Jean 16:27 - Nouveau Testament en Gulay 2004

²⁷ Bɔ’m kuwe tár sei tede sei géa i tári man tɔ. Umi kêm si dèm’t titeke man m’in ra Nube’t.

Jean 16:27 ပူးပေါင်းရင်းမြစ်များ

Matthieu 10:37

Nanan ke ndige bɔ’n éké kon’n tá dum’m man ɓaa, è asekum k’ee le’m man lé. Nanan ke ndige ngonn’n ke dingem éké ke dinye tá dum’m man ɓaa, asekum k’ee le’m man lé.

Jean 14:21

Doo ke aw se ndukunnge le’m an dè de sêw-sêw ɓaa, è nè nga tár’m kerɔte. Nanan ke tár’m ɓaa, Bɔ’m à tár’n tɔ. Nanan ke tár’m ɓaa, man géa m’a m’tár’n a, m’a m’ɔrgir ra’m kade ger’m njai a tɔ.

Jean 14:23

E Jude á deje tà nè m è Judas Iskariot lé. Jésu ile’n dè’t ede nè: – Ke nè á doo karé tár’m ɓaa à an dè tà le’m sêw-sêw a, Bɔ’m à tár’n ngain a tɔ. Jè se Bɔ’m j’à ree rann’t le kur kei le jé kêmn’t a tɔ.

Jean 16:30

Ɗarinè jè ger titeke i ger nyange malang, i aw ndoo kade doo deji tà lé. Gir’n ke nè á j’unde’n kêm jé dèi’t titeke i in ra Nube’t nú kuwe.

Jean 17:23

Man m’um se de nan’t bɔk titeke i um’n se’m nan’t bɔk bè tɔ tede kade dé malang d’um nan’t bɔk-bɔk. Titeke bè á dooge ke dè nang nè à geri titeke è i kuwe á ule’m. Maje kade njé ke dè nang nè geri titeke i tár de titeke i tár’m bè tɔ.

Jean 2:11

E á è kunn gir nyankɔbe ke desêin ke Jésu ra kêm ɓee ke Cana, ɓeekon ke Galilée. Jésu tɔje tɔgmong le’n ke nata ade njékuwe-girnge umi kêm de dènn’t.

Jean 3:13

Doo karé bè géa in nang nè aw danrán lé ɓai. Nè man Ngonn doo á m’in danrán m’ree nang nè.

Jean 7:29

Man ɓaa, m’ger’n tede m’in rann’t. E è kuwe á ule’m.

Jean 8:42

Jésu ede de ede nè: – Ke nè á Nube è Bɔ si kerɔte ɓaa, né ayé tári man tede man m’in ra Nube’t á m’ree. E man kuwe m’in se dè’m m’ree lé, è è á ule’m ra si’t.

Nje Ke Rome 8:3

Gute-ndu le Moise ase ra nyan nè nga lé, tede yai le danra ra gute-ndu Moise ade tɔg’n goto. Nè Nube ra nyan ke gute-ndu ase ra lé nga. E ule Ngonn kêm’n è kuwe ade ree dè nang nè se danra’n ke tò tanan se le njé ra majelége tede kɔr’n de dann majelé’t.

1 Nje Ke Corinthe 15:47

Adam doo ke desêin nga, è nduju nang á Nube ube. Nè Adam ke njèkon’t joo nga in danrán.

1 Nje Ke Corinthe 16:22

Ke nè á doo karé ndige Kuwe-ɓee Jésu lé ɓaa, maje kade Nube ɔr’n kɔke dann kosdooge’t le’n. Marana tha, Kuwe-ɓee le jé ree!

2 Nje Ke Corinthe 5:14

Tár ke Krist tár jè nga ɔse jè balang-balang. Ke nè á doo karé inye ra’n ade yo tede dooge malang ɓaa, dooge malang kuwe weii se’n tɔ.

Nje Ke Galatie 4:4

Nè loo ke dè kurloo ke Nube ɔje ase deĵ ɓá ɓaa, Nube ule Ngonn’n. Ngonn’n nga dinye á oje’n a, ndi gir gute-ndu’t a tɔ.

Nje Ke Ephese 6:24

Maje kade kem̂noje nain se dooge malang ke tári Kuwe-ɓee le jéi Jésu-Krist ke njèndi kumgajer sár se non nga.

1 Timothee 1:15

Tà nè nga è tà kerɔte ke le kade nanan géa taa um kem̂’n dè’t bɔk-bɔk: Jésu-Krist ree dè nang nè le kaje njé ra majelége. Man nga kuwe m’ee ke desêin sàk-sàk le njé ra majelége.

Hebreuge 12:6

Doo ke Kuwe-ɓee tár’n ɓita tɔje’n kumkunju a, dooge malang ke è an de ke ngann’n ɓita um ndêin dè de’t ɓai a tɔ.»

1 Pierre 1:8

Jésu-Krist nga, sei an-in nin lé ɓai nè sei tári nin. Ɗarinè sei an-in nin lé ɓai nè sei undei kem̂i si dènn’t a tɔ. Gir’n ke nè á sei ndii dann bò ranel ke maje ɔr njêt’t.

1 Jean 4:19

Jèi ɓaa, jè tári Nube tede è kuwe á tár jèi kété.

Lookilera’n 3:19

Man ɓaa, dooge malang ke m’tár de nga, m’ndáng de a, m’um ndêin dè de’t a tɔ. Maje kade in kalang i tur hali.

Lookilera’n 3:9

An! njé ke kem̂ kei kebe nan’t le Sú tami edi nè n’ei Juipge. Nè ei lanmi karè m ei Juipge ke get lé. M’a m’ade d’ade ree le kɔse keje de nang noin’t a, d’ade ger titeke m’tári a tɔ.