Jean 16:30 - Nouveau Testament en Gulay 2004

³⁰ Ɗarinè jè ger titeke i ger nyange malang, i aw ndoo kade doo deji tà lé. Gir’n ke nè á j’unde’n kêm jé dèi’t titeke i in ra Nube’t nú kuwe.

Jean 16:30 ပူးပေါင်းရင်းမြစ်များ

Jean 16:17

Njékuwe-gir-Jésuge ke nange deji nan edi nè: – Tam ke n’tam n’ede nè: N’a n’tel kaw ke ra Bɔn’t a, nain ndêin ɓaa j’à j’an-in nin gugu lé ta. Nè mbɔr gugu ɓita j’à teli kan-in nin ɓai. Taɓai n’tanm n’ede nè: N’a n’tel kaw ra Bɔn’t nga, ké gir’n è ri wa?

Jean 16:23

Kêm ndɔn’t nè nga, a i teli deji man tà dè nyan karé’t ndan lé ta. Kerɔte kuwe, man m’ede sei ndàt, ke nè á i deji Bɔ’m nyan karé se ri’m ɓaa, à ade sei nyan nè nga kuwe.

Jean 16:26

Kêm ndɔn’t nè nga sei a deji nyan se ri’m. Nè man m’ede sei titeke m’a m’deje nyan Bɔ’m tede le si lé ta.

Jean 16:31

Jésu tel ede njékuwe-girnge ede nè: – Ké sei umi kêm si dèm’t ɗarinè ta wa?

Jean 17:8

Tàge ke i ede’m kété nga, man géa m’ree’n m’ede de a, dé taa a tɔ. Dé ger get titeke man nga m’in rai’t. Kule ke i ule’m nga d’um kêm de dè’t kuwe.

Jean 2:11

E á è kunn gir nyankɔbe ke desêin ke Jésu ra kêm ɓee ke Cana, ɓeekon ke Galilée. Jésu tɔje tɔgmong le’n ke nata ade njékuwe-girnge umi kêm de dènn’t.

Jean 21:17

Jésu deje Simon njèkon’t mute ede nè: – Simon, ngonn le Jean, ké i ndige’m kerɔte kuwe wa? Kêm Pierre on’n tede deje ke Jésu tel deje’n njèkon’t mute ede nè: – Ké i ndige’m kerɔte kuwe wa? Taɓai Pierre tel ede Jésu ede nè: – Kuwe-ɓee, i ger nyange malang ɓá, i ger titeke m’ndigi kerɔte kuwe. Jésu tel ede Simon Pierre ede nè: – Bè ɓaa, ul ngann batege le’m ade’m sei.

Jean 5:20

Bɔ ngonn tár ngonn’n ngain. Gir’n ke nè á è tɔje’n nyan malang ke è ra. E à tɔje’n kule rage ke bò dum dè ège ke nè le kade tà ige’n sei sêl.

Jean 8:42

Jésu ede de ede nè: – Ke nè á Nube è Bɔ si kerɔte ɓaa, né ayé tári man tede man m’in ra Nube’t á m’ree. E man kuwe m’in se dè’m m’ree lé, è è á ule’m ra si’t.

Hebreuge 4:13

Nyankunde le Nube karé bè ke ɓɔyɔ ra’n tàkumn’t goto. Nyan malang tò nata ndái-ndái tàkum è ke ndɔn’t j’à tutei go nyanra jéi kadi nin.