Jean 16:26 - Nouveau Testament en Gulay 2004

²⁶ Kêm ndɔn’t nè nga sei a deji nyan se ri’m. Nè man m’ede sei titeke m’a m’deje nyan Bɔ’m tede le si lé ta.

Jean 16:26 ပူးပေါင်းရင်းမြစ်များ

Jean 14:16

Man m’deje Bɔ’m le kade ade sei njè ra se si ke rang. E nè nga à nain se si sár se non.

Jean 14:20

Kêm ndɔn’t nè ɓita a i geri titeke m’um nan’t bɔk se Bɔ’m a, sei umi nan’t bɔk se’m a, man géa m’um se si nan’t bɔk a tɔ.

Jean 16:19

Jésu ger titeke d’ayé deje’n tà. E in kété ede de ede nè: – Sei deji nan tà dè tà ke kété m’tam m’ede nè: «Nain ndêin ɓaa, a an-in man gugu lé, nè mbɔr gugu ɓita a i teli kan-in man ɓai.»

Jean 16:23

Kêm ndɔn’t nè nga, a i teli deji man tà dè nyan karé’t ndan lé ta. Kerɔte kuwe, man m’ede sei ndàt, ke nè á i deji Bɔ’m nyan karé se ri’m ɓaa, à ade sei nyan nè nga kuwe.

Jean 16:30

Ɗarinè jè ger titeke i ger nyange malang, i aw ndoo kade doo deji tà lé. Gir’n ke nè á j’unde’n kêm jé dèi’t titeke i in ra Nube’t nú kuwe.

Jean 17:19

Man kuwe m’unn ra’m bere mbak m’adi tede le de. Titeke bè á dé kuwe géa, d’a k’ee’n lei se girson bere se go ngarankum tà.

Jean 17:24

Bɔ’m, njé ke um de jim’t nga, loo ke m’a m’ndi tutu ɓaa, m’ndige kade ndii se’m nan’t tutu tɔ. Titeke bè á d’a d’an’n ndubra ke i ule dèm’t nga se kum de. I tár’m kété mari ɓita unde nang nè ɓai.

Jean 17:9

Man m’ɔje sei tà tede njé ke ei leige ke ade’m se de. Man m’ɔje sei tà tede njé ke dè nang nè nga lé.

Nje Ke Rome 8:34

Dooge ke Nube kuwe tɔr de a, ɔr tà dè de’t a tɔ nga, ké nan ase gangtà dè de’t wa? Doo karé bè ke ase gangtà dè de’t goto, tede Jésu-Krist wei tede tà le de. Jésu-Krist ke wei tede tà le de nga, è unde loo tee dann njé ke koo’t. Taɓai è aw ndi dè jikon Núbe’t à ra rebe tà le jéi.