Jean 15:5 - Nouveau Testament en Gulay 2004

⁵ Man m’ee kage nduu, sei sei balkum kage nduuge. Doo ke nanm kàde’m ade m’nain se’n a tɔ ɓaa, à ann ɗàk-ɗàk. Ke nè á m’nain se si lé ɓaa, sei asi ra nyan karé bè se dè ra si lé.

Jean 15:5 ပူးပေါင်းရင်းမြစ်များ

Matthieu 13:21

Nè tà nè nga ule ngire’n nang rann’t lé, è doo ke nda dè njann’t njáng lé. Loo ke nyantosowurge gai-gai éké nyankumndoo undei loo teei tede tà nè nga ɓaa, ke loon’t nè kuwe, nyan tuge’n ade oso ɓá ta.

Jean 12:24

Kerɔte kuwe, man m’ede sei ndàt, ke nè á njar ko ke doo dubu nang nga wei lé ɓaa à è kum’n ke karé bere kɔke nè kuwe. Nè ke nè á wei ɓaa, ko’n à il ngain ke kété-kété.

Jean 15:16

E sei á ɔri man lé, nè è man á m’ɔr sei m’unde sei tede kade awi a, anni se kann si a, tede kade kann si tò tutu a tɔ. Titeke bè á nyan malang ke sei deji Bɔ’m se ri’m nga, à ade sei kuwe.

Jean 5:19

Jesu tel unn tà tam ede de ede nè: – Kerɔte kuwe, man m’ede sei ndàt, Ngonn asekum ra nyan karé bè se dè ra’n lé, nè nyan ke è an ra Bɔn’t á è ra. Tede nyan malang ke Bɔ ngonn ra nga, ngonn’n géa à ra titeke bè tɔ.

Jean 9:33

Ke nè á dingem ke njè kade njèkumtɔ an loo nè in ra Nube’t lé ɓaa, ayé k’asekum ra nyan karé lé.

Nyanra Njekawkulege 4:12

Doo karé ke rang ke kaje à in rann’t goto. Gar-gar ri doo karé ke rang dann dooge ke danrán éké ke dè nang nè ke j’asekum kinge kaje se takul’n goto.

Nje Ke Rome 12:5

Titeke bè, jèi géa jè bulei tɔ; jè teli jèi danra ke karé bere takul kum ke j’umi nan’t bɔk se Krist nga. Bè ɓaa, jèi malang jèi balkum ra nan.

Nje Ke Rome 6:22

Nè ɗarinè d’ɔr sei ɓee ɓer’t le kaiya d’ade i ndii dè si pal le kade i teli ɓerge le Nube. Titeke bè á sei dooge le Nube ke i tooi se ninn si a, loo tɔl tà’n ɓaa a ingei ndikumgajer ke à tò sár se non a tɔ.

Nje Ke Rome 7:4

Ngakonmge, sei géa le si è titeke bè tɔ. Loo ke sei umi nan’t bɔk se Krist ke wei tede jéi kade kage-ke-dese’t nga, sei ɔri ra si ji gute-ndu’t sei teli sei dooge le doo karé ke rang ta. Doo karé ke rang nè nga, è Krist ke ndɔ ke Bɔ’n Nube ke njètɔgmong ade unde loo tee dann njé ke koo’t. Gir’n ke nè á j’asikum rai nyange ke maje tede le Nube.

1 Nje Ke Corinthe 10:16

Jè ra Nube oiyo tede nyankain ke jè deje ndutɔr le Kuwe-ɓee dè’t nga. Ké è nè nga è nyan ke um jéi nan’t bɔk se mese Krist nga lé ɓai wa? Mapa ke jè tête nga, ké è nyan ke um jéi nan’t bɔk se danra Krist nga lé ɓai wa?

1 Nje Ke Corinthe 12:12

Krist tò asenan se danran ke karé bere ke aw se balkumnge bule. Kagera doo è karé nè balkum rannge á bulei.

1 Nje Ke Corinthe 12:27

Sei sei kagera Krist. Titeke bè nanan géa dann si’t è balkum ra Krist.

2 Nje Ke Corinthe 13:8

Kerɔte kuwe, jè nga j’aw se tɔgmong ke rang le kute’n ngarankum tà mbeng ndan lé. Nè tɔgmong ke j’aw’n nga, tò tede gete’n ngarankum tà.

2 Nje Ke Corinthe 9:10

E Nube ke njè kade ko nyan njèdubu nyan a, ade’n nyankuse’n a tɔ nga, à ade sei ko nyan kade in dè made’t ke kété-kété a tɔ. E kuwe à ade nyanra si ke se dè naje’n à aw kum’n ke kété-kété.

Nje Ke Galatie 5:22

Kann nyan le Ndil á tò nè: Tár nan, ranel, kem̂lom, kem̂kile, kem̂-maje, kem̂-kunde,

Nje Ke Ephese 5:9

Nyanrage le lookar nga á tooi nè: kem̂-maje ke se ri’n ri’n a, nyanra ke se dè naje’n a, se ngarankum tà a tɔ.

Nje Ke Philippes 1:11

Jésu-Krist à ra se si kade i rai nyange ke se dè naje’n le kade d’ile’n riɓar dè Nube’t a, dé ɗɔi’n a tɔ.

Nje Ke Philippes 4:13

M’asekum ra nyange nè malang takul Krist tede è ade’m tɔge’m.

Nje Ke Philippes 4:17

E nyankunde nja á m’sang ra si’t lé, nè le kade kann si in dè made’t ke kété-kété ade sei.

Nje Ke Colosses 1:10

Titeke bè á pa njiye si à uwe’n made nan se le Kuwe-ɓee kade i rai nyan ke kem̂’n ndige. Sei a i rai nyange ke se ri de-ri de a, ger gel Nube le si à in dè made’t ke kété-kété a tɔ.

Nje Ke Colosses 1:6

Loo malang ke Tà ke Maje nè aw tee tutu nga, ule ngire’n nang a, ann ke kété-kété a tɔ. Sei géa, è titeke bè dann si’t, unn gir kem̂ ndɔ ke sei ooi a, i geri kem̂-maje le Nube se go ngarankum tà a tɔ.

Jacques 1:17

Nyan kade noje ke maje se nyan kunde njage ke maji ɔri njêt nga in-in dɔ danrán ra Bɔ jéi Nube ke njè kunde kàde se kɔnyonge. Nube nga tur hal’n rang lé a, loo ke rann’t tel tuge ndul ndɔ karé bè lé a tɔ.

1 Pierre 2:4

Agi ngɔr ke ra Kuwe-ɓee Jésu ke è kuberi her ke kumgajer. Kuberi her ke kumgajer nè nga, dooge mbati nin, nè gate’n è ngain tàkum Nube’t á è ɔr’n unde’n gai.

2 Pierre 3:18

Awi kum si ke kété-kété dè noje’t a, se dè ger Jésu-Krist Kuwe-ɓee le jéi ke njèkaje jèi nga a tɔ. Maje kade riɓar è le’n ɗarinè sár se non. Maje kade è titeke bè kuwe.