Jean 16:19 - Nouveau Testament en Gulay 2004

¹⁹ Jésu ger titeke d’ayé deje’n tà. E in kété ede de ede nè: – Sei deji nan tà dè tà ke kété m’tam m’ede nè: «Nain ndêin ɓaa, a an-in man gugu lé, nè mbɔr gugu ɓita a i teli kan-in man ɓai.»

Jean 16:19 ပူးပေါင်းရင်းမြစ်များ

Matthieu 6:8

I teli i taai nan se de lé tede loo ke tà nain kêm si’t ɓai kuwe géa, Bɔ si ger nyan ke sei awi ndoo’n kété ɓita i deji nin nyan nè ɓai.

Matthieu 9:4

Jésu ger tàgirge le de ke kêm de’t mbak. Gir’n ke nè á è deje’n de ede nè: – Ké bain á i giri tàge ke majelé titeke bè dè ɓengre si’t wa?

Marc 9:32

Njékuwe-gir-Jésuge geri tàge nè nga njai lé ɓai, nè ei ɓeli le deji nin gir.

Jean 13:33

Jésu ede njékuwe-girnge ede nè: – Ngannemge, m’a m’nain se si dè nang nè mbɔr ɓai. Ndɔn’t a i sangi man par-par. Ndɔ ke m’ede Juipge kété m’ede nè: Loo ke m’ndi m’aw ke tutu nga, sei asi kawi tutu lé. Sei géa, ɗarinè m’ede sei tà nè nga titeke bè tɔ.

Jean 14:19

Mbɔr ɓaa dooge ke dè nang nè à teli kan-in man gugu ndan lé ta. Nè sei ɓaa, a an-in man tede m’ndi kumgajer, sei géa a i ndii kumgajer a tɔ.

Jean 16:16

Jésu tel ede njékuwe-girnge ede nè: – Nain ngɔr ɓaa, a an-in man gugu lé ta; nè mbɔr gugu ɓaa, a i teli kan-in man ɓai.

Jean 16:18

Tà ke n’tam n’ede nè nain ndêin a, mbɔr ɓita a nga, ké tooi gai-gai wa? Jè geri gir tà ke n’tam nè nga lé.

Jean 16:23

Kêm ndɔn’t nè nga, a i teli deji man tà dè nyan karé’t ndan lé ta. Kerɔte kuwe, man m’ede sei ndàt, ke nè á i deji Bɔ’m nyan karé se ri’m ɓaa, à ade sei nyan nè nga kuwe.

Jean 16:26

Kêm ndɔn’t nè nga sei a deji nyan se ri’m. Nè man m’ede sei titeke m’a m’deje nyan Bɔ’m tede le si lé ta.

Jean 16:30

Ɗarinè jè ger titeke i ger nyange malang, i aw ndoo kade doo deji tà lé. Gir’n ke nè á j’unde’n kêm jé dèi’t titeke i in ra Nube’t nú kuwe.

Jean 21:17

Jésu deje Simon njèkon’t mute ede nè: – Simon, ngonn le Jean, ké i ndige’m kerɔte kuwe wa? Kêm Pierre on’n tede deje ke Jésu tel deje’n njèkon’t mute ede nè: – Ké i ndige’m kerɔte kuwe wa? Taɓai Pierre tel ede Jésu ede nè: – Kuwe-ɓee, i ger nyange malang ɓá, i ger titeke m’ndigi kerɔte kuwe. Jésu tel ede Simon Pierre ede nè: – Bè ɓaa, ul ngann batege le’m ade’m sei.

Jean 6:61

Jésu ger kêmn’t mbak titeke njékuwe-girnge murin tà ɔji dè tà nè nga. Gir’n ke nè á, è deje’n de ede nè: – Ké tà nè nga tuge sei jig’t ile sei wa?

Jean 7:33

Jésu tam ndàt ede nè: – M’a m’nain se si mbɔr ɓita m’a m’tel kaw ra njèkulem’t ɓai.

Hebreuge 4:13

Nyankunde le Nube karé bè ke ɓɔyɔ ra’n tàkumn’t goto. Nyan malang tò nata ndái-ndái tàkum è ke ndɔn’t j’à tutei go nyanra jéi kadi nin.

Lookilera’n 2:23

M’a m’ade yo-kos à tɔl ngannenge kabak. Bè tá njékebe nange le Nube malang à geri titeke man m’ee njè ter tàgir le dooge ke dè ɓengre de’t. Man m’uge nanan géa dann si’t se go kule ra’n.