà’t le’m, kàde’n ree kade awi dè mbal’t nè éké Jérusalem tá a kɔji tà se Nube tutu lé.

Jean 4:23

Kàde kade Nube ule se Ndil ree ɗarinè ɓá. Ngarankum njé ɗɔi Nubege à ɗɔyi Bɔ’m Nube takul tɔgmong le Ndil-Kêmnda ta titeke Ngonn’n tɔje’n de rebe’n ke get. Njé ke ɗɔyi Bɔ’m Nube titeke bè á è sang de.

Jean 5:25

Kerɔte kuwe, man m’ede sei ndàt, kàde kade njé ke koo ooi ndu Ngonn Nube nga ree ɗarinè ɓá ta. Njé ke à ooi ndu Ngonn Nube nga à ndii kumgajer.

Jean 5:28

Adi tà ige sei sêl dè tà’t nè nga lé, tede kàde kade dooge ke tooi ɓada à ooi ndu Ngonn doo nga ree ɓá ta.

Jean 8:16

Ke nè á m’gangtà géa, tà gang le’m è tà gang ke get tede man se kar’m lé nè Bɔ’m ke njèkule’m nga è se’m nan’t .

Jean 8:29

E ke njèkule’m nga, è se’m nan’t. E inye’m se kar’m lé tede m’ra nyange ke taa kum’n se ndɔ’m-ndɔ’m.

Nyanra Njekawkulege 21:6

Taɓai loo ke jè ra nan lapya gir gang ɓá ɓaa, j’al kêm bato’t. Dooge ke njé dann jège géa teli awi loo le de, le de.

Nyanra Njekawkulege 8:1

Nè Saul ndige se de dè tɔl ke dé tɔl Etienne. Kêm ndɔn’t nè kuwe, d’unn gir kɔr njékebe nange le Nube ke kêm ɓee-bò ke Jérusalem kororoi. Njétaakêm-Kristge malang yali nan karé-karé se kêm ngann ɓeege ke ɓeekonge ke Judée se Samarie a tɔ. Nè njékawkulege kuwe á nain-in kêm ɓee-bò ke Jérusalem.