Jean 16:25 - Nouveau Testament en Gulay 2004

²⁵ Man m’ede sei tà nyange nè nga se gostà. Nè loo ke kàde’n à ree ɓaa, m’a m’ede sei tà se gostà lé ta. M’a m’ribe se si dè tà ke ɔje dè Bɔ’m nga parang kuwe.

Jean 16:25 ပူးပေါင်းရင်းမြစ်များ

Marc 4:13

Go’t gugu, Jésu deje njékuwe-girnge ede nè: – Ke nè á i geri gir gostà ke nè nga lé ɓaa, ké a i geri gir ke rang-ge ke ɔje dè Konɓee le Nube nga titeke bain wa?

Marc 4:34

Jésu unn gostà ede’n doobulege tà. Nè loo ke è ndi se kar’n se njékuwe-girnge ɓaa, è ɔrgir gostàge nè malang ade de.

Marc 8:32

Jésu ede de tà nè nga ndàt. Nè Pierre ɔr’n njɔl aw se’n ede’n ede nè: – I tam tà titeke bè lé.

Jean 10:24

Juipge an-in dè Jésu girm ulei nan’t ɓaa, deji nin edi nè: – Ké ndɔ ke ra a ade kêm jé à oso nang pon wa? Ke nè á i Krist nga ɓaa, ede jè ndàt ade j’oo.

Jean 10:6

Jésu ede Pharisienge tà nè nga se gos titeke bè, nè geri gir tà ke è ede de nga lé.

Jean 16:12

M’aw se tàge ngain le kede sei ɓai, nè ɗarinè sei asi taai lé.

Jean 16:2

D’ade rɔ sei kêm kei kebe nange’t. Kàde ke ndɔn’t nè, dooge malang à in-in tami kedi nè: «sei njé mbate Nubege» à ree non. Gir’n ke nè á, ndɔn’t d’a tɔl’n sei ke nyankuje-mese kede nè n’ilei riɓar dè Nube’t.

Jean 16:32

An! kàde’n à ree, è ree ɓá a tɔ. D’ade sanrin sei karé- karé. Nanan géa à aw loo le’n-le’n, a inyei man se kar’m bere. Man se kar’m lé nè Bɔ’m è der-gir’m.

2 Nje Ke Corinthe 4:2

Jè mbate nyan rasɔlge ke ra se go ngein. Jè ra nyan karé le libe’n kum doo lé a, j’ur mann dann tà’t le Nube lé a tɔ. Nè jè tee se ngarankum tà j’ade tò nata ndái-ndái a, j’ɔrgir ra jé njai j’ade dooge malang geri se kêm de non Nube’t a tɔ.