Jean 16:22 - Nouveau Testament en Gulay 2004

²² Sei géa, ɗarinè i ndii dann kumndoo’t titeke bè tɔ. Nè loo ke m’a m’tel ree le kan sei ɓaa, ɓengre si à ndi dann ranel’t. Ranel le si nga doo karé bè ke à uwe’n wont kɔr’n goto.

Jean 16:22 ပူးပေါင်းရင်းမြစ်များ

Matthieu 28:8

Ke loon’t nè kuwe ɓel ra dinyege nè ngain ade ɔsi nang in-in dè ɓada se ngɔde awi. Nè ra de nel de ngain. Ei awi se tàge nè edi njékuwe-gir-Jésuge.

Tà ke Maje ke Luc ndang 10:42

Nè kêl nyan karé ke Marie ɔr dann madege’t nga, è nyan ke maje, doo karé géa ase taa jinn’t lé.

Tà ke Maje ke Luc ndang 16:25

Abraham tel ilé dè’t ede nè: «Ngonn’m, ade kêmi olé dè nyankingege’t lei ke ndɔ ke inge loo ke i ndii’n se dèi dɔ ɓai nga, nè Lazare ɓaa ndi dann nyantosowur’t. Ɗarinè d’ade ndi se kêmlom ta, nè i a i ndi dann nyantosowur’t tɔ ta.

Tà ke Maje ke Luc ndang 19:26

Kuwe ngann njéndige nè tel ede de ede nè: «Man m’ede sei ndàt, doo ke nyan tò jinn’t á d’a d’ade’n made dè’t. Doo ke nyan è jinn’t ndêin bè ɓaa, è ke ndêin bè nè kuwe d’a d’uwe’n taa jinn’t kɔke.

Tà ke Maje ke Luc ndang 24:41

Ra de nel de ngain a, tà ige de sêl a tɔ ade d’unn mbi de dè tà ke Jésu ede de. Jésu deje de ede nè: – Ké nyan ke kum kuse goto ji si’t wa?

Jean 14:1

Jésu ede njékuwe-girnge ede nè: – Adi kêm si olé bɔt-bɔt lé. Undei kêm si dè Nube’t a, undei kêm si dè’m man’t a tɔ.

Jean 14:19

Mbɔr ɓaa dooge ke dè nang nè à teli kan-in man gugu ndan lé ta. Nè sei ɓaa, a an-in man tede m’ndi kumgajer, sei géa a i ndii kumgajer a tɔ.

Jean 14:27

M’inye kêmlom le’m m’ade sei. M’a m’ade sei kêmlom le’m titeke dooge ke dè nang nè d’ade’n nga lé. Adi kêm si tò kekek lé a, adi kêm si tête mann lé a tɔ.

Jean 16:16

Jésu tel ede njékuwe-girnge ede nè: – Nain ngɔr ɓaa, a an-in man gugu lé ta; nè mbɔr gugu ɓaa, a i teli kan-in man ɓai.

Jean 16:20

Kerɔte kuwe, m’ede sei ndàt, a i noin a, a undei kade si dai-dai a tɔ. Nè njé ke dè nang nè à ali ra de. Sei a i ndii dann kumndoo’t kuwe, nè kumndoo le si nga à tel k’ee ranel ɓai.

Jean 16:6

Kêmkon rusu kêm si tede tàge nè ke m’ede sei nga.

Jean 21:7

Njèkuwe-gir-Jésu ke Jésu tár’n ngain ede Pierre ede nè: – Doo nga è Kuwe-ɓee le jéi Jésu! Loo ke Pierre oo titeke è Kuwe-ɓee ɓaa, tel ule kubu le’n ke bòi yul rann’t, al bal oso dann ba’t gugu gɔbong tede kété ndi ra’n karè.

Jean 4:14

Nè doo ke an-in mann ke m’a m’ade’n nga ɓaa, kunde a tel ra’n gugu ndan lé sár. Mann ke m’a m’ade’n nga à tel ngire mann ndikumgajer ke an-in kutch-kutch kêmn’t.

Nyanra Njekawkulege 13:52

Nè né è bè géa, njékuwe-gir-Kristge ndii se ranel a, Ndil-Kêmnda taa kêm de pel-pel a tɔ.

Nyanra Njekawkulege 16:25

Dann ndɔɔ bɔp ɓaa, Paul se Silas ɔji tà se Nube’t a, ɔsi pa ulei ndubra dènn’t a tɔ. Dangai made dege uri mbi de ooi ndu de.

Nyanra Njekawkulege 2:46

D’um kêm de nan’t karé a, dé ree kêm kei le Nube se ndɔ de, ndɔ de a, d’use mapa se nan kêm keige’t le de se ranel a, se kêmnda káng a tɔ.

Nyanra Njekawkulege 5:41

Njékawkulege undei loo teei loo gangtà’t se ranel tede Nube an de ke dooge ke asikum kade d’ile rasɔl dè de’t tede ri Kuwe-ɓee Jésu.

2 Nje Ke Corinthe 6:10

D’an jè ke dooge ke kum de ra ndoo, nè ra jé nel jè se ndɔge malang. D’an jè ke njéndooge, nè j’ade dooge ngain teli baw kundekêmge. Kerɔte kuwe, jè ke nyange taai ra jé pel-pel nga, d’an jè titeke dooge ke ndooi gɔg-gɔg.

2 Nje Ke Thessalonique 2:16

Bɔ jéi Nube tár jéi, è sɔl kem̂ jéi sár se non ade jèi kundekem̂ tchên ke maje ngain. Jè deje Bɔ jéi Nube a, jè deje Kuwe-ɓee le jéi Jésu-Krist a tɔ,

Hebreuge 10:34

Sei an-in kumndoo le dangaige. Loo ke dooge ɔyi nyankinge sige géa, sei rai ranel tede sei geri mbak titeke nyankinge le si ke maje dum ke doo à taa ji si’t lé tò ra Nube’t non ɓai.

Hebreuge 6:18

Kunn-ndu le Nube se kubu ra le’n nga ei nyange joo ke à tooi njáng. Nyange ke joo nè nga tɔji jèi titeke Nube tam tà lanm ndan lé. Nube sɔl kem̂ jéi se nyange ke joo nè nga. Gir’n ke nè á j’ubei go nyange malang j’inyei jè paberii nyan ke j’undei kem̂ jéi tchên dè’t ke Nube à ade jèi nga.

1 Pierre 1:8

Jésu-Krist nga, sei an-in nin lé ɓai nè sei tári nin. Ɗarinè sei an-in nin lé ɓai nè sei undei kem̂i si dènn’t a tɔ. Gir’n ke nè á sei ndii dann bò ranel ke maje ɔr njêt’t.